¹ Bewalge,Bezaleel na waina yayu akasia bana rayina hadau maraka hatunnu.Hadau maraka inna hadage malau gabawe,malauna mono lurana lima hasta,tabolo madehtana tauda hasta. ² Ta kapatana kabihuna,nyi narayidi pata kaduna kaha bolana dangadi hadau maraka mono obara waini amaha taburraka. ³ Nyi na waini amaha taburraka bana pahadayi tangana hadau maraka,ba panci,skop,koba,hodeka kahanga,mono kawali. ⁴ Nyi na rayina gallu bahhi wali ta amaha taburraka tutu hadau maraka kama hada tujai manabba.Nyi na tauyi ta kabu nirri huppuna,wali bawa kahha bawahokani madehtana hadau maraka. ⁵ Bewalge,nyi narayina pata kale amaha taburraka ba nahiyi huppu hadau maraka,ka mangu gauna hadau hatamadi yayu dita. ⁶ Yayu dita rada harayi wali ta yayu akasia pa obara waidi amaha taburraka. ⁷ Nyi naha tamadi yayu dita rada neda lari ta kale ta kadudana huppu hadau maraka ba keketayi.Nyi narayina hadau maraka rada wali ta kapabala mono tabara larna tabongara. ⁸ Nyi na rayina hajalu mono kappena wali taka ninno taburrakaha yida tangada lawai kaha nukkuwe ta binna tama Kareka Hataboka. NATARA HAKILORA KAREKA LANGNA ⁹ Nyiwe,Bezeleel rayina natara Kareka Langna.Tabara bannu,nyi natauge kaba watte malauge ngahu hasta,parayi wali takaba talujana, ¹⁰ Ka duda kabuluna hariyo t ukka kaba watte mono duda kabuluna kappena,pa ray wali ta amaha matti,mono hagaito lohho haduwu kaba watte,parayi wali ta amaha kaka. ¹¹ Tahupu Utara,dumo dage kaba watte malauna ngahu hasta,duda kabulu hariyo tukka kaba watte,mono duda kabulu kapena parayi wali amaha matti.Hagaito hariyo tukka mono haduwuna parayiyi wali ta amaha kaka. ¹² Tabara lado mali,dage kaba watte malauna lima kabulu hasta,bannu waidi kabulu hariyo tukka mono kabulu kappena.Hagaito hariyo tukka mono haduwuna harayiyi wali ta amah kaka. ¹³ Tabolo tabara lado koka,malauge kaba watte lima kabulu hasta. ¹⁴ Kaba watte hatauda tabbara kawana binna tama ta natara malauna kabulu limma hasta,lohho tauda hariyo tukka mono tauda kappena. 15 Tauda jalage tabara kaliyo binna natara.Kadudana tabbara binna tama tanatara Kareka Langna dage kaba watte malauna kabulu limma hasta,lohho dumo tauda hariyo tukka mono tauda kappedi. ¹⁶ Tangadi kaba watte kakilorage natara inna harayiyi wali ta kaba takujjana. ¹⁷ Kappe hariyo tukka rada harayiyi wali ta amaha matti.Hagaito hariyo mono haduwudi harayiyi wali ta amaha kaka.Tabbara dete hariyo tukka dummo pa obara wai amaha kaka.Tangadi hariyo tukka kakilorage natara paha gora waiyi haduwu wali ta amaha kaka. ¹⁸ Kaba binna tama ta natara Kareka Langna harayi wali ta lelu kaba moroka,malli melo,mono malli,mono wali takaba talujjana. Kaba watte inna malauge duda kabulu hasta,naha merawe madehtage kaba watte kakilorage natara Kareka Langna. ¹⁹ Kapatana hariyo tukka kaba watte inna mono kapatana kappena harayiyi wali ta amaha matina.Tangada hagaitodi mono haduwudi harayiyi wali ta amaha kaka.Tabbara dete hariyo rada pa obara waidi amaha kaka. ²⁰ Tangadi katukku hakabu ate tutu Kareka Langna mono natarana parayiwe wali ta amah matina. ²¹ Rade lage yidakna tangadi ngawu ha waiyi lari pa rayige Kareka Langna,halinawe Kareka Padelaka,tauna paha rehanai Musa tabarada ata Lewi kada tolhayi.Inna tolha nakodogei Itamar,ananai Rato Harun. ²² Bezaleel anai Uri,anai Hur,wali taka bihhu Yehuda ka ulladi tangadi paha rehanai Mori tai Musa. ²³ Bezaleel ulla dangani Aholiab,anai Ahisamakh,wali ta kabihhu Dan.Aholiab nyi wu ata ka angta hadoyi mono ha inya kawe.Nyi na angta manannu kaba talujana mono lelu kaba moroka,malli melo,mono malli. ²⁴ Tangadi amaha rara ha wai paha kade wai tangage Kareka Langna,rada amaha rara ha yiyo ba maraka paha jolai,dokabulu bani dihha talenta mono pitu ngahu talu kabulu syikalluyi,ba dokudi ukra syikal Kareka Langna. ²⁵ Tangadi amaha kaka pakahha butadi ngahu talenta mono rata pitu ngahu pitu kabulu limma syikal Kareka Langna. ²⁶ Tangana ata ka duda kabulu dauna rehina gaudi yapuna, tangada anni ngahu tauda rata lima ngahu lima kabului ata. Tangana ata ka yiyo mawakkoha syikal amaha kaka,dokuge ukra syikal Kareka Langna. ²⁷ Ngahu talenta amah kaka ha wai ba rayidi kappe Kareka Langna mono kappe kaba watte.Ngahu kappe tuba ngahu talenta amaha kaka.Nyidawe,wu kappe ha wai dahoyi wu talenta amaha kaka. ²⁸ Bezaleel na waina Rata pitu ngahu pitu kabulu limma syikal amaha kaka ba rayi waina hagaito ta tangadi hariyo ha nyukka mono tangadi paha duwu waida. Nyi dumona bana obarayi tabara dete hariyo ha nyukka. ²⁹ Tangadi manuta paha jola ka amaha matna pitu kabulu talenta mono duda rata pata ngahu syikalui. ³⁰ Bezaleel na waidi ba rayidi kappe ta bina tama Kareka hataboka,Hadau maraka mono gallu bahhina,lohho tangadi kadana ta hadau maraka. ³¹ Amaha matti rada dummo da waidi ba rayidi kappe kaba watte ka kilorage natara Kareka Langna mono kappe kaba watte binna tama ta natara,gaudi rada tangadi katukku Kareka langna mono natarana.