Petrus Hagga Ta Yerusalem ¹ Tamrage inna, Lede li'na mono anguwuyo tahatena kadana ta Yudea rangewe rada ata aika Yahudina da hiba dumowe linai Allah. ² Oro inna, kolei Petrus panne ta Yerusalem, ata kakabunyi jala pahangadani nyi, ³ Waige balinna, "Miyo kakomi tabarada ata aika kabunyi mono yayo ole dangadi yida." ⁴ Tanyiduwe, Petrus halegewe halarawe nujiwe tabarada yida, linnage, ⁵ "Nauwa tamrag Sembayang taharona Yope, mono mera kabiyo walla, nauwag etawe wuyo haetagu, wuyo katujana walla kaba kalla burru, madolora waige kapatana kabihuna wali ta Langta, mono kaba inna nadahekawe tabaragu. ⁶ Kole nauwa bagu torrowe, nauwag hamatarage mono etayi ranga kapata gayina ledua tatana, ranga yadda, ranga kako waina ti'na, mono kawuruna ta kabu karabba. ⁷ Nauwa dumo ug rangewe dage wuyo li kahanewe tabaragu, 'Kadewu, Petrus, ropoyi mono ya'ni la!' ⁸ Tabolo, nauwa luguge, 'walekma, Mori.Oro, lakma halele waleka otora ka kali tama ta b'agu.' ⁹ Tanyiwe, liyo inna nabalehawehaduwuda waina wali ta Langta, 'agawe hamuraha benai Allah ila rurudamoge miyo bamu takkiwe lelege!' ¹⁰ Hada inna hadall wudage, loho tangada rada tingi hagaiyi ta langta. ¹¹ Etayige, neda mema dumo d'adi tauda ata pahalewana tabaragu maiyo ta umma hadauwu d'aga, wali ta kaisarea. ¹² Bege, Waddi linna tabaragu kammu kako marangadi yida wiga ilam momoka.ka anina anguwuyo ta hatena inne dumo kako marangaga mono nami ta umma ata nada. ¹³ Loho, nahadikkige tabarama agalinnwe nyi bana etayi Malaikat dede ta ummana mono linnage, 'Halewai ata ta Yope mono karaiyiyi Simon pahangara jala Petrus maiyi nimi, ¹⁴ mono nyi enga taknage li hanuwa tabaramu waige hanuwa inna miyo enga pahoilami, miyo mono tangada ata kaengana ta ummamu.' ¹⁵ Tamrage bagu kapuge hatakkige, Wadi biha burru tabarada yida, nahamerage tawungage kadadi ta yita. ¹⁶ Nyiwe, nauwag namuwe inna hanewei Mori, kole nyi balinna, 'Yohanes nahariha waina weyo, tabolo miyo enga hariha waimi Wadi biha.' ¹⁷ Nyi, nadai Allah bana yiwe kanyuru kahamera tabarada yida tujawe nyi hayidumona tabarada yita kole bana hatena nedo larr ta Morida Yesus Kristus, hainyakawa nauwa dajalage nauwa dadiwe dabokani Allah?'' ¹⁸ Kole yida rangewe inna, kadanna mono hadiyi Allah waige balidda, "Bataudage, Allah dumo nakanyuru gimige ta bara ata aika Yahudina jarra aro ta morha." ¹⁹ Bege, ata kahai-haina oro bahamayillayi kadadi tabarai Stefanus mahabbara kaha ta Fenisia, Siprus, mono Antiokhia waige ai talarage linai Mori langka iyahingkayi heledi tabarada ata Yahudi. ²⁰ Tabolo, dadi kapirana ata wali ta yida, haluguna ata Siprus mono Kirene, kamaiyi ta Antiokhia mono kahanewe dumo ta ata Helenis, hagapege talarage tutuna Mori Yesus. ²¹ Limmanai Mori oledi yida, kapirrana ata kadadi hatena hagga tabarai Mori. ²² Liyo tutuda yida d'ikiwe tatiluda kangote ta Yerusalem, mono yida dahalewayi Barnabas ta Antiokhia. ²³ Kole Barnabas d'ikki mono etawe manawara marada atenai Allah, nyi na ege ate kadidara. ²⁴ Oro Barnabas nyiyo ata dahayi, banuni Wadi biha mono hatena, kataudana butana ata ngidiyi tabarai Mori. ²⁵ Bege.Barnabas kako ta Tarsus mayegani Saulus. ²⁶ Mono, kole bana tabokayi, nyi na ngidiyi ta Antiokhia.diha dauge mojage, yida da tabokayi redo ana Suhhunai Mori mono hamadi ata buta.Mono, ta Antiokhia, anahalolena hapiwaiyi ba hangaradi"Ata Kristen". ²⁷ Ta lado kataudana nedo ge, kapirana Nabi burru wali ta Yerusalem maiyi ta Antiokhia. ²⁸ Wuyo ata wali ta yida kanagaranai Agabus, dede mono manyurrage matulna Waddi loho enga dadige kareba aihabata tangage panu tana.Mono, kareba nadadiwe tamahigo parenai Klaudius. ²⁹ Nyiwe, ana halolena dapohtawe hangidina matullu, dokude waige hamukkada yida dihha-dihha, tabara ole baida ta tillu hatena kaengana ta Yudea. ³⁰ Mono, loho dumo yida harayida, hangidina matullu rada tabarada bai ata lededi limmana Barnabas Mono Saulus.