¹ Paulus na hamatarani Sanhedrin mono linage, "bagu ole baigimi, nauwa hakako bewe morhagu waige kalaku ategu kahadda dahha ta aroi Allah kahha nehe lado." ² Halegewe, Rato Madaka Ananias naharehayi ata kadede tabarai Paulus tanamu ka kapakkoka nage ba nai Paulus. ³ Bege, Paulus linage tabarana, "Allah engage bana kapakkoka kawu, ta miyo koro ha cet wai ka kaka! engam ngodomi miyo tanamu ka yini rakkana dokuge Hareha Taurat, tabolo enga layimige hukum waige ba halewai tanamu ka kapakkokawa nauwa?" ⁴ Ata kadede tabarana liddage, "Walle paddak midi Rato Madakai Allah?" ⁵ Bege, Paulus linnage, "Nauwa waleg tadakmawe, bagu olebai gimi, oroge nyikduna Rato Madaka.oroge, kamatulaha, ilam hanewe bokalaka tubana wu ata kanaroge katakkuge.'" ⁶ Tanyiduwe, kolei Paulus bana tadawe wadeka ba ata Saduki mono wadeka ata bokalai, Paulus na kawula ta tillu Sanhedrin, "Ole baiyigu, nauwak duna ata bokala, anana ata bokala.Nauwa tamragu harehawa oro ka mamanne mono kadde hagga ata kamate!" ⁷ kolei Paulus bana takkiwe tutu inne, na dadi aika hawuna ta tilu ata bokala mono ata Saduki, mono na mahewa-hewawe. ⁸ Oroge, ata Saduki lidage wale lakmage morha hagga, lakma malaikat, mono lakma waddi, tabolo ata bokala da hatenawe tangage inne. ⁹ Loho, nadadiwe kawihaka aika anana mono kapirrana ahli Taurat wali ta haibo ata bokala da dede mono kayakage, "Nami walema jammuk mawe jalana nade ata.agalinakakwe waddi ai waleka Malaikat bana hanewe tabarana?" ¹⁰ Bege, kole aika hawuna bana kiki matabawe, paama tentara na madauta nadei Paulus bada hamatekayi rada ata buta, loho naharehayi prajuritna burru mono ngalai Paulus ta jonga ata buta waige bada pakhayi, loho da ngidiyi ta katorana. ¹¹ Dihha gadi walige, Mori nadede ta tibinai Paulus mono linage, "Hamaddoge atemu oro yauwu im hatingobege waige kalaku atemu tutugu Nauwa ta Yerusalem, tauda jalage yauwu um hatingo dahoge ta Roma." ¹² Kole bana magakahage, ata Yahudi da hawuna pahangada, mono katti wikina yida bada haura waige aida yayo mono enu langka aga hingkana kahha aida hamate hoyi Paulus. ¹³ Da rehi wali ta pata kabulu ata kahawuna pahangada inne. ¹⁴ Yida da maiyi ta paama-paama mono rato-rato, loho lidage, "Nami makatti wikibena waige bama haura aima kabihkana langka agahingkana kahha bama hamateyi Paulus. ¹⁵ Batauge, oro ba tauda dage, yauwu, oleni Sanhedrin, takinage paama tentara tanamu kana burru ngidi gimini tabaramu, kameranage yauwu bamu pohtawe palakarana waige hamatara takkage mono nami ma hainyaka wikna tanamu kahamateyi, aina dagetawe hadauwu inne." ¹⁶ Tabolo, wu lakawa kabani ana wattonai Paulus rangewe tutuge ba yapayi, dajalage na tama ta katora, na takkinagei Paulus. ¹⁷ Paulus na Kamaikani wu Perwira mono linagr, "Ngidiyi nade lakawa bau mane tabarana paama tentara oronage nyiyo dage ha lo takkina tabarana." ¹⁸ Bege, Perwira nada na ngidiyi tabarana paama tentara mono linage, "Paulus, nada hatahaka, na kamaikaga mono na karaiwa tanamu ka ngidiyi bau mane nada oro ba da hatakkina tabaramu." ¹⁹ Paama tentara na na naro nadi limmana bau mane nada, tingiyi ta tibina, mono nahalegewe kanukayi, "agayi hatakimu tabaragu?" ²⁰ Hlegewe, nyi na baleha, "Ata Yahudi da hawu bena pahangada da karaiyiwu tanamu kabauru ngidyi Paulus ta Sanhedrin koka, lodoge yida da kanukayi diha kawuku karehi tijana tubana nyi. ²¹ Batauge, ilam range kayi yida oroge dadi pata kabulu rehi ata wali ta yida ka tamrana herini Paulus, ka haura tanamu ila yayo mono enu kaha yida bada hamateyi Paulus.Mono batauge, yida da hainyakabe mono tamara remadage bamu ngo kage." ²² Halegewe, Paama tentara na halewayi bau mane nada hagga, hagapege bana hanauwuyi, "ila daka dau takki muge langka iya hingkayi yauwu ba bada haggamu wali tabaragu mai takki gage tutuge inne." Paulus da Hangidini ta Harona Kaisarea ²³ Bege, paama tentara nada kamaikadi duda ata Perwira mono linage, "Hadinyakayi dongahu tentara, loho pitu kabullu ka kalete jara mono dongahu Prajurit kamangu bajlana, tanamu ka kako ta Kaisarea, nehe gaddi nehe ta jam kataudana. ²⁴ Haganna jalana ranga tutnai Paulus kana kalete mono ngidiyi nyi kana tolka tabaranai Felik, gubernur." ²⁵ Tomage, nyiyo na tolhawe walla jurata, kalinna dana punyige: ²⁶ Kawli dawe tai Klaudius.Tabarana Gubernur Felik kahada madana. ²⁷ Ata nade hayappa jalani ata Yahudi mono hodikmowe bada hamateyi yida tamarag bagu maiwa oledi Prajurit-prajuri mono hatolkayi nyi, kole batadawe oroge nyi ba ata Romayi. ²⁸ Oroge nauwa kabu atege tadawe agawe kappege yida bada haduwu nage, nauwag buru ngidiyi ta Sanhedrin da yidda. ²⁹ Nauwag jammuwe oroge nyi da hadauwu nage tutuge pahareha Taurat yida, tabolo wale lakma kappege tanamu kahamateyi waleka hatamani tagallu. ³⁰ Kole bada takgage tabaragu oronage enga da dahoge hawuna paahangada tanamu ka gabbani ata nade, Nuwag hageha harehayi ata kahadauwunage bada pahirage yida tabarana ta aro matamu. ³¹ Halegewe, Parajurit dokuge pahareha nadi yida, nagalayi Paulus mono ngidiyi nyi waini gaddi ta Antipartis. ³² Damage tana, yida da nyamadi ata ka kalete jara rada kako marangani, bege yida hagga ta katora. ³³ Kole yida diki ta Kaisarea mono hadajalage jurata inne tabarana gubernur, yida jala da ha aroni Paulus tabarana. ³⁴ Kole gubernur bahhawe jurata inne, nyi na kanukayi Paulus ba gi hadauwu walina.Mono, kole bana tadayi Paulus ba kawali ta Kilikia, ³⁵ nyi linage, "Nauwag hatokawu kole rade kahadauwu guge ba ammi jaladi."bege, nahalewayi tanamu marangani Paulus lari ta katora madakai Herodes.