Paulus na Takkiwe Jarrana ¹ "Tangami ole baigu mono paama-paama, rangewe hatakkigu batauge tabarami." ² Mono, kole yida bada rangewe nadai Paulus bana kamaikadi yida lari tahanewe Ibrani, yida kiki-kiki kadana dage, mono Paulus linage, ³ "Nauwa ata Yahudiwa, ka dadi ta Tarsus, Kilikia, tabolo ka matuwa ta harona inne, pahakolanaga Gamaliel hadda nujuwe dokuge uku ama wedada yita, mono dadi mikkung tubai Allah, katujana miyo tangami lado nehe. ⁴ Nauwag hamyilayi lara nade kaha dikki ta mate, katidi mono hatamadi yida kabani mono lawaiyi, lari ta gallu, ⁵ Katuja dumona Rato Madaka mono tangada bai ata dadiwe tabaragu.wali ta yida gu hibawe jurata tubada ha ole baiyo ta Damsyik mono kako tutu kattidi yida kadana nedo bali ta Yerusalem rayida hatahan ha yiyo rakkana. ⁶ Nyiwe, na dadiwege, tamragu nauwa lari ta lara mono hodi mowe bagu dik ta Damsyik, ba tauge katutu didara ladowe, naha yaddawe wu magakaha ka wali ta langta makilorawe bana rewowe. ⁷ Nauwa gu katabawa ta tana mono rangewe wu liyo kalinna tabaragu, 'Saulus, Saulus ahha yauwu mam hamayillawa nauwa?' ⁸ Mono, nauwag balehawe, 'Iya dawu yauwu, Mori?'lodoge linage ta baragu, 'Nauwaknai Yesus wali ta Nazaret, ha tamramu hamayilla.' ⁹ Ata kamarangaga naetawe magakaha inna, tabolo walena yappak mawe ngihige inna liyo ata katamrana hanewe tabaragu. ¹⁰ Mono, nauwa luguge, 'aga dahowe harayigu ge, Mori?'Monoi, Mori na balehawa nauwa, 'Dedewu mono kako ta Damsyik, mono neda bali, yauwu ug takiguge tangage paha inyaka begugu tutu harayi homu.' ¹¹ Mono, kole nauwa aigu etawa oro manada magakaha inna, nauwa hatutuga ta lara ata kaolega mono tama ta Damsyik." ¹² Bege, dani ata kangaranai Ananias, ata muraha dokuge uku pareha Taurat, hatadabeda tangada ata Yahudi ka engana neda bali, ¹³ mai ta baragu, mono kole bana dede tatibigu, nyiyo linage, 'Angu wuyo Saulus, kamu etawuge!'lodoge, neda mema dumo, nauwa dadiwe eta haga mono etayi nyiyo. ¹⁴ Mono, nyi linage, 'Allah ama wedada yita nahainyaka bewu tutu tadawe hakabu ate-Na mono etawe Katena, loho rangewe liyo kawali ta ba-Na, ¹⁵ Oronage yauwuk na dadi ata kapahirage tuba-Na tangana ata tutu agawe yauwu haetamu mono harangemu. ¹⁶ Mono, batauge, aha yauwu mam hadiki-dikige? kadewu mono yiwe tauwumu kaharihawu, loho hamurahadi doku jalamu hagapege kamaikanage ngara-Na.''' ¹⁷ "kole nauwa bagu haggawa ta Yerusalem mono tamrag Sembayangna ta Uma Allah, nauwa banuga Waddi Katenguna, ¹⁸ mono nauwag etayi Nyi na hanewe tabaragu, "Hainayakawu mono gehawu huna wali tga Yerusalem oronage yida waleda hibak maguge papahiramu tubagu Nauwa.' ¹⁹ Lodoge, nauwag hanewewa, 'Mori, yida dauwu tadawe bagu hatamadi ta gallu mono kattidi yida kahatenabe tabara-Mu, wali ta wuyo Sinagoge ta Sinagoge wadeka. ²⁰ Bege, kole rayo papahira-Mu, Stefanus, na majokuwe, nauwa dauwu tamragu dede neda bali, ug gauge pohtawe, mono ug angu dadi kalabeda ata kahamateyi.' ²¹ Kole innage, Yesus nahanewe ta baragu, 'Kakowi! Oronage, nauwa ug halewawu yauwu kako kamarauwu wali ta kabihu ata wadeka."' ²² Ata buta rada da rangeyi Paulus kahha ta hanuwa inna.kole innage, yida tangada keketayi lida yida mono lidage, "pungani ata kataudadana nada wali ta panu tana oro nyi walena marakakma bana morha!" ²³ Loho, tamarada yida hakitana kawula, mono da tukku waini kalabeda yida, mono da habarage kabka ta rereha, ²⁴ Paama tentara nahanewe tanamu Paulus kangidiyi ta katorana, hagapege balinage paullu hanuka dahoyi waini palu dajalage nyiyo dadiwe tabokawe kappege ahha yida mada kawula gabbani nyi tujjana inna. ²⁵ Tabolo, kole yida behalotarana kalari kalita, Paulus linnage ta Perwira kadede tabarana, "Na dahakake tabarami miyo tutu paluyi wu ata ba nyi ata kalingora pahareha Roma mono wale tibakmanage jalana?" ²⁶ Kole perwira inna bana rangewe, nyi na kako ta paama tentara mono na takkiwe, linnage, "Agawe yauwu harayimu? Oronage ata nade ata kalingora pahareha Romai." ²⁷ Nyidawe, paama tentara nadda ammini mono linnage tai paulus, "Ngo" ²⁸ Paama tentara nada balehawe, "Nauwag kolege ata Negara innewu waige ammha buta."Mono, Paulus linnage, "Tabolo, nauwa bagu dadi ata innewa, " ²⁹ Nyiwe, ata kaengana kanukayi Paulus geha datannani mono paama tentara namadauta kole bana tadayi Paulus ba ata Romayi mono nyi bana katti beni. ³⁰ Tanyiduwe, damage tana, oro paamada tentara kabu atege tadawe kappege katetakkana ahai Paulus mada karuhuyi ata Yahudi rada, nyi napahalayi Paulus mono naharehayi Rato-rato katakuge loho tangada Sanhedrin kada maubla, loho nyi ngidyi Paulus kako mono haaronita tilluda yida.