Petrus Mono Kornelius ¹ Hadaka rahi, ta Kaisarea, dani wu ata kangaranai Kornelius, wuyo perwira wali agawe hakali takda Tentara Italia, ² Ata muraha kamadautani Allah, tauda dumoge tangana ata ka dana ta umma, mono na yiyo buta matullu tabarada ata mono na sembayang juana tabarai Allah. ³ Diha wuyo mamali, ba tauge katuti jam kabanidihhayi lado neda nyi na eta hirawe larr ta wuyo haetana, wuyo malaikat Allah ammini mono linna tabarana, "Kornelius!" ⁴ Loho, nyi natorroyi malaikat nada waige madauta mono linnage, "Agawe inne, mori?"Mono, malaikat nada linnage tabarana, "Tangadi sembayangumu mono matullumu na panne kayi wuyo hada li' haape ta aronai Allah. ⁵ Batauge, halewayi rada ata ta Yope mono kamu kamaikani wuyo ata kangaranai Simon, loho dumo hangarai Petrus, ⁶ Nyi na enga ole dangami wu ata ka hihka kalita kangaranai Simon, ummana dage ta nirr bannu." ⁷ Kole malaikat bana hanewe tabarana na hawingna kako, Kornelius na kamaikadi d'ida ata kahanukkuyi mono prajurit kamuraha wali ta jonga atakahanukkunage ha kabu ate dauna, ⁸ mono kole hahira kahawe tangage tabarada yida, nyi nahalewai yida ta Yope. ⁹ Damma hege tana, kole yida tamrada ta lara mono dahekawe harona inna, Petrus na panne ta pannu toko umma, tauge katuttu jam ha anni wayi, tutu Sembanyang. ¹⁰ Loho, nyi na paddage kalabba mono kabu atege yayo, tabolo kole ata rada tamrada hainyaka hayayo, Petrus na kolege wu haeta, ¹¹ mono nyi naetawe langta mabugerawe mono dage wuyo katujawe kaba kahadda balera burru mono madolorawe wali kapatana kabihuge kahha ta tana. ¹² Nedo lari, d'adi tangnga ngara ranga kapata gayu ledu, mono ranga ka kako waina ti'na ta panu tana, mono kawurrna ta kabu karabba. ¹³ Bege, ammige liyo kalinna tabarana, "Kaddewu, Petrus, ropoyi mono ya'di!" ¹⁴ Tanyiduwe, Petrus linnage, "walekma, Mori.oro, nauwa waelegu kall ya madi aga hingkayi aiha kali ya wali ka otors." ¹⁵ Mono, liyo inna linawe tabarana haduda wuda waiyi, "Agadahoyi Allah pahakabu atena, ilam nyitakdawe yauwu bihhayi." ¹⁶ Kadai inna, hadallu wuda waiyi, mono hayaddawe tangadi rada makeketayi ta langta. ¹⁷ Nedo mema, tamrana Petrus ba engahona hanagatara batatilu hangadage agawe kappege haetana waige haetana inna, na dadi ata pahalewana Kornelius kamayegage ba gige ummanai Simon, hagapege dede ta aro baubina kalla, ¹⁸ mono tamrana kawula, yida da kanukka nyiknai Simon, hanagaradi Petrus kadauwu nedo bali. ¹⁹ Tamranai Petrus hangadage hurubale inna, Wadi nahanewe tabarana, "Etaila, d'adi tauda kabani kamayegagu. ²⁰ Kaddewu mono buruwu, kakowu marangadi yida ilana gedowe atemu oroge nauwa halewagudi yida." ²¹ Lodoge Petrus buru tabarada ata rada mono linage, "Torrowa, nauwak duna ata hamayegami.Agawe kappege bamu maiyimi?" ²² Yida lidage, Kornelius wuyo tentara, ata kahatena mono madautani Allah, hatada hada dahha tajongada tangada ata Yahudi, naha apenage malaikat tenguna mana halewayi maiyi ta umma mono kana range mige hatakimi." ²³ Petrus na kamaikadi tida ta umma mono yidi yida pajoladi limmananedo, Damma hege tana, nyi kade nage mono kako marangadi yida , mono kapirana ole baida kahatena wali ta Yope kaoledi. ²⁴ Hili diha lado wali, yida da tamage Kaisarea.Kornelius na rema bedi yida mono na kahha beyi ole baina loho ole dagetana ²⁵ Kole Petrus tama, Kornelius tabokayi, na