Paulus Kako Ta Yerusalem ¹ Kole nami bama pahewa wali ta yida mono bana kako, nami wingmage dokuna tena ta Kos, mono dammage tana ta Rodos, mono wali nedo ta Patara, ² Kole nami bama dikini wuyo tena ka pala ta Fenisia, nami ma pane ta tena bama dokuni. ³ Kole nami bama eta mawowe Siprus, nami ma lida ta bara kalima nami mono engage bama kako ta Siria, loho buru ta Tirus oro tena enga haburu nadi pahailana. ⁴ Kole bama dikidi ana halolena, nami engama pittu laddo.Mono ledeni Waddi, yida da hanuwa hangatani Paulus ilana panne ta Yerusalem. ⁵ Kole mahigoma nami nedo bali dukage nami kako mage mono hakitana kako.yida tangada, oledi ole umada mono anada, lo tauma nami kaha diki ta bali harona.loho kole takodi kudo ta niri banu mono Sembayang, ⁶ Nami ma hanauwuyi diha-diha.bege, nami ma pane ta tena mono yida hagga ta umada. ⁷ Kole nami bama hadukawe kakoma wali ta Tirus, nami ma diki ta Ptolemais, mono nami mahanewe dangadi ole baima ta hatena, loho oledi yida diha lado. ⁸ Dikige damage tana, nami makako ta Kaisarea, loho ma tama ta uma ledu limanai Filipus, kahawuna wali kapituna ata, loho engada oledi. ⁹ Nyi dadi kapatana ana lawaina aika bau kabaniho kahuru bale, ¹⁰ Ba tamrama nami dawu ta nedo kapira ladona, wu nabi kangarana Agabus buru wali ta Yudea. ¹¹ Loho, kole bana dikigama nami, nyi na ngalawe kalri bagenai Paulus mono na kattige ta limana mono ta leduna dauwuna, loho linage, "Inne nyiwe hatakna Wadi katenguna, waige hada ine ata Yahudi ta Yerusalem enga katda ata kadauwuge kalari bage inne mono da yiyi ta limana ata wadeka."' ¹² Kole nami bama rangewe inne, nami mono ata ka engana neda da rainoni Paulus bana dadikakwe ka ilana kako ta Yerusalem. ¹³ Bege, Paulus na balehawe, "Agawe harayimi, hoyo mono hapakha gage ategu?oro nauwa ug hainayaka bewe, wale nyikelmawe ba katga , tabolo dumo mate ta Yerusalem waige ngaranai Mori Yesus." ¹⁴ Mono, oroi Paulus walena dadikmawe halojange atena, nami kadana mage mono linage, "Pahaikage hakabu atei Mori kana dadiwe." ¹⁵ Kole ba pirra ladona, nami ma hainyaka mono kako ta Yerusalem. ¹⁶ Kapirana ana halolena wali ta Kaisarea dumo kako marangama nami, hagapege ngidima nami ta umanai Manason, ata Siprus, wuyo ana halolena kamoja bena waini nyiyo nami engama. ¹⁷ Kole nami bama diki ta Yerusalem, ole baima ta hatena tabokama nami waige lagebora. ¹⁸ Loho, damage tana, Paulus marangama nami dikini Yakobus, mono tangada bai ata amidi. ¹⁹ Kole bana maringna tabarada yida, Paulus halege nage takiwe diha-diha aga bewe harayinai Allah tajonga kabihu ata wadeka lede pahanukuna. ²⁰ Mono, kole yida rangewe, yida da hadiyi Allah.loho yida lidage tabarai Paulus, "Etayige olebai, kapira ratana ata ta jonga ata Yahudi nedo bali kahatenabe mono yida da mikku tuba uku pareha Taurat, ²¹ mono yida da takibewe tabaramu yauwu, halidana yauwu bamu hanuwa bedi tangada ata Yahudi tajonga kabihu ata wadeka tutu haipa wali ta uku parehai Musa, hagapege bamu talaradage yida ilada hakabunyi yi anada yida waleka kako dalwe kakali dama ta yita. ²² Loho, aga dahowe harayida yita?yida enga range dahingdage inna yauwu ba dabegu. ²³ Oro batauda gege, rayige