¹ Diha wu hadaka, dadi ta jonga Jemaat Antikhia, Nabi-nabi mono Guru-guru, haluguna Barnabas, Simeon hangarai Niger, Lukius wali ta Kirena, Menahem hamatuda oleni Herodes, raja kaloingora mono Saulus. ² Tamrada tangada ata rade bada kangotena tabarai Mori mono aida yayo loho enu, Wadi katenguna linage, "Hatengu gadi tuba-Gu Barnabas mono Saulus tutu haulla nyiwe gauge magu kamaikadi yida." ³ Bege, kole yida bada kabukta mono Sembayang, loho bada pajoladi limada yida ta panu kataku Barnabas mono Saulus, yida da halewayi kadudana kako. Barnabas Mono Saulus ta Nuha Siprus ⁴ Nyiwe, kole bahalewai kako ngahu katenguna, Barnabas mono Saulus burru ta Seleukia, mono wali nedo bali yida da pala waina tena ta Siprus. ⁵ Kole yida diki ta Salamis, yida da talarage linai Allah ta Sinagoge-sinagoge ata Yahudi, lodoge yida dumo dangidiyi Yohanes kahanukuyi yida. ⁶ Kole yida kako kahage nuha kaha ta Pafos, yida da dikini wu ata kataguna hamoro, wuyo Nabi paleka Yahudi, kanagarana Baryesus. ⁷ Nyi naoleni Prokonsul Sergius Paulus wuyo ata kaangta, karaiyiyi Barnabas mono Saulus maiyo tabarana mono kabau atege rangewe linai Allah. ⁸ Tanyiduwe, Elimas, kataguge wunnu ata nada, oro taudadage ngarana ba pahirawe, gabani Barnabas mono Saulus, waige karuhuwe pahekorani Prokonsul wali ta hatenana. ⁹ Tanyiduwe, Saulus, ha kali tada dumo Bai Paulus, habanuna ngahu katenguna, natorroyi elimas, ¹⁰ mono linage, "Ta miyo, habanuna matip aitidana mono tangage japata, miknage anai kabalka, mikna muhuge wali tangage katena, walem kabu atehing mage miyo ngahu hajalorayi laranai Mori kaluha? ¹¹ Batauge, hamatarage, limanai Mori amini tabaramu mono miyo engam moromi mono enga walena etakmayi mata lado kapirana mujana."Mahigo neda dumo, habangu mono kapagta buruwe tabaramu mono nyi nakiloragimi mayegani ata bana naronani limana. ¹² Lodoge, Prokonsul nada dadiwe hatena kole bana etawe agawe kadadi oro nyi bana bangara tubage pahanuanai Mori. ¹³ Hadaka rahi, Paulus mono ata kaoleni da pane ta tena wali ta Pafos kaha ta Perga, ta Pamifilia, tabolo Yohanes na bijakadi yida mono haga ta Yerusalem. ¹⁴ Tanyiduwe, Saulus mono Barnabas da hangatana kako wali ta Perga khha ta Antiokhia, ta Pisidia.Mono, ta lado ngahu, yida kako ta Sinagoge mono ngodo nedo bali. ¹⁵ kole bada bahawe uku pareha Taurat mono jurata da Nabi, pa ama-pa ama Sinagoge halewe ata ta barada kadudana Rasul rada, "Bagu ele baigimi, nyi miyo ba dakage hanewe maangumi tutuda ata rade, takiwe ge." ¹⁶ Nyidawe, Paulus na dede mono na yiwe kabadi waini limana mono nlinage, "Ta ata Israel mono miyo kamadautani Allah, Rangewe! ¹⁷ Allah ata Israel nade napede beyi ama wedada yita mono na hamadehtayi atada yita, ba engada yida ta tana Mesir mono waige kadadi kamakeketa, nyiyo na kododi yida huna wali neda. ¹⁸ Mojage pata kabulu dauge, nyiyo bana maloya wali kanogoda yida ta marada gilra. ¹⁹ Mono, nyi kole bana pudahayi kapituna kabihu ata Kanaan, nayiwe dauwuge tana inna. ²⁰ Tangage inna nadadiwe ba katutu kawe Pata ngahu lima kabulu dauwuge.kole onna de, Allah na yidage ta barada yida Hakim-hakim kaha dikige tai Nabi Samuel. ²¹ Bege, yida karaiyi wu ata Raja, Monoi Allah da yidadi yida Saull, ana kabani nai Kish, ata kawali ta kabihu Benyamin, pata kabulu dauwugw mojage. ²² Kolei Allah bana hikalani Saul, Allah na hakadeyi Daud dadi rajada yida, loho tubanai Allah na hadedalage mono linage, 'Nauwug tabokabeyi Daud, ana kabaninai Isai, ata kamarakka ta ate-Gu karayigadi tangadi hakabu Ate-Gu.' ²³ Wali ta ana suhuna ata nadela, Allah na dokuge jajina, nakodoni ta bara Israel wu ata hada hoila, halinawei Yesus. ²⁴ Ai amihoni Yesus, Yohanes na takki uluwe tubage haruha jarra tabara tangana ata Israel. ²⁵ Mono, tamrage Yohanes hadukuge haullana, nyi hakitage balina, 'Dokuge miyo iyawa nauwa? Nauwa wale Nyikma.tabolo hamatarage, wu ata amini ta baligu nauwa, kopa ledu dahingna waleg