Na Tauge Gabbage Stefanus ¹ Bege, Rato madaka linage, "Na tena takkawae bataudage?" ² Mono, Stefanus linage, "Bagu ole baigimi mono paama-paama rangewa nauwa.Allah kahada manadana na padelaka wikibena tabara ama weda waikada yita, Abraham, kole nyi ba engahona ta Mesopotamia, nyi aina enga hona Haran, ³ mono linage tabarana, 'kakowu wali ta tanamu mono wali ta ole baiyimi, loho maiyimi ta tana pahatingogu tabaram.' ⁴ Bege, Abraham na bijakage tana ata Kasdim mono engana ta Haran.Mono wal nedo bali, kole amana bana mate, Allah na halewayi dikki ta tana inne, haduwu engam batauge. ⁵ Tabolo, Allah walena yikmani hadauna tabarana, langka hodikak tana wale jalakma, tabolo jaji tutu yini ta barai Abraham aina kole hona anana. ⁶ Tanyiduwe, Allah linage bana hanewe, oroge ana suhuna da'dudi ata lipalaka ta tana ata mono yida enga haata wikida loho hamayillayi mojage pata ngahu dauwu. ⁷ 'Tabolo, nauwa enga hokugudi kabihu ata ka haatayi yida, 'Linnai Allah, 'Mono, beyo innage yida enga hud'a wali nedo bali mono kawojo ta baragu ta hadauwu inne.' ⁸ Loho, Allah na yini ta baranai Abraham jaji kabunyi, nyidawe Abraham na dadi amanai Ishak mono kabunyi kole ha podopata lado waiyi, mono Ishak bana dadi amanai Yakub, mono Yakub, kabulu dudana ama weda waikada yita. ⁹ Oro ka'wi tabarai Yusuf, ama weda waikada yita malajani ta Mesir.Tanyiduwe, Allah na oleni Yusuf, ¹⁰ mono na hamame marani wali tangage kamayilla, loho na yini kanyuru mono maniwola pahangada ta aronai Firaun, Raja Mesir, mono kariyin nyi dadi paama tangage Mesir mono tangage hadau Raja. ¹¹ Hadaka rahi, na kadewe kareba kalla kadadi ta Mesir mono Kanaan loho dadi dangage mayilla aika anana madaka, mono ama wedada yita walena dadikmawe kolena hayayo. ¹² Tanyiduwe, kole Yakub rangewe ba' da' hayayo ta Mesir, nyi na halewayi ama weda da yita kako nedo bali mono abu hadaka waidage. ¹³ bada kako ha'du wai, Yusuf na rayige tauna kapiku tada daga ole baiyigu balina, mono tangada ole bainai Yusuf dadi dawe tubai Firaun. ¹⁴ Kole innage Yusuf na hanauwuyi mono na kalehuni Yakub, amana, mono tangadi ole baina tangada pitu kabulu limada butada. ¹⁵ Nyiwe, Yakub kako ta Mesir mono nyi na mate nedo bali nyi mono ama wedada yita. ¹⁶ Wali nedo bali, yidda da dikki ta Sikhem mono mono habaikayi ta rate ha hi'benai Abraham waige amaha kabuta wali ta anai Hemor ta Sikhem. ¹⁷ Tanyiduwe, kole nakiki dahekawe rahige hajaji inna, hataki wiki dau benai Allah ta barai Abraham, ata rada kiki btadage mono hadu-du malapta ta Mesir, ¹⁸ Kaha ba' da Raja wadeka ha keketa ta Mesir, aika tadawe tutui Yusuf. ¹⁹ Raja nada na pahadayi ata Israel mono da hamayillayi ama wedada yita dajalage karuhuyi yidda baitadi anada abu kadadi lodoge yidda ilana dadiwe tahna morha. ²⁰ Ta rahi mahiggo inna, Musa dadi mono nyi na dahha ta aro matai Allah.Mono, Musa karawayi ta uma