¹ Bezaleel na rayina Patti pajaji wali ta yayu akasia.Patti nada malauna duda ma wakkoha hasta,lurana mono maluna wu mawakkoha hastayi. ² Nyi na obarani ta bali haddi mono tabara lari Patti waini amaha rara tiyo mono narayina relief amah rara ha kilorana. ³ Nyi narayina pata kale amaha rara mono na tauyi kale rada ta pata ledu Patti.Dadi duda kale tutu tangadi hupudi. Bewlge, nyi na rayina yayu dita Patti wai tayayu akasia mono na obarani waini amaha rara katiyo. ⁵ Nyi naha tamani yayu dita lari ta kale ta kadudana huppu patti nada tutu ba keke tayi. ⁶ Nyi na rayina toni ma moli wali ta amaha rara tiyo.Malauna duda mawakkoha hasta mono lurana wu mawakkoha hasta. ⁷ Nyi narayidi duda kerub wali ta amaha rara haburri mono na tauyita panu toni mamoli. ⁸ Kerub wuyo da tauyi ta layi toni mamoli mono wuyo ta layina wadeka.Kerub-kerub rada da tau hawudi ta toni mamoli. ⁹ Kapada kerub-kerub rada na aroyi ta langta,toniyi toni mamoli. Matada kadudana kerub rada da ha aro wikda,bada aro ta toni mamoli. MEJA LIHIKKE ¹⁰ Bewalge,Bezaleel narayina Meja wali ta yayu akasia.Malauna Meja nada duda hasta,lurana dihha hasta,mono madehtana dihha rehi hasta. ¹¹ Nyi naobara waini amaha rara tiyo mono narayina relief amaha rara kakilorani. ¹² Bewalge,nyi narayina doka katujana lurana ate limma kakilorani Meja nada,lohho narayina relief kakilorani doka nada. ¹³ Nyi narayina pata kale amaha rara mono natauyi ta kapatana kabihhu meja nada,haluguna ta pata gayu ledu meja. ¹⁴ Kale rada dadi tabara dokadau hatamayi yayu dita bangidiyi meja nada. ¹⁵ Bezaleel na waina yayu akasia bana rayina dita meja mono obara waini amah rara tiyo. ¹⁶ Nyi narayidi tangadi kadana ta meja nada, ba tabboyi,hodekayi,kobayi mono kadehi wali ta amaha rara tiyo.Koba mono kadehi pa biwai maraka haenu. LATTI WEYO ¹⁷ Bewalge,Bezaleel narayina hadau latti we. Nyi na waina amaha rara tiyo mono naburruyi dadi kappe mono hanarro wai.Be innage,nyi narayina bunga,wallana,mono ro bunga. Nyi naha kadaktadi tangadi rada ta hadau latti we dajalage tangadi rada na hadaboladi. ¹⁸ Hadu latti we nada anni kahangayi nahiyi hupuna. ¹⁹ Nahiyi kahangana dadi tauda wala bunga badam,banudi kobana mono motona. ²⁰ Hanarrona latti we nada paha gora waini pata bunga padam,pannu waina koba mono motona. ²¹ Dadi anni kahanga ta karaga latti we nadda.Nahiyi kahangana,rayidila wala bunga ta kabu kahanga ba gidi tangadi kahangadi bana hatabokadi. ²² Tangada walla bunga mono kahangadi hadau latti we nahha wudahodi mono parayi dahoyi wali ta wuyo amah rara tiyo pa burru. ²³ Bezaleel narayina pittu latti we,gau jaladi hapadda wai latti we mono kalaku humbuna wali ta amah rara tiyo. ²⁴ Nyi nawaina wuyo amaha rara tiyo bana rayina latti we mono tangadi kadana. HADAU TUNNU KEMENYAN ²⁵ Bewalge,Bezaleel narayina hadu maraka ba tunnu kemenyan wali ta yayu akasia. Hadau maraka nada hadana na malauyo mono lurana wuyo hasta.Madehtana hadau maraka nada duda hasta.Tangadi kaduna hadau maraka nada naha wuyo dangani hadau maraka nada. ²⁶ Nyi na obarani tangana nada waini amaha rara tiyo,tahuppu detena hadu maraka,kilorani huppu tibina,lohho dummo kaduna.Nyi dummo narayina relief ta hakilorana hadau maraka waini amah rara. ²⁷ Nyi narayina duda kale amah rara nahiyi huppu hadau maraka mono natauyi ta kabu relief.Kale nada yikna hadau hatamadi yayu dita hadau maraka. ²⁸ Nyi narayina yayu dita nada wali ta yayu akasia mono na obara waini amaha rara. ²⁹ Nyi dummo ns rayina we lengha obara katenguna mono kemenyan langna ka bau mumra.Kadudana ulladi katauna ata ka angta hadahha kabau mumra.