takodi kuddona ta ledunai Petrus mono na kawojo. ²⁶ Tanyiduwe, Petrus nahakaddeyi loho linnage, "Dedewu!nauwa ata jalakiwa." ²⁷ Batamrana Petrus hanewe dangani Kornelius, Petrus tama lari mono dikidi ata buta makahha-kahha. ²⁸ Loho, Petrus linage tabarada yida, "miyo ummtadawe nyiwe kaakta tuba ata Yahudi tutu kadauwu waleka lo kadikkidi ata aika Yahudina, tabolo Allah nahatingo begage ta baragu inna walena dadikmawe takiwe langka iya hingkayi bihha mono akta. ²⁹ Nyiwe oroge, wale na biktawe kole miyo bamu halewawa maiyo.oroge inna nauwag kanukawu agawe mamu kamaikaga nauwa?" ³⁰ Mono, KOrnelius linage, "pata lado kalangana kaha jam inne, ta jam kabandihha, nauwa tamragu Sembayang ta umagu mono etayi, da'ni wuata dede ta arogu waina kalabe kamagilata. ³¹ Loho, nahanewe, "Kornelius, sembayangumu ug rangebewe mono matulumu bebe haapeyi taaronai Allah. ³² Oroge inna, halewai ta Yope mono karaiyiyi Simon hangarai Petrus ka ammini.nyi tamrana dauwu ta ummanai Simon, wu ata ka hihka kalita , ta hupu bannu.' ³³ Oroge inna, nauwag geha halewayi ata tabaramu, mono yauwu na daha bewe atemu mamu maiyi, batauge, yita tangada d'ada ta hadauwu inne, ta aronai Allah, tutu rangewe tangage haparehana tabaramu tubai Mori." Petrus Talarage Liyo Ege Ate Ta Ummai Kornelius ³⁴ Loho , Petrus na bugerage ba'na mono linage, "Batauge nauwa abu yapa dahaguge nai Allah aina hatingoge bana tullga. ³⁵ Tabolo, tangada ata, ata kamadautani Nyi mono rayina katena, kamarakka tabara-Na. ³⁶ Liyo had'knai Allah tabara ata Israel nahad'ikige liyo kadaha moli kamaringna ledeni Yesus Kristus, nyikna Mori wali tangage. ³⁷ Miyo dauwu tadawe inna kadadibe dadi jalawe ta tangage Yudea, halege wali ta Galilea, kole hatiha pahadikinai Yohanes. ³⁸ Miyo tadai Yesus, ata Nazaret, agalinnai Allah bana karaiyi waini Wadi kabiha mono waige kuwaha.Nyi nakako makilora rayige kadaha mono hatagahayi tangana ata hapijjana wadi japata orona Allah bana oleni Nyi. ³⁹ Namikna inne kaetawe wali tangage harayi bena Yesus, takalingora ata Yahudi loho dumo ta Yerusalem.yida dahamate beyi Yesus waige bada daironi ta panu Yayu hakadailo. ⁴⁰ Tabolo, Allah nahakadde hagayi ta laddo kataudana mono napahaini Nyiyo padela wikna, ⁴¹ wale tangakmada ata, tabolo tabarama nami, kaeta waige mata hapede benai Allah uluge kayayo mono kaenu ole dangani kole bana kadde wali ta jonga dalara ata kamate. ⁴² Mono, Nyi naharehama nami tutu talarage tabara tangada ata mono takiwe katauwu takkana baNyiknala pahadidara benai Allah bawuyi kayidi rakada tabara kamuraha mono kamate. ⁴³ Tubana Nyi, tangada Nabi datakbewe nada tangana ata kahatena tanyiyo enga hibbana hawalina jala ledeni ngarana." ⁴⁴ Batamranai Petrus bana pahudi hanewena, Wadi biha burru tapanu tangada ata karangewe liyo inna. ⁴⁵ Mono, ata kahatena Kabunyi, kamai ole dangani Petrus, hangatara oro kanyuru Wadi biha haburru bena, loho tabara kabihu ata-kabihu ata wadeka. ⁴⁶ Oro, yida karange tangada ata rade dahanewe tanga ngara hanewe mono hamanadai Allah.loho Petrus linnage, ⁴⁷ "Wale lakma wuak ata kadadi padekawe weyo tutu hariha tabarada ata kahibabeyi Wadi biha kahatuja jala yita inne?" ⁴⁸ Nyidawe, Petrus naharehayi yida tutu hariha nedo larr tangarai Kristus.bege ata rada karaiwe dajalage Petrus enga ole dangadi yida kapirra ladona.