amana tauda wullana. ²¹ Mono, kole nyi ba baitani, ana lawainai Firaun ngalayi mono na hamatuyi tujjayi ana dauna. ²² Nyiwe, Musa hakolayi lar tangage angta ata Mesir mono nyi na kole kahage lar ta hanewe mono harayina. ²³ Tabolo, kolei Musa pata kabulu dauwuna haudawe lar ta atena tutu di'kidi ole baina, haluguna ana suhu Israel. ²⁴ Mono, bana kole haetayi wu ata wali ta yida harayi aika tijana wali ta ata Mesir, Musa amini tuluni ata pahamayilada nada mono na hagabawe waige hamateyi nada ata Mesir. ²⁵ Musa tahangadana rada olebaina yappag dage nadai Allah na yidi yida manemara ledege tauna, tabolo yida wale yapak mawe. ²⁶ Dammage tana, Musa na di'kidi ata Israel katamrana hatauwu, mono nyi na baige hamolidi yida, waige ba linna, 'Ta, walem tadak mawe inna miyo bakaha inna miyo kaduwu ka ha olebainagimi, aha mam hatauwu wikna ? ²⁷ Tabolo, ata kahapakha ole baina nada pahilinage wali tai Musa ta tibina mono linage, iya ka keketawu yauyo dauge mono yauwu yigama rakkama nami? ²⁸ Inna yauwu baimuge hamatewa tujawe bamu hamateyi ata Mesir nada manana?' ²⁹ Bana rangewe hanewena nada ata, Musa malainage mono na dadi ata ka abu maiyi ta tana Midian.Nedo bali, nyi nadadi haama wali kadudana ana kabanina. ³⁰ Kole banuge pata kabulu dauwu, diha wu malaikat hadedala wikina tai Musa ta marada gilra ta lete Sinai, lar ta rewo latti ta tara warri. ³¹ Kolei Musa bana etawe, nyi na hangatara waige bana etawe inna mono nyi kole bana daheka kagu hamatarage balinna amige linai Mori, ³² 'Nauwaknai Allah ama weda waikamu, Allah Abraham, mono Allah Ishak, mono Allah Yakub.' Musa na kadadaka madauta mono walena baikmawe atena tutu hamatarage. ³³ Bege, Mori linage tabarana, 'laiyidi kopa ledumu wali ta ledumu oro haduwu giyo dauwu dedemu nyikwe tana kamuraha. ³⁴ Nauwag eta taka bedage ho'da yida.mono, nauwa buru bewa tutu pahoilayi yida.mono batauge maidage, nauwa enga halewagugu yauwu ta Mesir.' ³⁵ Musa, hatulara beda yida waige ba lidda, "iya ka keketawu dauwu pareha mono yiyo rakkana ta nami?"Nyikna ata halewanai Allah tutu dadi, dauge hareha, loho dumo pahoilayi, lede lina Malikat ka padedala wikbena ta barana ta tara warri. ³⁶ Ata nade kakododi yida huna, tamrage pahadayi Mukjizat mono tadka-tadka hangatara danga ta tana Mesir, mono ta marada gilra pata kabulu dauge mojage. ³⁷ Musa nade nyikna ka linna ta ata Israel, "Allah enga hakade nagimi tubami wuyo wali tujawa nauwa wali ta jonga anguwumi." ³⁸ Nyi nade kadana ta jonga kangote ta marada gilra oleni Malaikat kahanewe ta barana ta lete Sinai, mono oledi weda waikada yita mono nyi na yibewe lina kamorha tutu bana yidage tabarada yita. ³⁹ Weda waikada yita tularage tutu manudu ta barai Musa, tabolo da wugayi nyi mono baige hagga ta Mesir lari ta ateda yida, ⁴⁰ Waige balina tai Harun, 'rayigama nami halatauwu ka kako ta aroma nami oroi Musa nade, ka