Saulus Membinasakan Jemaat di Yerusalem ¹ Mono, Saulus dumo na ngoge ba hamateyi Stefanus nada. Saulus Na Pudahawe Kangote Ta Yerusalem Ta lado neda, wuyo hamayilla aika anana dadiwe tabarada kangote ta Yerusalem, mono yida tangada hai-haida ta kalingora Yudea mono Samaria, heleda lede li'na. ² Kapirrana ata muraha da tanini Stefanus mono amdage marabeha ate aika anana tabarada. ³ Tanyiduwe, Saulus na hangadage pudahawe kangote waige bana tama nahiyi umma, nyi na yoriyi kabani mono lawaiyo, loho na hatamadi ta gallu. ⁴ Loho, yida ka hai-haina rada da makilora engage tularage liyo ege ate. ⁵ Filipus burru nage ta wuyo harona ta Samaria mono talarage tutui Kristus. ⁶ Mono, ata buta waige hawuna ate hamatarage agawe hatakinai Filipus kole yida rangewe mono etayi tadka-tadka hangatara danga harayina nyi. ⁷ Oro, tangadi wadi kajapata hudi wali ta ata hatamana, loho da kawula waige li'da kaballo, loho ata buta da'di ata kalikku, mono kabeko pa hatagaha. ⁸ Oro innage, dage ege ate kamadaka ta harona inna. ⁹ Tabolo, da'ni wuyo ata kabani kangaranai Simon uluge karayi bege hauupu morro ta harona mono rayidi hangatara dangada ata Samaria, waige bana takkiwe dauna ba ata madakkayi. ¹⁰ Tangada ata, wali ka hadda maraha kahha ta ata ka hadda madaka, liddage, "Ata nade parehai Allah ha takkda 'madaka'." ¹¹ Nyidawe, yidda da hamatarani ta barada oro ba tauge madige nyi bana rayi bedi yida hanagatara waina morro hauppuna. ¹² Tabolo, bada beyi ata rada hatenai Filipus katalarage liyo ege ate tutu kalingora parehai Allah mono ngarai Kristus Yesus, yida harihayi, ba kabaniyi loho lawaiyi. ¹³ Lohho, Simon dauwu hatena mono kole nyi ba harihai, nyi hangatana ta barai Filipus, mono kole etayi tangadi Mukjizat mono tadka-tadka ha bangara danga kadadi, nyi dadiwe hangatara. ¹⁴ Ta mahiggo inna, kole lede lina ta Yerusalem rangewe ata Samaria hibba bewe li'nai Allah, yida da halewayi Petrus mono Yohanes ta barada ata nedo bali, ¹⁵ Kamaiyo mono Sembayang tubada yida dajalage yidda ka'da hibayi Wadi Katenguna. ¹⁶ Oro, Ngahu Katenguna aina buru howe ta panu ata wu'ak wali ta yidda, yidda daukahage ba b'e harihai larr ta ngarai Mori Yesus. ¹⁷ Bege, Petrus monoi Yohanes d'a keketayi limmada tabarada yidda mono yidda hibbayi Waddi Katenguna. ¹⁸ Kolei Simon etayi nada Wadi Katenguna ba yidadi ledege keketayi limada lede lina, Simon na tawaradi amaha tabarada lede lina rada, ¹⁹ Waige ba linna, "Yi dumoga daugu tabaragu kawaha inna dajalage tangada ata tabarada ha pajolagu limma engage bada hibbayi Waddi Bihha." ²⁰ Tanyiduwe, Petrus linnage tabarai Simon, "Bana modahewe amahamu rada liloko ole dangngagu oro yauwu bamu hangadage yauwu dadiwe kolege kanyuru tai Allah waige amaha! ²¹ Yauwu wale lahingmana dauwumu waleka hakkumu lar ta hada kataudana oro atemu aina lurhawe ta arui Allah. ²² Nyidawe, jarrawu