¹ Bewalge,Mori linage tai Musa,"Yau mono ata ha hu ngidig wali ta Mesir da yela dahoge hadau inne.Kako taha dau ha jaji kiraGu tai Abraham,Ishak, mono Yakub waige bagu hanewe,"Ta ana huhumla enga yiguGe hadau inne." ² Nauwa enga halewa Gudi malaikat kako ullu ta aromu,mono Nauwa enga wugagudi huna ata Kanaan,Amori,Het,Feris,Hewi,mono Yebus wali taha dau hajajiGu inna. ³ Nyiwe,kakowu ta tana kama majabola we huhu mono kanena,tabolo Nauwa waleg ma rangakma gimi oro mi ba ata hada katuyo katakku.Nyi Nauwa bagu kao ole gimi,enga dadi dage la bagu ha lli loko larami." ⁴ Kole ata Israel rangewe liyo ai dahha inna,yida nama ropoi ateda. Nyiwe,yida da laidi hagora waida yida. ⁵ Oro,Mori linage tai Musa,'Mikna ata katuyo katakku.Nauwa dadiwe bagu hali lokom miyo nyi Nauwa kakowa ta jongami langka aina mojage.Oro bataudage,laidi tangadi hagorami dajalage Nauwa tiba mige aga dahoyi harayiGu tabarami."' ⁶ Nyiwe,Ata Israel wale da hilu hagorakma yida wali ta lete Horeb mono kaha nimi. KAREKA HATABO TUDNA Kalli dama,Musa na ngala mawo mono naha dede ta bali haddu,walle al pu marauk mage wali ta Kareka.Nyi naha ngarage Kareka hadau ha tabokana.Tangana ata kama yegani Mori na kakao daho ta Kareka hadau hataboka ka dana ta bali haddu Kareka inna. ⁸ Nahiwe Musa bana kako ta hadau inna,tangana ta da matarani.Yida da dede ta binna hadau inna diha-diha mono torroyi Musa kaha bana tama ta Kareka Hatabokana inna. ⁹ Nahiwei Musa tama lari ta Kareka Hataboka inna,burru nage hariyo karabba mono nadedewe ta aro binna hadau.Mono,Mori naha newe dangani Musa taha dau neda. ¹⁰ Nyidawe tangada bada etawe hariyo karabba dedewe ta binna tama Kareka Hataboka inna,yidda da kawojoni Allah,tangada ta binna hadau. ¹¹ Tauda dage kadamma Mori bana hanewe tai Musa bada ha aro matana,tujayi ata bana hanewe dangadi oleda.Nadai Musa haggaka ta hadau,Yosua anai Nun,wu bau mane kaha nukkuyi Musa,enga dauna ba dani lari Hadau hatabokana inna, MUSA NA ETAWE MANADANAI MORI ¹² Musa linage tai Mori,"Yau um tak gage tabaragu kagu ngidiyi anam rade,tabolo Yau walem takkik mayi iyayi paha lewaMu pa olegu.Yau lumu jalage tabaragu,'Nauwa ug tadawu mono Nauwa ug yannana tabramu' ¹³ Nyi nauwa batau takage bagu yannana tabaraMu,pahaiga nauwa kagu tadayi laraMu dajalage katada Yau,dajalage ka engage tadawu Yau,dajalage nauwa ka enga jalage yannana tanaraMu.Apewela ata rade yidakna anaMu." ¹⁴ Balehawei Mori,Nauwa wikki dau ug ole gimi mono Nauwa enga yigumi kama inyaka." ¹⁵ Musa lina jalage tabaraNa,"Nyi Yau aim kakowu ole gama nami,ilam halewama nami yelage hadau inne. ¹⁶ Oro,aga lina daka nami,haluguna nauwa mono ata rade,bama tadawe inna nauwa bagu tubawa tabaraMu? Wale oro olek mugamaLa nami,haluguna nauwa mono ata rade,bana hekadi wali ta tangada ata ta panu tana?" ¹⁷ Mori na balehayi Musa,"Nauwa ug rayige agawe mi haraimu.Nauwa enga rayigugela oro mi marakami tabaraGu mono Nauwa hada tadami." ¹⁸ Loho,Musa linage,"Nauwa ug rainoge,hatingoge manadaMu tabaragu." ¹⁹ Balehawei Mori," Nauwa enga hatingo guge tangage dahaGu tabaramu mono enga hadela guge ngaraGu,Mori,ta aromu.Nauwa enga malewara ate mono marabeha ate tabarada iya hingkayi hakabu ateGu. ²⁰ Tabolo,mi wale nadadik mawe eta gage mataGu oro wale wu hing mana ata kadadi etawa Nauwa mono ka engana morha." ²¹ Bewalge,Mori linage,"Ia ibiGu dage lete watuna,miyo um dede dahomi ta panuna.Nauwa enga ha yana ²² gumi ta ta pakka watu rada mono na tonimi waidi limaGu,kahha manadaGu bana palakawu. ²³ Bewalge,Nauwa enga tingi guni limaGu,mono mi engam eta mige ka hanguGu. Tabolo,mi walem etak magage mataGu."