Yakobus Dahamateyi mono Petrus Dayappayi Herodes ¹ Ta mahiggo inna, Raja Herodes na keketayi limmana ta yida kapirrana ata wali ta kangote hatena tutu hamayillayi yida. ² Nyi nahamateyi Yakobus, olebaina Yohanes, waini kito kaleka. ³ Kole Herodes etawe harayi unna padaha danga nadi ateda ata Yahudi, nyi nahakitage ledege yappa jallayi Petrus.hada inna na dadiwe baengahoge laddo madaka kababa kabba. ⁴ Kole nyi bana yappayi Petrus, nyi nahatamani ta Gallu mono hapalani tabara kapatana Tentara tutu kahamatarani, loho nakabu atege, ba kole Paskah, kangidiyi ta aro ata buta. ⁵ Nyiwe, Petrus da pattuyi larr tagallu, tabolo Sembayang tutui Petrus nahangatadi bada hadikidi tai Allah rada ata hatena. Malaikatnai Mori Pahalayi Petrus Wali Ta Gallu ⁶ Diha wuyo gadi, kole Herodes bana ngidyi Petrus tabali hadu, Petrus tamrana dura tajonga kadudana Tentara, da katti waini duda kalari bahhi, mono tangada kajawayi ta aro baubina tamrada hamatarage inna Gallu. ⁷ Mono, etayi, wuyo Malaikatnai Mori dede tabaranai Petrus mono magakaha inna rewowe nedo tagallu, mono Malaikat nada palunage karapehanai Petrus mono naharaduyi, waige linage, "Gehawu kadde!"mono tangadi kalari bahhi monu kahhai mono tawalahayi wali dugayu limmana. ⁸ Loho, Malaikat nada linage tabarana"Katige bagemu mono tauwuyi kopa ledumu."mono, nyi narayige katauna, Bege nyi linage tabarana, "Tawuwe kalabemu mono dokuga nauwa!" ⁹ Loho, Petrus huna mono dokuni Malaikat nada.nyi walena tadakmawe agawe kadadi ledeni Malaikat nada ba kadedowe, tabolo pahangadana nyi tamra etanage wuyo hurbale. ¹⁰ Kole, yida bada haipayi kajawa baubina kadihana mono kadudana, yida da dikige wuyo baubina kalla bahhi kaaro ta wuyo harona.bina inna mabugera wiki dauwuge tubada yida, loho yida da huna mono kako kahha diki wuyo lara kaingota, mono hayadawe Malaikat nada ijakani Petrus. ¹¹ Kole Petrus natadawe waige agawe kadadi tuba tauwuna, nyi linage, "Batauge nauwag tada takkawe nadai Mori nahalewi Malaikat-Na mono pahaoilaga nauwa wali ta limmanai Herodes mono tangadi hada kadadi hamaneda ata Yahudi." ¹² KOle, Petrus natadawe, nyi nakako ta ummanai Maria inyai Yohanes pahangara dumo Markus, ba gidi ata buta bada maubla kaha mono Sembayang. ¹³ Kole Petrus kaladige bina madaka, wuyi lawai kangaranai Rode mainage bugerana bina. ¹⁴ Kole nyi bana tadanage li'nai Petrus, oro lagaharana nyi walena bugera letokmage bina tabolo malainage lari mono taknage nadai Petrus dani kadede ta bali bina madaka. ¹⁵ Yida lidage tabarai Rode"Yauwu wale kalongokmuge!"tanyiduwe , Rode engage bana takkiwe ba katauwu takanage, mono yida engage balidda, "Nami Malaikat nani." ¹⁶ Tanyiduwe, Petrus nakaladi hakitage bina, kole yida bugerage bina, loho etayi Petrus yida da kadadaka. ¹⁷ Tabolo, kole Petrus yidi tadka waidi limana kada kana waina yida, nyi nahalardage tabarada yida aga linawe Mori bana hu ngidiyi wali ta galu, mono myi linage, "Hadikkige tangage inna tai Yakobus mono tabara ole baida ta hatena."loho, nyi na kako mono kako ta diha hadauwu. ¹⁸ KOle bana dikige ladoge, nadadiwe kawihaka aiaka anana tajongada Tentara tutu agawe inna kadadi tabarai Petrus. Matenai Herodes ¹⁹ Kole, Herodes mayegani Petrus mono walena jamukmayi, nyi na galeda yi kajawawe mono na yiwe harehana dajalage yida kahamateyi.Loho Herodes buru wali ta Yudea ta Kaisarea mono engana nedo bali. ²⁰ Nedona, Herodes bani tetakka tabaarada ata Tirus mono Sidon loho waige hawuna hataki, yida da maiyi ta aroi Herodes, mono kole bada rainoni Blastus, kaurhawe morha tilu umana Raja, yida da rainoge tutu moli oro kalingirada yida kole bana ngihi hayayo ta kalingora Herodes. ²¹ Ta lado pahayana beda yida, Herodes na waige kalabe Rajana, ngodo tahadawu ngodo matijana, mono hadikige hanewena tabaerada yida. ²² Ana kaharehana dakawyla hangatana, "Inne nyikwe linai Allah, wale li atakmawe!" ²³ Inna memage, wuyo Malaikatnai Mori na kapokayi oro yida aida manadai tabarai Allah mono nyi nayani loti, loho mate. ²⁴ Tanyiduwe, linai Mori nakiki tumwe mono hadu-du malaptawe. ²⁵ Loho, Barnabas mono Saulus haga wali ta Yerusalem kole yida bada bewe haulada yida, hagapege kamaika oleni Yohanes, loho pahangara dumo Markus.