wali ta japatamu inne mono Sembayangna tai Mori dajalage, bana dakkawe, hakabu atemu kana dadiwe ba hawaliguge ta baramu. ²³ Oro, nauwa etawe dagu lar ta paddu wayi kapaddu mono lar ta hirrai kajapata." ²⁴ Tabolo, Sinon na balehawe mono linage, "Sembayang kiga tutugu tabarai Mori dajalage agawe inna hatakk bemu ilna pijawa nauwa." ²⁵ Nyiwe, kolei Petrus monoi Yohanes takkiwe katauwu takkana mono takkiwe linai Mori, yidda hagga ta Yerusalem hagapege talarage liyo ege ate kabuta deha ata Samaria. ²⁶ Bege, malaikat Moida na hanewe tabarai Filipus, Linnage, "kaddewu ge mono kakowu ta bara bannu, ta lara ka burru wali ta Yerusalem ka aro ta Gaza.lara nada nyikna lara ka kahika." ²⁷ Filipus kadde nage mono kako.Mono, na dedo wuyo ata Etiopia, nyikna sida-sida wali wuyo ata haama ka ullana ta dauwu hatijadi ta Sri Kandake, Raja lawai, nyi ami beni wali ta Yerusalem tutu kangotena, ²⁸ mono, tamrana hagga, loho ngodo nage lar ta keretana mono keju nage juratai Yesaya. ²⁹ Loho, Waddi linage tabarai Filipus, "Kakowu mono maubla waini kereta nadda." ³⁰ Nyiwe, Filipus malaiyi ta kereta nada mono rangeyi ata nadda, ba tamrana bahha Juratai Nabi Yesaya.Filipus na kanukayi tabarana, "yau um yappakduwe ba agawe ha tamra bahhamu?" ³¹ Mono, ata nada na baleha, "Aga lugu kawa nauwa bagu tadawe, like wu ata bana takgage?"Nyiwe, nyi na kamaikani Filipus panne mono ngodo ole dangani. ³² Nedo memage, inna jurata biha hatamra bahhana nyiikwe inne, "Nyi da ngidiyi tujayi wu bebbe ta hadauwu ropoyi, mono wuyo ana bebbe ai gutti honadi wulluna kabangnga dajalage nyi walena bugerak mage b'a-Na. ³³ Lar ka hadda li bawa-Na, aika tijana karama nage wali ta bara-Na.iya daho kadadi naga newe nadi ana suhuna? oro, morha-Na da karama bege wali ta tana." ³⁴ Begge, sida-sida rada nabalehawe mono linnage tabarai Filipus, "nauwag rainoge tabaramu, tubage iyayi nabi ka takkiwe inne, tutu tawu wiku dawuna waleka tutu ata wadeka"? ³⁵ Loho, Filipus bugerage bana, mono halegenagewali ta jurata bihha inne, nyi na hotbah tutu Yesus tabarana ³⁶ Mono , dikige yida da kako maneni lara , yidda da dikki tawu hadauwwu ka mangu wena, mono sida-sida nada linage, "torrowe ge, dage weyo!Daho kapadekawe tutu harihagu?" ³⁷ [Loho Pilipus linnage, "Nyi bamu hanewe waige atemu kabanuna, na dadiwe."Loho nyi na balehawe mono linnage, "Nauwag hatenawe nadai kristus Yesus nyikna Ana Allah."] ³⁸ Bege, sida-sida nada naharehai kereta nada ngahu.mono, yidda duda burru ta weyo, Filipus mono sida-sida rada, loho Filipus na harihai. ³⁹ Kole yidda duda huna wali taweyo , wadnai Mori ngidiyi Filipus kako, mono sida-sida waleda hillu etakmayi, loho naha kitage kakona ta tillu ege ateyi. ⁴⁰ Tabolo, Filipus na tada dauwu wikna ba dani ta Asdod, mono kole nyi pallakawe inne , Nyi na talarage liyo ege ate ta ngora harona kaha Nyi bana dikki kaisarea.