kodo gama nami walena tadakmawe agawe kadadi tabarana.' ⁴¹ Ta mahiggo inna, yida da rayina wuyo hala tauwu ana hapi, mono yi manuta ta bara hala katauwu nada, loho lagebora waige haulla waida limmada yida. ⁴² Tanyiduwe Allah na peli wali ta yida mono pahaidi yida kangakka tangada tentara langta, tujawe kamatolha ta jurata nabi, "Dakakna miyo hangidimi tabara-Gu ranga haropomi mono marakami kapata kabulu dauwuna tamarada gilra, ta ana suhugu Israel? ⁴³ Miyo umm ngidiwe kareka Molokh mono ranga halatauwumu Refan, halatauwumi harayimi tutu kangakkani, mono Nauwa enga baitagimi neda bali ta Babel." ⁴⁴ Weda waikada yita dage kareka hadauwu takidage tamarada gilra, tujawe harehanai Allah kole bana hanewe tabarai Musa tutu pahadawe dokuge waige mawoge haetabena. ⁴⁵ Kole bana hobawe kareka inna, weda waikada yita na ngidi tama maranga dangage Yosua, rahi karamage tanada yida wali ta kabihu ata wadeka, hatikala benai Allah, wali ta aroda weda waikada yita, kahha ta morhai Daud. ⁴⁶ Daud nakolege manawara marada ate ta aroi Allah mono karaiyi tutu kolege hadau dauwunai Allah Yakub. ⁴⁷ Tanyiduwe, Salomo kahakadewe wuyo uma tubana Nyi. ⁴⁸ Tabolo, kahada madehta walena engakmana lar ta umma harayi wai limma kadadi ata, dokuge hatakda nabi, ⁴⁹ "Langta nyikwe hadauwu ngodo-Gu mono tana nyikwe dauwu dekedi ledu-Gu.aga umawe hakademi miyo tuba-Gu?"Allah na yiwe lina, waleka, dauwu ngahu-Gu? ⁵⁰ Wale limma dugu karayidi tangadi rada?" ⁵¹ Ta, miyo ata ka ka'tu katakna, waige ate mono katillu aika kabunyi, miyo umm gabba hangatani Waddi Katenguna, tujawe harayida weda waikamu! ⁵² Iya Nabi dumo hoyi ai hamayillada weda waikamu? Mono, yidda da hamateyi ata uluhoge da takki meme bewe tutu maina paama katena, inna batauge ka hadadi guge tau daumu katauna ata bokala mono hamate ata. ⁵³ Miyo, ka hibba bewe uku pareha Taurat tujai pahadiki beda tangada Malaikat, tabolo miyo walem karawakmawe!" ⁵⁴ Kole yida bada rangewe hada inna, ateda yida na maduhkayi mono hakati dangadi ngududa yida tabarai Strfanus. ⁵⁵ Tanyiduwe, Stefanus habanuna Waddi Katenguna na tangara ta langta mono na etawe manadanai Allah, monoi Yesus na dede ta bara kawananai Allah. ⁵⁶ Stefanus linage, "rangewe! Nauwag etawe langta mabugera mono amana kadadi ata dede ta bara kawananai Allah." ⁵⁷ Tabolo, yida da kawula waige li'da ka ballo, mono da toniyi katiluda yida, loho da hawuna kadukani Stefanus. ⁵⁸ Loho, yida da werakani huna wali ta harona mono kapudage tukku waini watu.kole innage, tangage haetawi mata da laidi kalabeda yida da tauwuyi ta koko leduna wuyo baumane kangaranai Saulus. ⁵⁹ Mono, yida da hangatni tukkuyi Stefanus ka tamrana kawula kalina, "Mori Yesus, hibba gani Waddigu." ⁶⁰ Bege, kole bana takkodi kuddona, nyi na kawula waige li'na kaballo, "Mori ilam hatagu kadage jala inne ta barada yida!" Mono kole ba linnage nyi na mate.