Pittu Ata Pedeyi Tutu Ha Ulla Kaliheka ¹ Ta tangadi lado rada,kole bana mataba hanagatayi butada,wuyo hada hapakha ate danga hudawe wali ta ata Helenis tabarada ata Ibrani tetaka oro lawayi baluyida da tauwu taipayi lar ta hanukku hayayo diha lado-diha lado. ² Nyiwe,kabulu dudana lede lina rada da kamaikadi tangadi ana hakodo halolena mono lidage,"Walen tenakmawe tutu nami bama tawu taipawe linai Mori ba hanukku meja. ³ Oroge inna,ole baigu,pedena pittu ata wali ta jonga dalarama kadedo be dahana,habanuna Wadi Katenguna mono angta,hakeketama tutu haulla inna. ⁴ Tabolo nami enga manudu lar ta Sembayang mono lar ta hanukuwe lina." ⁵ Hanewe inna hadaha ate danganage tangana ata.mono yida da pedeyi Stefanus,ata habanuna hatena mono Wadi Katenguna,loho Filipus,Prokhorus,Nikanor,Timon,Parmenas,mono Nikolaus,wu ata proselit wal ta Antiokhia. ⁶ Yida rada da ngidiyi ta aro lede lina,mono kole Sembayang,lede lina da taudadi limada ta panu katakuda kapituna ata rada. ⁷ Linai Allah engage mahabara mono butada ana hakodo halolena ta Yerusalem matabayi butada.loho,kalibo madaka rato dadiwe bada manudu tabarada rato rada. Ba Yappayi Stefanus ⁸ Mono,Stefanus,banuni waige kanyuru mono bikta pareha,na rayi baege hada habangara danga mono tadaka-tadka hangatara danga ta jonga ata buta . ⁹ Tabolo,kapirana ata wali ta Sinagoge hatakida ata Libertini,ba ata Kirene loho dumo ata Aleksandria,mono kapirana wali Kilikia mono Asia,kade mono hatujana hanewe gabani Stefanus. ¹⁰ Enga nyiwe,yida wale mukakmage gabage nani wala pahanagada mono wadi waini Stefanus dadiwe hanewe. ¹¹ Loho,waige hada kadana yida da duharadi kapirana ata kapiku lidage,"Nami ma rangebeyi ata nade bana pahudi ha takkina mapadda tabarai Musa monoi Allah!" ¹² Mono,yida da duhayi ata buta,bai ata,mono ahli-ahli Taurat,loho maiyini Stefanus yappayi,loho ngidiyi ta aro Sanhedrin. ¹³ Yida da haarodi katada paleka kalinana,"Ata nade wale kal ngahukma pahuge hanewena ka gabage hada tenguna inne mono ukku pareha Taurat. ¹⁴ Oronage,nami marangeyi nyiyo bana takkiwe nadai Yesus wali ta Nazaret enga hamauha nage haduwu inne mono hajeluge kadana hada mema habeyo hayibenai Musa tabarada yitta." ¹⁵ Mono,kole ba tangara nage matanai Stefanustangada ata kangodo lar ta Sanhendrin etawe matana tujawe mata Malaikat.