marakka mawa bagu lainadi.' ²⁶ Bagu ole baigimi, ana huhu kalingorai Abraham mono ata ta jongami kamadautani Allah, tabarada yita liyo mane mara ine dikibewe. ²⁷ Oroge, yida engana ta Yerusalem mono tangada kakododi yida, aika tadayi nyiyo mono aika yapawe tangage hanewe Nabi, habaha nahiyi lado ngahu, kapanuwe tangage hanewda Nabi rada waige bada hokuni Yesus. ²⁸ Mono, loko yida aida kolege kapege pa hiba danga nage haku mate, yida karaiyiyi Pilatus tutuge hamateyi-Nyi. ²⁹ Mono, kole yida panuwe tangage kamatolha tutuna Nyi, yida dahaburuni Nyi wali ta yayu Hakadailo mono da habaikayi-Nyi ta rate. ³⁰ Tanyiduwe, Allah nahakadeyi Nyiyo wali ta jonga dalara ata mate, ³¹ mono pira ladoge Yesus nahadela wikna ta barada ata kaoleni Nyiyo wali ta Galilea kaha ta Yerusalem, loho batauge yida kapadelage kabihu ata ine. ³² Mono, nami mangidiwe tubami liyo daha tuba jaji nai Allah tabarada ama weda da yita, ³³ Loho Allah napanu bewe hajajina nutu tubada yita, anada yida, loho hakade hagayi Yesus, tauna kamatolha lari ta jurata Mazmur kawuku kadudana: "Yauwukna ana-Gu.nehe lado, nauwa ama bemu-Ga." Mazmur 2:7 ³⁴ Tubanai Allah kahakadeyi Yesus wali tajonga dalara ata mate, wale nadadikmawe haga taliloko, Allah lina bege, 'Nauwa enga yigimini kanyuru katenguna mono pahatena, hayibeda tabarai Daud." Yesaya 55:3 ³⁵ Nyikwe oroge, Nyi dumo linage larr ta Mazmur wadeka, 'Yauwu walemu pahaimadi ata tengu-Mu etawe kaliloko.'Mazmur 16:10 ³⁶ Oro, Daud, kole hanukuwe ana suhu dauwuna dokuge hakabu atei Allah, lodoge mate, mono habaikayi ta jonga weda waikana, loho etawe haliloko danga. ³⁷ taboli Yesus hakadenai Allah wali ta jonga dalara ata mate, wale etakmawe haliloko danga. ³⁸ Oroge innage, nyamage kamu tadawe, bagu olegimi, waige ledeni Nyiyo nahawalina doku jala na dedowe tabaramu, ³⁹ mono ledeni Nyiyo, tangada ata kahatena hahilayi wali tangage, loho wali tabarana miyo wale nadadikmawe hoila wali ta li hoku uku parehai Musa. ⁴⁰ Nyiwe, hamatarage la hada ha takibe lari ta jurata Nabi ka ilana dadiwe tabaramu: ⁴¹ 'Etawege, ta tangami kahatereka!Kadadakami mono lilokomi, oro nauwa ugu pahadawe haulla ta rahimi miyo, wu haulla ai hatenami, loho dumo daka wu ata kahalaramige tabarami.' ⁴² Tamranai Paulus mono Barnabas huna, rada ata da karaiyiwe kana dadiwe yida hadikige tuba li ege ate inna talado rahi ngahu walinimi. ⁴³ Bakole hatabokana ta Sinagoge nutu buta ata Yahudi mono Proselit kamadautani Mori dokudi Paulus mono Barnabas, kahanewe tabarada yida mono haruyi yida tanamu kaenga hangatanalari ta kanyurui Allah. ⁴⁴ Ta lado ngahu piwalige, kamhatangada ata ta harona neda makaha rangewe linai Mori. ⁴⁵ Tanyiduwe, kole ata Yahudi etawe ramegege, yida banuge kawiyo ate mono kapudage gabage agawe hatakinai Paulus da hagapege paddayi. ⁴⁶ Nyiwe, Paulus mono Barnabas da baleha waige bani ateda mono lidage, "Hada inna kahada baningna oro linai Allah oda dahewe padedalage tabarami nauluwe.oro miyo bamu tularage mono yapa dawe tauwumi walena murahakmawe dauwuge morha aika mangu dukana, etawege, nami magilaka tabarada kabihu ata wadeka. ⁴⁷ Oro, tauda dagei Mori yiwe parehana tabarama nami: 'Nauwag hadadi begimi magakaha tuba kabihu ata wadeka dajalage miyo dadiwe ngidiwe mane mara kaha ta hupu tana."' ⁴⁸ Kole ata aika Yahudina rada rangewe hada inna, yida da lagahara mono hamanadawe linai Mori.Mono, katauna butana pahainyakabe tutu morha aika mangu dukana, dadiwe hatenawe. ⁴⁹ Nyiwe, Linai Mori na matalarawe kaha ta kalingora hadauwu neda. ⁵⁰ Tanyiduwe, ata Yahudi da wolidi lawaiyi muraha mono ha aka mono ata tetaka ta harona, mono da hakadewe hamayilaitabaradai Paulus mono Barnabas, loho da wugayi kadudana huna wali tahadauwu duka haronada yida. ⁵¹ Tabolo, da hagapege kabahayi kabka ta leduda yida tabara ata Yahudi nedo bali, Paulus mono Barnabas kako ta Ikonium. ⁵² Mono, ana hakodona nabanudi ege ate mono waige ngahu katenguna.