HAWAUDA ATA YAHUDI TABARANAI PAULUS ¹ Limma laddo hegege, Ratao Madakka Ananias brru dangadi kapirana bai ata mono wuyo ata ta tilluna ka nagaranai Tertulus. Yidda daha dikkidi paka karuhhuda tabaranai Paulus tabarana Gubernur. ² Kole hamaikani, Paulus kapu dage hawauni waige ba lidda, "Oro, ledegu mori, nami ma padage kamoli mono kaberu nadadiwe tubada kabihhu ata radde oro dahha nai mori, ³ nami ma tabo kami waige tanga ngara hada mono ta tanga ngara hadau waige lima wai, Ka manadana Feliks. ⁴ Ta nyiduwe, dajalage ilam be dangage mahiggomu, nauwa ug rainoge maradda atemu tutu rangema nami langka hodi kawe. ⁵ Oro, nami ma tabo ka beyi ata nadde nyi ata kaha wiha kage, mana dadiwe kawihaka ta jong ata Yahudi ta hagala panu tana. Mono, nyi pa ama sekte migguyi. ⁶ Nyi lohho na kabu atege ha otorage Ummanai Allah dajalage nami mama yappayi. [ Nami hakabu atema ka yini tija dokuge nauta morhama nami. ⁷ Tabolo, Lisias, kapala ha ibbo inna, ammini lohho karamani wali ta liommama nami waige bani, ⁸ ha gapege harehayi ata kaha wauni kapiku ammini arogu yau.] Waige ba reha dauyi, yau enga tada muge wali tabarana tutu tangage inna nami paha wau mani tabarana." ⁹ Ata Yahudi dummo daha wuna takki ta ha wau da inna hagapege bada hadidarawe tangage inna bana tenawe. ¹⁰ Kole Gubernur yige kabakduge tubanai Paulus kana hanewe, Paulus, balehawe, " Kole nauwa bagu tadawe ka biyo dauna inna yau bamu dadi hakim ata kabihhu ata radde, nauwa waige kalagahara ug gabage. ¹¹ Yau um tadawe inna aina rehiwe wali kabulu duda laddo kalanga bena nauwa ug panne bewa ta Yerusalem kangotena. ¹² Yidda waleda kalli tabokak mawa nauwa ba tambaragu hatajina hatakki langka iya hingu kayi waleka dullayi ata kaha ibbo butana ta Ummanai Allah, sinagoge-sina goge, lohho dummo lari taha rona. ¹³ Yidda dummo waleda dadik mawe hatingoge tada tabaramu agawe inna ha wau daga tabaragu batauge. ¹⁴ Tabolo, nauwa ug ma ngakuwa tabaramu, inna dokuni lara nadda, paha ngarada sekte, nauwa ug kangotena tabaranai Allah weda waikada yitta, olefdi ata hatena wadeka ta tangage dokuge Ukku mono kama tolha lari ta jurata tanagad nabi, ¹⁵ hagapege ha yodage hamanne neda lari tai Allah, harema jalada yitta, inna ba dage kadfde hagga, tabrada ata katena lohho dummo ai katena. ¹⁶ Lari ta hada inna, nauwa ug kabu atege kagu karawawe kalaku ategu katenguna, inna ta aronai Allah lohho dummo ta kadadi ata. ¹⁷ Batauge, kole kapirra dauna, nauwa ammiga ngidi manuta tuba kabihhugu mono yiyo tanga ngara manuta. ¹⁸ Ba tamragu nauwa rayige, yidda da tabo kawa nauwa, kole nauwa baha murahaga ta Ummanai Allah, wale ha ibbok mana ata wale na kawihak mawe. Tabolo, neda bali kapirana ata Yahudi wali ta asia. ¹⁹ Doku dage, yiddala kadana ta raomu mono kayiyo hawauina, nyi ba damema dage hodiki tutu gabaga nauwa. ²⁰ Waleka, yammadi ata radda wiki dau kada takkiwe agawe halayigu hatabo kada ta aro Sanhedrin, ²¹ likkege wu paha nukkada pa wulagu nauwa ug dedewa ta jon gada yidda, ' Oro kadde hagga ata kamate, nauwa yiga rakkagu laddo nehhe."' ²² Ta nyiduwe Feliks, ka mangu paha ngadana rehi na yanna dahowe tutu lara inna, haiharage kadadi inna waige balinna, " Kolei Lisias, kapala ha ibbo nadda, burru, nauwa ug pohtawe palakaramu." ²³ Bege, Feleiks naha rehayi perwira nadda nadai Paulu ka engage tahanuni, tabolo waige kalewara mono ilam here kadi olena hanukkuyi nyi. ²⁴ Kole pirra laddoge, Feliks ammikni olen ole ummana, Drusila, ka ata Yahudina mono halewayi Paulus mai mono rangeyi Paulus bana dula kawe hatenana lari tai Kristus. ²⁵ Lohho, tamranai Paulus bana hanonekana hangada tutu katena, pattu wikina, mono rakage nimmi ka ammina, Feliks na dadi madauta mono linage, " Kakomge batauge. Kole nauwa kolena mahiggo, nauwa enga kamika gugu." ²⁶ Ta mahiggo inna, Feliks na kabu atege nadai Paulus enga yina amaha. Oro inna, Feliks naha lewa juawayi Paulus mai mono hanewe dangani. ²⁷ Ta nyiduwe, kole haduda dauge, Perkius Festus na jeluyi Feliks. Mono, oro bai hadahha nage ateda ata Yahudi, Feliks na yammamni Paulus neda lari ta gallu.