Saulus Nadadi Dokuni Yesus ¹ Tabolo, Saulus, tamrana hangatage rayige heridi mono hamateyi tangada ana hakodo halolena Mori, kakonage dikidi Rato madakka, ² Mono, na karayi jurata tabarada, pa haaro ta Sinagoge-sinagoge ta Damsyik dajalage nyi bana tabokayi iya hing kayi ata hatena ta lara nada, kabani waleka lawaiyi, nyi nadadiwe bana ngidi bada radidi ta Yerusalem. ³ Kole ba tamrana kako, nyi na kiki dahekanage Damsyik, mono hayadawe woyu magakaha wali ta langta mahabara kilorani. ⁴ Loho, nyi bukka ta tana mono rangewe liyo kalinada tabarana, "Saulus, Saulus, aha yauwu mam hamayillawa Nauwa?" ⁵ Saulus na kanukkayi, "Iyawu yauwu, mori?"Mono, nyi linage, "Nauwaknai Yesus.hamayilla bemu. ⁶ Tanyiduwe kadewu mono tamawu ta harona, mono yauwu enga tak guge aga dahowe harayimu." ⁷ Ata kamarangani Saulus da dede lakma hatakida kole bada rangewe liyo inna, tanyiduwe waleda etakmayi ba iya hingkayi. ⁸ Saulus Na dede wali tatana , monno lohho matana mabugerayi, Nyi wale lakma ha eta ana.nyidawe, ata rada da irruyi waini limada mono ngidiyi tama ta Damsyik. ⁹ Mono, tauda ladona, Saulus walena dadik mawe eta mono walena yakma waleka enu. ¹⁰ Lado nedo mema, dani wuyo ana ha kodona nedo ta Damsyik, Ngarana, "Ananias!"Nyiwe, Ananias linage, "inne nauwaknai Mori." ¹¹ Loho, Mori linage tabarana, "kade mono kakowu ta lara ka ngarana lara lurha, mono ta ummai Yudas, Mayegani ata Tarsus kangaranai Saulus oro, etayi la, ata nada tamrana sembayang, ¹² Mono Nyi na kole bena wuyo ha etana nada wuyo ata kangarana Ananias amini mono naha jaladi limmana ta takna dajalage Nyi kana dadiwe eta hagga." ¹³ Tabolo, Ananias na balehawe, "Mori, Nauwage rangebeyi wali ta ata buta tutu ata nada, hada butayi japatana harayi bena Nyi tabarada ana suhumu katenguna ta Yerusalem, ¹⁴ Mono ta ha dauwu inne nyi mangu kawahana wali ta Rato-rato katakuge tutu katidi tangada ata ka maikaguge ngara-Mu." ¹⁵ Tanyiduwe, Mori naha newe ta barana, "kakowu oro ata nada Nyi hawaiyigu loho ha pedegu tutu ngidigage ngara-Gu ta aroda tangada kabihhu ata wadeka, mono raja-raja, lohho ata Israel." ¹⁶ Oro, Nawa enga hatingoge tabarana hadda butawe nyi halikkona mayilla tutu ngara-Gu." ¹⁷ Nyiwe, Ananias kakonage mono tama ta umma inna, mono kole bana bijalayi limmana ta katakkunai Saulus, nyi lin nage, "bagu anguwugu Saulus, Morida Yesus, kahad'edala wikina tabaramu larr ta lara bamu maiyiwu, nahalewawa dajalage yauwu kamu eta haga waliwu mono kaburrugu wadi biha." ¹⁸ Tabolo, nedo mema dumo, wuyo katujana napu kaboko monuwe wali ta matana mono nyi nadadiwe eta hagga walli.bege, nyi na kadde mono harihayi. Saulus Nahalegewe Talarage Tutu Yesus ¹⁹ Mono, kole bana yayo, Saulus da hakulhayi.nyi oledi ana hakodona ta Damsyik kapirra ladona. ²⁰ Mono, nageha nyi talarage Ngara Yesus ta Sinagoge waige balinna, "Yesus nyikna Ana Allah." ²¹ Tangada ata karangeyi hangatara mono lidage, "wale nyikakna ata nade ka d'ana ta Yerusalem hamateyi yida katakkiwe ngara inna mono ka maibe ta hadauwu inne waige hakabu atena ngidiyi yida lari tahada maraddi ta aro rato-rato katakge?" ²² Tanyiduwe, Saulus kiki kulhanage mono nyi bukayi katahda ata Yahudi ka engana ta Damsyik waige bana hadedoge Yesus ba