agawe namai hatakma inna tabaramu.Dadi kapatana ata wali ta nami kadana ta kabu haroro be, ²⁴ Ngidiyi yida mono hamurahage tawumu gaudi dida, loho yidi kahewada yida kada kikrayi katakuda yida, waige kataudana, tangana ata enga tada dage bana kawohokawe tangage hada hatakbe ta barada yida tubage yauwu, tabolo yauwu dauwu dumo morha dokuge uku pareha Taurat. ²⁵ Tabolo, tubada yida kabihu ata wadeka kaha tena be, nami ma tulha bedi jurata mono pohtawe inna yida dapahilu dahingho wali, 'Kahila hamaraka waibe tabara kahala tauwu, mono wali ta rayo, mono wali agai hapahela mono wali ta doku jala kadadi ata da.'"Paulus Da Yapayi ²⁶ Bege, Paulus da ngidiyi ata rada, loho damage tana kole nyi hamurahage tauwuna oledi tanagada yida, nyi tamanage ta uma Allah mono takiwe rahi hamuraha wiki naha dukkawe kole maraka manuta ba yidadi tabarada diha-diha. ²⁷ Kole bana banuge kapitu ladona, ata Yahudi kawali ta Asia, kole bada etayi Paulus ta uma Allah, nahakaboradi ata buta mono kayapayi Paulus, ²⁸ Hagapege kawula"Ta ata Israel, tuluge! ata nade naha nuwadi tangada ata ta gi-giyo gabage kabihuda yita, mono uku pareha Taurat mono hadauwu inne.mono, rehwalge, nyi na ngidiyi ata Yunani lari ta umai Allah mono naha otora bege hadauwu muraha inne" ²⁹ Oroge, ai yidaho etabeyi Trofimus, ata Efesus, bada oleni lari ta harona mono yida hayapada Paulus ngidi beyi tama lari ta umai Allah. ³⁰ Bege, tangage harona da kadadaka mono ata buta amidi kangoyina.yida yapayi Paulus mono yoriyi tabali hadauwu huna wali ta Uma Allah, loho tangadi bina Uma Allah be hatoniyi. ³¹ Tamarada yida bada runige tutu hamateyi, dikkiwe liyo tabarada paama tentara Roma inna tangage Yerusalem tamara kabuhaka nage. ³² Neda mema, nyi na ngidiyi tangada tentara mono perwira, loho malai buru tabarada yida.Mono, kole ata buta rada etawe paama tentara mono prajurit, ngahu ha paluyi Paulus. ³³ Kole innage, paama tentara dahekayi Paulus mono na yapayi, loho na harehayi Paulus kakatti waini dogayu kalari bahi, loho, nyi na kanukayi ba iyayi Paulus mono agawe harayina. ³⁴ Tanyiduwe, wadeka ata buta rada da kawula mono wahokadi wadeka.Mono kole nyiyo aina dadiwe tadawe kalijaka hada oro kawihaka dangage, nyi naharehayi Paulus ka ngidiyi ta lodana. ³⁵ Kole nyi bana dikki ta nauta, Paulus paharuhoyi rada tentara oro banida ata buta, ³⁶ Oronage, ata buta rada doku hakita dadi yida, hagapege bada kawula"Pungani nyiyo!" ³⁷ Tamrage Paulus ba tama ngidiyi Paulus ta katora, Paulus nahanewe hodi tabara paama tentara, "Na dadikakwe nauwa bagu hanewewa hodi tabaramu?"Mono, paama tentara nada na balehawe, "Yau um tadawe hanewe Yunani? ³⁸ Bataudage, yauwu wale ata Mesiruk mawu kapira ladona langage kapadadige makabora mono ka kododi pata rata ata kahamate oleda ta marada gilra?" ³⁹ Taboloi Paulus linnage, "Nauwa ata Yahudiwa kawali ta Tarsus, Kilikia, wu ata wali taharona kabaningna.nauwag rainoge, hamalogaga nauwa kagu hanewewa ta ata radde." ⁴⁰ Mono, paama tentara bana yini maloga, Paulus na dede ta nauta mono na yiyo tadka tabarada ata waidi limana.loho, kole bana kadana hingwe, nyi na hanewe tabarada yida waina hanewe Ibrani bana hanewe.