¹ M usa na kahayi tangada ata Israel mono naha hanewe tabarada yidda,"Nauwa ug hadikkige tabarami agawe paha rehanai Mori pa rayi dahomi: ² Ka anni ladona madina tangadi haullam kamu uladi,tabolo lado kapitna lado paha ten guyi tubami, haluguna lado Ngahu,lado rahi ngahu halikke tubai Mori.Iya hingkai kaulana ta lado nada ha mate dahoyi. ³ Mi ilam harewona latti langka giyo dau engami ta laddo nada." NGAWU TUTU KAREKA LANGNA ⁴ Musa naha newe ta tangada ata Israel,"Yidai rade pahareha nai Mori: ⁵ 'Kahhayi tangadi ha yimi tubanai Mori.Tangana ata kamuraha atena,nyamani nyi kana ngidi pa yiyana tai Mori: amah rara,amaha kaka,mono taburraka; ⁶ lelu kaba kamoroka,malli melo,mono malli,mono kba talujana,wullu kameme, ⁷ kalita bebe mane paha malli,kalita talujana,yayu akasia; ⁸ weyo latti tangada latti weyo,baraka magahi tuba we lengha ha obara wai,mono bara kamangahi tutu ka bau mumra. ⁹ Dumo,ngidila watu malilaka krisopras mono watu malilaka paha doyi tutu kalabe efod mono tuba toni kurru.' ¹⁰ Tangana ata kamangu aha angtana tajongami na rayi dahona ngawu paha reha benai Mori,halinawe: ¹¹ Kareka Langna,mawo ta bali haddu,mono tonige;hagaitoge,karagage,hanatage,tukkage,mono kappege; ¹² Patti Jaji,yayu ditana,toni hamolina,mono kaba watte hatoni wai patti nada; ¹³ Meja mono yayu ditana,lohho tangadi,mono kababa hanetina; ¹⁴ doka latti we lohho latti we mono tangadi,gaudi we latti inna; ¹⁵ hadau tutu tunnu kemenyan mono yayu ditana,we lengha obara mono kemenyan ka bau mumra,kaba binna ta kareka Langna; 16 hadau maraka hatunnu waidi bahhi perung gunya,yayu ditana,mono tangadi bannuge,hajalu hamurraha mono hanyukkana; ¹⁷ kaba kakilorage hadau kalibbo,hariyo hanyukka mono kappedi, kaba tutu binna halibbona, ¹⁸ katukku Hadau hatabokana mono katukku kaba kakilorage hadau kalibona,lohho tangadi kalarri; ¹⁹ mono kalabbe li heka rato untuk hanukkuwe koro Katenguna.Yidakna la kalabe leheka dau Rato Harun mono lakawa inna yidda bada hanukku kawe ba Ratoyi." MARAKA MADAKKA WALI ANA HUHU ²⁰ Nyiwe,kako dage tangada ata Israel tanani Musa. ²¹ Tangada ata kama rega atena mono tangada ata kama ngidi hayartana ammidi mono da ngidi hangidida tubanai Mori.Ha yida rada da waidi tutu hakadewe Hadau hatabokana,tangada hanukkuda,mono tangadi kalabe tenguna. ²² Tangada ata kama ngidi atena,ba kabaniniyi lohho lawai,amaidi mono ngidiyi tangga ngara halewu wai yidda: paniti,anting-anting,tawurru,mono halewu wai wadeka.Tauda dage yiddala bada yiyo halewu wai amaha rarada yidda ba hayiyo lihekadi tabrai Mori. ²³ Tangana ata kadayo kaba talujana,moroka,malli melo,mono kamalli,kana ngidyi tabarai Mori.Ba iya hingkayi kadana wullu kamemena waleka kalita bebbe paoja kamalli waleka kalita talujana dumona kana ngidyi tabrai Mori. ²⁴ Tangana ata ka yiyo amaha kaka waleka taburraka,kana ngidyi ba payinadi tabarai Mori.Tangana ata kadayo yayu akasiana kaammini yiyo tabrai Mori. ²⁵ Tangada lawai ka angta hamane kada ngidyi ngihi hamaneda yidda,kadadi hingibe wali ta lelu kaba moroka,malli melo,mono malli,lohho kaba talujana. ²⁶ Mono,tangana lawai kama gikka atena orto ba dage angtana bana hapuge hamane wullu kameme. ²⁷ Tangada kakododi kada ngidi watu malilaka krisopras mono watu ,malilaka rada hadoyiyi kapikku tauyi ta kalabe efod mono toni kurru rato. ²⁸ Tangada ana huhu dumo ngidi kemenyan mono we lengha Zaitun. Rada waidi tutu dupa,we lengha maobara,mono we latti we. ²⁹ Tangada ata Israel.kabani mono lawai,kama gikka atena yiyi tangadi ngawu ha kabu ate tutu uladi haulla paha rehanai Mori ledini Musa,ngidiyi payida yida wali kalaku ate tabarai Mori. BEZALEEL MONO AHOLIAB ³⁰ Bege,Musa naha newe tabara ata Israel,"Mori na pede beyi Bezaleel anai Uri,anai Hur,wali taka bihhu Yehuda. ³¹ Mori naka kalubuni Waini Wadi Bihhai Allah.Nyi na yinio tabarana tada,pahangada,angta,mono tangadi hadoyi limma kadadi ata ³² kapikku rayina hada ha ulla tangadi haulla kangihhi dahona amaha rara,amaha kaka,mono amaha taburraka. ³³ Tauda dumoge ba hadoyiyi watu malilaka,yayu,mono tangage angta hadoyi wadeka. ³⁴ Mori nayibewe tai Bezaleel monoi Aholiab mukkage tutu hanuawana ata wadeka.Aholiab ana nani Ahisamakh wali ta kabihhu Dan. ³⁵ Mori na yiwe hadoyi kali hekana tabarada yida kapikku pahada dage tangage haulla.Yidda mukkage rayige ha ulla ba ullana tutu yayu loho dumo bahhi.Yidda dadiwe manannuna kalabbe ka goko wali ta kaba moroka,malli melo,mono malli,mono kaba talujana. Yidaknala kaha inya kayi kahha doyi ka dadi rayige tanga ngara haulla.