PAULUS TA ARONA RAJA AGRIPA ¹ Nyiwe, Agripa linage tabarai Paulus, " Mi um pahaini hanewe nyi bana gabage." Bege, Paulus na walahadi limmana mono na takkiwe gabbage. ² " Duwuge tangage hada inna paha wau tabargu radde ata Yahudi, nauwa ug yapu gauge taugu utuwe, Raja Agripa, oro nauwa enga hadedala guge gabage tabaramu laddo inne, ³ banningge oro yau ata katada takkawe tangage kadamma mono agawe kadadi ta jonga ata Yahudi. Oroge inna, nauwa ug rainoge tabaramu yau kamau rangewa nauwa waige kama loya. ⁴ Tangada ata Yahudi tadawe hada morhagu wali bagu bodigu, wali ka puge ug hakakowe morhagu ta tillu kabihhu daugu mono ta Yerusalem. ⁵ Oro mojage bege yidda bada tada gage taugu, nyiwe yidda madda au, yidda dadiwe padela kage inna nauwa bagu morhawa dokuge kalibbo kahadda katuyo wali ta agamada yitta, nuwa morhawa ba ata Farisiwa. ⁶ Mono batauge, nauwea ug dedewa inne kapiku tija gage oro hamannegu inna jaji paha dadi benai Allah tabara weda waikada yitta. ⁷ Jaji innage hamanneda kabulu dudana kabihhu atada yitta dadiwe bana dikkiwe, tamarada yidda kawojini Allah waige kha tau takkana gaddi mono laddo. Mono, oro hamanne inna nauwa hawauga radde ata Yahudi, o Raja. ⁸ Ahha miyo yappa dawe ai kamuda tubai Allah kaha kadde ata mate? ⁹ Oroge inna, nauwa dau ug hawuge aga dahona harayigu kabutala hada ka gabbage ngaranai Yesus wali ta Nazaret. ¹⁰ Mono, inna yiwe harayigu ta Yerusalem. Nauwa wale dukka dal kekmage bagu hatamadi ata tenguna lari ta gallu, kole hibawe hatagugu wali ta rato-rato kapala, tabolo dummo kole yidda ba hoku matedi, nauwa ug baige jalage. ¹¹ Lohho, nauwa ug kali hokudi yidda ta sinagoge-sinagoge mono karuhhuyi yidda kapiku kapalekayi. Mon o, waige bani ai ka anana tabarada yidda, nauwa ug hama yillayi yidda, lohho dummo dikki ta harona ata wadeka." ¹² " Tutu hakabu ate inna dummo, nauwa ta tillu lara ta Damsyik, waige hatagugu mono hadita daga wali ta rato-rato kapala. ¹³ Bana didara he laddo, o raja, bagu kakowa, nauwa ug etawe wu magakaha wali ta langta, re3hiwe magakahana mata laddo, ka wagara ka kiloraga mono ata ha ole kakogu. ¹⁴ Lohho, kole nami kataba ta panu tana, nauwa uig rangewe liyo kalinnada tabaragu waige hanewe Ibrani, ' Saulus, Saulus, ahha yau mamu hama yillawa Nauwa? Wale na dadik mawe tutumu bamu taddawe kaito habai.' ¹⁵ Lihho nauwa ug kanukayi, ' Iyayu yau, Mori?' Bege, Mori na baleha, Nauwa Yesus, hatamramu hama yillayi. ¹⁶ Tabolo, kadewu mono dede waidi ledumu. Oro, Nauwa ug hadela wiki bena tabaramu tutu hakabu ate inna, ug ha inya kawu ba wuwu ata kaha nukkuwa mono kaha dela kage, wale nyi kel mawe hada inna ha eta bemu, tabolo dummo tutu hada enga ha tigo gugu nimmi tabramu. ¹⁷ Nauwa enga gu pahoilawu wali ta kabihhumu inna mono wali kabihhu ata wadeka, inna tabarada yidda nauwa ug halewawu. ¹⁸ kamu bugera dadi matada yidda dajalage yidda kadda hagga wali ta ka pagtana tama tama gakaha mono wali perhanai Kabalka tabarai Allah dajalage yidda hibawe hawalina hadau beda ata paha tengube waige hatena lari ta Nauwa." ¹⁹ " Nyiwe, Raja Agripa, nauwa waleg kali manonok mawa ta tutu pa eta ta surgawi, ²⁰ tabolo, kawungana, nauwa ug talarage tabarada yidda ka dana ta damsyik, lohho ta Yerusalem mono ta tangage kalingora Yudea, dummo tabarada kabihhu wadeka, inna yidda da jarra dahho mono da hagga dahho tabarai Allah, waige rayige har ayi ka hatujja wali ta jarra da yidda. ²¹ Nyidawe oroge, ata Yahudi yappawa ta Umma nai Allah mono baige hamatewa. ²² Kahha laddo inne, nauwa ug hiba bewe matullu wali tai Allah dajalage nauaw dedewa inne kagu takkiwe, ta lakawa marraha lohho dummo ata matuyo waige ai takkiwe hada wadeka, dukka dahege agawe hatakkida tangada nabi mono Musa tutu agawae kadadi, ²³ nadai Kristus na mayilla dahho mono inna, waige kapege dadi kawungage kadde wali ta jonga ata mate, Nyi enga na takkiwe magakaha, ta ata Yahudi lohho dummo tabarada kabihhu ata wadeka." ²⁴ Tamrana Paulus bana haneweho bana hagabewe, Festus linage waige lina ka dahhaki, " Paulus, yau ngade muge! Tadamu kabutala inna narayi da guge ha ngade dangamu." ²⁵ Tabolo, Paulus balehawe, " Ka manadana Festus, nauwa bagu hadikkige katena mono hatakkigu aika tama ta han gada. ²⁶ Oro, Raja tadawe hada inna mono tabarana nauwa dummo na baniwe ategu hanewe. Oro, nauwa ug mannege inna wali wu hing mana wali ta hana inna ka lodona wali hatorrogu oro inna walena dadik mawe taha dau kama rau. ²⁷ Raja Agripa, appa yau um hatenayi tangada nabi? Nauwa ug tadawu yau hatena." ²⁸ Raja Agripa linage tabarai Paulus, " Mahiggo ka hodi kina, yau ha didara bewa nauwa tutu bagu Kristenwa." ²⁹ Lohho, Paulus na balehawe, " Nauwa ug rainoge tabarai Allah dajalage kana gehawe waleka maga rawe, wale yau kel ma, tabolo dummo tangada ata karangewa nauwa laddo nehhe, na dadiwe tujawe tau gu, dukka dahege kalarri bahhi radde." ³⁰ Bege, raja dede. Tauda dummoge gubernur, Bernike, mono tangada ata ka ngiodo oledi yidda. ³¹ Lohho, batamrage yidda yelage koro inna, yidda da hanewe dihha-dihha, " Ata nadde wale na rayi mage aga dahingu kayi ka dadi pa yanna dangana hoku mate wale ta gallu." ³² Nyiwe, Agripa linage tabarai Festus, " Ata nadde dadiwe pahalayi nyiyo aina pannelhe tabarana Kaisar."