nyoyi Kristus. ²³ Kole bannuge kapirra ladona, ata Yahudi da hawuna hanewe kahamateyi Saulus, ²⁴ Tabolo hawuyo takida kapa;eka yida rada bada tada nage Saulus.yida da hamatarani ta tangadi binna KallaLaddo mono Gaddi dajalage yida dadiwe bada hamateyi. ²⁵ Tanyiduwe, Ana hakodonai Saulus da ngidiyi bana gadige mono haburruni ledege wuyo gallu watu waige hajolani bawa larr ta wuyo kawukata. ²⁶ Kole Saulus diki ta Yerusalem, nyi nakabage maubla dangadi ana hakodona wadeka.tanyiduwe , yida tanagada madauta tabarana oro aida hatenawe, ba nyi ana hakodo jallayi. ²⁷ Tabolo, Barnabas na oleni Saulus mono ngidiyi tabarada lede li'na, loho halarawe tabarada yida aga linna dawe nyi bana eta baeyi Mori neda ta lara, mono Mori na hanewe tabarana, loho aga linna dawe nyi waige bani ate hanewe begge nagarai Yesus ta Damsyik. ²⁸ Mono, Saulus maranga ole dangadi yida kole yida tama mono huna ta Yerusalem hagapege hanewe waige bani ate larr tangarai Mori. ²⁹ Nyi nahanewe mono gabbadi ata Helenis, tabolo yidda da kabu atege hamateyi. ³⁰ Kole ole baina ta hatena tadawe hada inna, yida da ngidiyi burru ta Kaisare mono halewayi ta Tarsus. ³¹ Oronage inna, kangote ta tangage Yudea, mono Galilea, mono Samaria kolege moli mono da tummube.Mono, morha lari ta madauta rakanai Mori mono larr ta agu atena wadi buha, yida da kiki mataba dage buta. Petrus ta Harona Lida mono Harona Yope ³² Dage wu rahi, tamranai Petrus kilorage kalingora neda, nyi dumo dikidi atakatenguna ka dauwu ta Lida. ³³ Nedo bali, nyi da dikini wu ata kangaranai Eneas, kapodopata dau bena baika tahadauwu baukana oro kalikkuna. ³⁴ Loho Petrus linnage tabarana, "Eneas, Kristus Yesus nahatagahawu.kaddewu mono kam hamuraha kige hadauwu duramu!"mono, ta haduwu nedo dumo Eneas kadde. ³⁵ Nyidawe, tangana ata ka engama ta Lida etawe mono yida hagga ta baranai Mori. ³⁶ Diha wuyo rahi, ta Yope, d'ani wuyo ata ana hakodona Lawaiyi kangarana Tabita , nyi ba halarawe Dorkas, nyi banuni waige harayina kadahha mono hada tulna olena. ³⁷ Ta laddo nedage nadadiwe, nyi na kalawara mono mate.loho, kole ata bada harihanage karogona, yida da habaikayi ta koro dauwu dete. ³⁸ Oro Lida dahekawe Yope, tangada ana hakododa, kole bada rangeyi Petrus d'ani nedo bali nahalewayi d'uda ata tabarai Petrus mono rainoge tabarana, "ilam hadikkage kako ta hadauma nami !" ³⁹ Nyiwe, Petrus kaddenage mono kako marangadi yida.mono, nyi dikki, yida da ngidiyi Petrus ta koro kadauwu dete.tangada lawai bali da dede tabaranai Petrus hagapege hoyo, loho hatingodi kalabe larina mono kalabena wadeka kadamana harayinai Dorkas nyi bana olehodi yida. ⁴⁰ Tabolo, Petrus halewayi yida tangada huna.loho, tehkadi kuddona mono Sembayang.bege, nyi na pelu tabara karogonai Tabita mono nyi linage, "Tabita kaddewuge!"loho lawai nada bugeradi matana mono kole nyi naetayi Petrus, nyi na ngodo. ⁴¹ Nyiwe, Petrus nahajoladi limmana tabarana mono natulluni kadde.bege, hagapege kamaikadi tangngada ata katenguna mono tangada lawai balu, nyi nahatingoni Tabita morha. ⁴² Mono, kadadi inne namatalarawe ta tangage ayope, mono buta ata kahatena tabarai Mori. ⁴³ Nyiwe, Petrus na mojana engana ta Yope oleni wu ata kangaranai Simon, wu ata kahihka kalita.