¹ Bewalge linagei Mori bana hanewe tai Musa,"Rayinala duda ana kabatu katujana watu bilara ratu kawullu ha pahhamu.Nauwa kagu tolhayi hanewe katujjana ta watu hatolhaGu ullu hoge. ² Ha inyakawu kokokak koka mono maiyiwu ta lete Sinaina.Kamu dedewu ta aroGu tapanu letena. ³ Illa dahaing kana wu ata kaha doku panne dangagu.Illa dahingkana wu ata kaetawe letena inne.Loho dumo,ranga waleka bebbe dumo wale pahai mani manyappa ta kabu letena inna." ⁴ Nyiwe,Musa narayidi duda watu bilara katujjana rada ka ullu.Kokoka gaulage,nyi na hole ta Letena Sinai loho ngidiyi duda watu bilara,dokuge paharehanai Mori. ⁵ Mori naburru tabokayi Musa lari ta karabba.Nyi nadede dahekayi Musa mono na dedalage ngaraNa,halinawei Mori. ⁶ Mori na palaka ta aronai Musa mono linage, "Mori,Mori yauna Allah kadahha mono manawara.Nyi aika geha bani.Nyi banna manawara Nyi paha tenai. ⁷ Nyi naha dedalage marada ate manawaraNa ta riwu rata ana huhuna.Nyi naha walina jala,halayina mono jalana wu ata,tabolo Nyi wale nadangak mage hokuni ata kajala.Nyi wale yikel mawe bana hokuni ata kajala,nabirra jalanage hokuna inna ta anana,ubbuna,mono aibana," ⁸ Musa na geha kawojo mono ka ngak kani Mori. ⁹ Nyi linage,"Mori,nyi Yau tuba duWu tabaragu,pahaige Yau kamu tubaWu bamu kako danga gama nami loko anam bada katuyo katakku duna.Hawali dadi jalada mono jala nami mono hibama nami ba ana huhuMuma." ¹⁰ Mori linage,"Nauwa enga rayi Guge jajiGu tabarada atami rade.Ta aro mata ata Israel,Nauwa ug rayige tangage paha ngatara danga aika kalli harayi hoda ta hagala panu tana ta jonga tangana ata.Tangana ata ka engana ka kiloragu enga eta dage harayinai Mori oro Nauwa enga rayi guge hada ha ngatara danga. ¹¹ Um hatetakka dahoge bamu dokuge agawe Paha rehaGu tabaramu lado nehhe. Nyiwe,Nauwa enga wuga gudi ata Amori,Kanaan,Het,Feris,Hewi,mono Yebus. ¹² Hamataragela!Ilam rayi kana jaji aga hing kayi ta ata kaengana ta tana hatama mila.Nyi mi bamu rayi kana wu jaji ta yidda,innala yiwe hatukke dangage mayilla tubamu. ¹³ Ta nyiduwe,hata bohta dadi hadau marakada yidda,hamauha dadi hariyo hala hatauda yidda,mono pudaha dadi hala hatau Hainya Asyerada yidda. ¹⁴ Ilam kangakadi hala hatau wadeka ba aga hingkayi.Oroi MORI KANAH yiknai Allah ka wina. ¹⁵ Nyi ai tauda dage,mi enga katmige jajim ta ata taha dau neda.Yidda dummo daha otorage tauda ta hala tauda yidda mono da yiyo maraka majobera tuba hala hatauda rada.Kapirana wali ta yidda enga kamai kadagimi marakada yidda. ¹⁶ Miyola enga baimidi ana lawaida yidda tuba ana kabanimi.Ana lawai ha baimi nada nyila enga ha otora nage tauda waini hala hatauda yidda dajalage anami enga rayi dage hada kaha tujja. ¹⁷ Ilam rayi lkana allah ha burri tuba tau daumi. ¹⁸ Mi um karawa dahoyi Lado Madaka Kababa Kabba.Ka pittu ladona,mi um yadahodi kababa kabba katujjana paha reha gumi tabarami.Namuyila ta wulla paha yannaGu,Haluguna wulla Abib.Oro, ta wulla innala mi bamu huna wali Mesir. ¹⁹ Tangada kadadi kawungana wali ta tiyo tidakna hadauGu,gaudi tangadi rangam kamanena,kawunga dadi wali ta hapi waleka bebbemi. ²⁰ Mi um pahada dahowe ana kawunga keledai loho wuyo bebbe.Nyi mi aim rayi kagela,mi um kippu dahonani ri kokana anana keledai nada.Mi um rayi dahoge tangadi ana bodimi.Wale wu hing mana ata wali ta yiddala ka dadi mai tabaraGu waidi limma kaluna,aina ngidika maraka. ²¹ Mi um ulla dahona ka anni ladona,tabollo ta lado ka pittuna mi um ngahu dahomi,langka rahi kareka tamige waleka rahi mangatti. ²² Pahada kiyila Lado Madakka p ittu minggu,haluguna ngihi paulamu ka wungana wali bamu mangatti gandum.Dummo apeyi Lado Madaka kahhayi ngihhi paulla ba hajeluna dau. ²³ Hadallu wudana dihha dau,kabani wali ta miyo na mai dahho ta aronai Mori Allah,Allah Israel. ²⁴ Nauwa enga wugga gudi tangada ata ta aromu mono na lurawe kalingoramu.Walle lahing mana wuakla karama guge hadaumu kole mi bamu aroga Nauwa hadallu wudana dihha dau inna. ²⁵ Nyi mi bamu ropomi ranga mono bamu maraka kage rana ba wuwe manuta,ilam maraka maranga oledi kababa ka kabba. Illa dahingkana maraka askah karehi kahha kokoka. ²⁶ Yiyo tabarai Mori wu kawungadi wali taomami.Ngidiyi rada ta umma nai Mori,Allahmi.Ilam hadde waikana weyo suhhu baina ana kameme." ²⁷ Bewalge,Mori linage tai Musa,"Tolha kahayi tangadi hatakki Gugu tabaramu.Inne nyiwe harayiGu jaji ta yauyo mono ata Israel." ²⁸ Musa na oleni Mori ka pata kabulu ladona mono pata kabulu gadina.Nyi wale nayakma langka aga hingkana waleka enu weyo.Mono,nyi na tolhawe hanewe jaji rada,kangarana kabullu ukku pareha ta duda watu billara. HADANAI MUSA NA MAGAKAHAGE ²⁹ Begei,Musa burru wali ta lete Sinaina bana ngidiyi kadudana watu jaji rada.Nyi walena tadak mawe inna matana wagarawe oro nyi bana hanewe danga beniyi Allah. ³⁰ Kolei Harun mono Ata Israel eta nage matanai Musa Wagarawe,yida da madautani dahekiyi. ³¹ Taboloi,Musa kamai kadi yidda.Nyiwe Harun mono tangada kakododi ata amidi tabarana.Musa naha halegewe hanewe tabarada yidda. ³² Be innage,tangada ata rada dahe kayi Musa,mono nyi naha dikige tabarada yidda hareha pa yibenai Mori tabarana ta Lete Sinaina. ³³ Kolei Musa bana beyo hanewe tabarada yidda,Musa na toniwr matana waige kaba. ³⁴ Nahiwe Musa bana aroni Mori bana hanewe dangaNi,nyi na bugerage toni matana kahha bana beyo hanewe dangani Mori.Kole bana huna,Musa naha dikige harehanai Mori tabarada Ata Israel. ³⁵ Ata Israel enga eta dage matanai Musa wagarawe dajalage Musa na toni walwewe matana.Nyi dukka dahege bugerage toni matana kole bana hanewe dangani Mori.