¹ Bezaleel,Aholiab,mono tangada ata kada memana da ulla dahodi tangadi haulla paha reha benai Mori.Mori na yibedi tabarada yidda hamukkada mono pahangada tutu rayige haulla rayige Kareka Langna." ² Nyiwe,Musa kamaikani Bezaleel,Aholiab,mono tangada ata ka angta,ka hibawe angta wali tai Mori.Yida na megikkai atena mai tai Musa tutu rayige haulla inna. ³ Musa na yidi tabarada yidda tangadi ha yibeda Israel tutu rayige Kareka Langna.Ana huhu Israel hangatana yiyo manuta hawali ate tai Musa nahiyi kokoka. ⁴ Nyiwe,tangada kaangta ullana tanadi haullada yida harayida ta Kareka Langna mono hataboka dangani Musa. ⁵ Musa linage,"Ata rade rehiyi ha yida wali hakabu ate tubage ha ulla hakaddewe paha rehanai Mori." ⁶ Nyiwe,Musa nahadikkige hanau inna ta tangadi kareka: "Illa dahaingkana kabani waleka lawai kayiyo aga hingkayi ba yiyi tuba hakadewe Kareka Langna." Tauda dage ata ba heridi hillu yiwalli manuta. /v 7 Oro,tangadi hakabu ate ngawu tutu hakadewe Kareka Langna bana tutu bewe,lohho rehiyi. KAREKA LANGNA ⁸ Bewalge,tangada ka angta halege dage rayige Kareka Langna.Yidda da rayige kabulu kaba watte wali ta kaba malujjana mono lelu kaba moroka, malli melo,mono malli.Yidda da tepelana hada kerub,harayina wu ata ka angta,ta kaba watte inna. ⁹ Tangadi kaba watte hamerayi ukkrada,malaudi duda kabulu podo pata hasta mono luradi pata hastayi. ¹⁰ Ta kaullana da bawe kabulluyi kaba watte rada dadi duda kalibboyi.Diha-diha kalibbo kaba watte nadadi limma kaba watteyi. ¹¹ Yidda da waina kaba moroka bada rayina kabonga tangage hupge kaba watte inna ta kalibo kaba watte kadihana mono dumo ta kalibbo kaba watte kadudana. ¹² Tangada ka angta da rayina limma kabullu kabonga ta kalibbo kaba watte kaduda.Tangadi kabonga wali kadudana kalibbo kaba watte inna naha gabadi. ¹³ Yidda da rayina lima kabulu ha gaito amaha rara tutu haduwudi kaduda kalibbo kaba wattena rada.Nyidawe,kaba watte Kareka Langna inna haduwudi ka wuheyi. ¹⁴ Bewalge,tangada kaullana da rayina kaba watte wadeka katoniwe Kareka Langna.Yidda dawaina wullu kameme kapikku rayidi kabulu dihha kaba watte. ¹⁵ Tangadi kaba watte radda naha merayi ukradi,malaudi tallu kabullu hasta mono luradi pata hasta. ¹⁶ Yida da bawe kabulu dihha kaba watte rada nadadi duda kalibbo.Wuyo kalibbo dadi limma kaba watte mono wuwali kalibo nadadi anni kaba watteyi. ¹⁷ Yidda da rayina limma kabullu kabonga takka kalibbo kadihhana,tauda dummoge kalibbo kaba watte kadudana. ¹⁸ Yidda da rayina lima kabullu hagaito wali ta amaha taburraka kaha wudi kaduda libbona kaba watte rada. ¹⁹ Beyo innage,yidda da rayina duda toni wali tutu Kareka Langna,nada wuyo wali ta kalita kameme paha mallida mono wuwali pa rayi wali ta kalita talujjana. ²⁰ lohho,tangada ka ulana da rayina Karaga Kareka Langna ha hadede didara lurha wali ta yayu akasia. ²¹ Tangadi karaga malaudi kabulu hasta mono luradi wuyo rehi hasta. ²² Yida da rayina duda paddi yayu nahiyi karaga kaha duwudi wadeka karaga.Tauda dage yidda bada rayidi karaga Kareka Langna. ²³ Yidda darayidi duda kabullu karaga karaga tabbara Tabannu Kareka Langna. ²⁴ Bewalge,yidda da rayina pata kabulu kappe amaha kaka tutu karaga inna.Duda kappe tutu tangadi karaga_wuyo kappe tangadi paddi yayu. ²⁵ Tubage Utara Kareka Langna,yidda dumo da rayina duda kabulu karaga, ²⁶ mono pata kabulu kappe amaha kakana.Duda kappe tutu tangadi karaga. ²⁷ Tabolo tabara lira Kareka Langna,yidda darayina anni karaga. ²⁸ Yidda da rayina duda karaga tutu duda kabihhu ta lira Kareka Langna. ²⁹ Laraga rada da hawudi tabara bawa kahha tapannuna waidi wu kale.Tauda dagela karaga rada barayi hadaboladi ba nahiyi kabihu ta lira Kareka Langna. ³⁰ Dadi podo pata karaga tutu huppu lado mali Kareka langna inna,banudi kabulu annina kappe amaha kaka_duda kappe nahiyi tangadi karaga. ³¹ Bege,tangada kaullana da waina yayu akasia bada rayina bolo danga. Lima yayu bolo danga tutu karaga tabbara Bannu Kareka Langna, ³² limma yayu bolo danga tutu karaga tabbarra Utara,mono limma yayu bolo danga tutu karaga tabara lado mali,haluguna ta lira Kareka Langna, ³³ Yidda darayina yayu hanata paha labba ta tillu karaga,wali tahupuna kahha tahupuna. ³⁴ tangadi karaga rada ha obarayi amaha rara.Yidda da rayina kale amaha rara dau hatama dadi yayu bolo danga,loho pa obara jalada amaha rara. ³⁵ Yidda da waina kaba talujana,lelu kaba moroka,malli melo,mono malli kapikku rayina kaba watte tutu toni binna tama ta Koro hada tenguna.Yidda da tepeladi hada keub parayina wu ata angta ta kaba watte inna. ³⁶ Yidda da rayina pata hariyo kamangu hagaito wali ta yau akasia tutu kaba watte inna,mono pa obara wai amaha rara.Bewalge,yidda yida darayina pata kappe amaha kaka dau bijalayi tangadi hariyo rada. ³⁷ Bewalge,yidda darayina kaba watte wali ta lelu kaba moroka,malli melo,mono malli,mono wali ta kaba talujana tutu binna tama ta Kareka langna. ³⁸ Mono,yidda da rayina limma hariyo kamangu hagaitona tuba kaba watte inna.Yidda da obarayi layi kadau dete mono haduwu hariyo rada waidi amaha rara,tayiduwe kappe ha obara waidi amaha taburraka.