Paulus Ta Negara Makedonia Mono Negara Yunani ¹ Kole inna kama kabora bana hadukawe, Paulus na kamaikadi ana halolena, mono bana hakulha dadi ateda yida, nyi nahanauwuyi yida mono kako aro ta Makedonia. ² Kole nyi bana li kahawe kalingora neda bali mono bana yidi tabarada yida hanuwa kabutala, nyi kaha diki ta Yunani. ³ Mono, neda bali Paulus engana tauda wulla.oro ata Yahudi rayige hawuna hatakki tutu gabbani kole nyi kabu atege dokuna tena ta Siria, nyi napohtawe tutu hagga lida ta Makedonia. ⁴ Paulus dani olena Sopater wali ta Berea, anai Pirus, tubai Aristarkhus mono Sekundus, wali ta Tesalonika, mono Gayus wali ta Derbe, mono Timotius lohoi Tikhikus monoi Trofimus wali ta Asia. ⁵ Yida da kako ullu mono yida daremagama nami ta Troas, ⁶ tabolo nami dokuna tena wali ta Filipi kole beyo lado madaka kababa ka kabba, mono ammidi ta barada yida ta Troas ka limma ladona, neda bali nama engana ka pittu laddona. ⁷ Ta lado kadihana miggu nada, kole nami tamrama makaha tangama tutu hibbi kababa, Paulus nahanewe tabarada oro hakabu atege kako damage tana, mono nyi naha maluwuge hanauna kaha tilu gaddi. ⁸ Dadi lati weyo takoro dawu dete, hadawu makahama nami. ⁹ Mono, neda bali dani bauwu mane kangaranai Eutikhus tamrana ngodo ta baubina kaheli mono tilu mangatarai bana dura.loho tamranai Paulus bana hakitana hanewe ta mahigo ka mojana, nyi kiki mangatranage dura mono monu ta keba hatauda waiyi mono ba keketayi bada matena. ¹⁰ Tabolo, Paulus burru loho na baikada ta panu tauwuna, mono na yapuyi loho linage, "Ilam kawihakami oro ngahuna da hoge tabarana." ¹¹ Kolei Paulus bana panne hagga, loho bana hibi kahai kababa mono yayo, nyi nahanewe tabarada tamahigo kamojana, kaha kokoka.Kole innage nyi nakako. ¹² Yida nangidiyi bauwu mane nada hagga waina morha mono da ma agu ate dangage. ¹³ Tabolo, kole kako ullu ta tena, nami ma dokuna tena ta Asos waige pahangada tabokayi Paulus nedo bali oro nyi na kabu atebege kataudana, nyi wiki dawu kabu atege kako nedo bali waige kako tana. ¹⁴ Mono, kole nyi bana tabokama nami ta Asos, nami liyo nagalai, lodoge kako ta Metilene. ¹⁵ Kole ba pannena tena wali neda bali, nami ma dikki damage tana ta Khios.damalge tana, nami ma dahekawe Samos, mono diha ladoge jongage nami diki ta Miletus. ¹⁶ Oronage, Paulus na pohta bewe dokuna tena liyo ta Efesus dajalage nyi walena bekmawe mahigo ta Asia oro nyi bana ringata kaha ta Yerusalem, nyi ba raga dakage ta lado Pentakosta. ¹⁷ Wali ta Miletus, Paulus halewa ata ta Efesus mono halewi tangana baiata ta kangote amidi tabarada. ¹⁸ Mono yida kole maiyi tabarana, nyi linage tabarada yida, "Miyo tadawe, aga linawe nauwa bagu morhawa ta jongamu kamojana, wali lado kawungana nauwa bagu dekedi ledugu ta Asia, ¹⁹ Hagapege hanukuwe haullai Mori waige tangage li bawa ate, mono waige weyo mata, mono waige tangadi lima kaba kapijaw ledege katinaha newe ata Yahudi, ²⁰ Agalinadawe nauwa aigu patuwe taugu tutu talarage tabarami tangage kamangu gauna mono hanau gimi ta aro ata buta mono nahiyi umma. ²¹ Tau takanage ugu yiwe kahira, tabarada ata Yahudi loho dumo ata Yunani, tutuge jarra tabaranai Allah mono hatena tabarana Morda yita Yesus Kristus. ²² Mono batauge, etawe, waige bana katiga Waddi, nauwa tamragu kako ta Yerusalem, walegu tadakmawe agawe kadadi tabaragu neda bali, ²³ Likege nada Waddi katenguna bana pahirawe katau takkana nahiyi harona tabaragu inna ba ta galwa mono hamayilla danga na rema bega nauwa. ²⁴ Tabolo, nauwa walegu hangadak mage taugu mangu hige tuba tauwu dauwugu dajalage nauwa kana dadiwe bagu bewe haullagu mono hanukku haulla pahibagu wali tai Mori Yesus, haluguna tutu pahirawe waige katauwu takana li ege ate kanyurui Allah. ²⁵ Mono batauge, etawe nauwag kilorage talarage parehana, enga etaguge mata daugu. ²⁶ Oro innage, nauwag pahira mige tabarami lado nehe inna nauwa aigu jalage tuba rami tangami. ²⁷ Oro, nauwal walegu patu wikimagu tubatalarage tabarami tangage hakabu atei Allah. ²⁸ Pamatarage tauwu wiki dauwumi mono tangada olemu, neda tabara Wadi biha naha dadi begimi kahamatarage tutu karawayi ana hatenai Allah, hakole bena nyi waige rayo dauna. ²⁹ Nauwag tadawe kole bagu kakowa, tangada ranga bani enga amidi tajongami, walena manawara madi ata haetana rada. ³⁰ Mono, wali tabara wiki daumi enga kaddeda ata bada hanewege tutu hada kahajalora mono da tingiyi ana haloleda wali ta yidda. ³¹ Oro bataudage, karawa kiwela, hagapege namuwe lado mono gadi, katauda dauwuna mojage, nauwa walegu ngahugmawa apemi miyo diha-diha waige we mata. ³² Mono batauge, ug pahadegimi tabarai Mori mono ta liyo manawara-Na kamukagimi hakademi mono kayigimi dauwumi tajonga tangana ata katenguna. ³³ Walegu kabu atemana amaha kaka, waleka amaha rara, waleka iya hingkanage kalabe. ³⁴ Mi dauwu tada dauwuwe limagu rade hanukuwe hakabu ategu mono yida ka olega nauwa. ³⁵ Lari ta tangage, nauwagu hatingo bemi tabarani duka dahege kada ula wikkana katauna hada inne, yita da tull dahona ata kaloja mono ape hatakna mordai Yesus, nyi balina dage, "Rehina manada hoge bada yiyo wali bada hiba." ³⁶ Mono, kole nyi bana takwe tangage innage, nyi na takkodi kuddona mono Sembayang dangadi yida tangada. ³⁷ Lodoge, buta kahoyo ta jongada yida tangada mono yida da yapunage kokonai Paulus, loho da ngakhayi, ³⁸ Yida hadda marabehayi ateda, banningge oro hanewena nyi hatakna yida enga wale da takmanage matana lage.loho, yida da oleni Paulus ta tena.