Paulus ta Harona Efesus ¹ Hada inna na dadiwe.tamranai Apolos ba dani ta Korintus, Paulus na palakawe haduwu kahalolana mono kahha ta Efesus.nedo bali nadikkidi kapirana ana halole. ² Paulus linage tabarada yida, "Um hibba beyi miyo ngahu katenguna kole miyo bamu hatena bemi?"yida da balehawe, "walekma, loho nami wale kali rangekmayi nada Wadi katenguna." ³ Loho, Paulus linage, "Agadawe, tanamu, miyo baharihami?"Baleha dage yida, "Lari taharihai Yohanes." ⁴ Paulus linage, "Yohanes nahariha waige Jarra, hagapege takkdage ata tutu hatena tabarana wu ata ka ammina tabalina nyi, haluguna tabaranai Yesus." ⁵ Kole yida bada rangewe inna, yida harihayi lari tangaranai Mori Yesus. ⁶ Bege, Kolei Paulus bana keketayi limana ta panu katakkuda yida Waddi katenguna ammini ta panu katakkuda yidda, loho yidda halegewe lari ta tangnga ngara hanewe mono huru bale. ⁷ Yida tangada ba taukadi katutu kabulu duda kabani. ⁸ Nyiwe, Paulus tama ta Sinagoge mono nahanewe wina bani ate katauda wullana, hagapege bada hahepana pahangdda mono harehi lidadi yida tutu kalingora harehai Allah. ⁹ Tanyiduwe, kole kapirrana ata katuyo atena mono talarage hatenawe, hagapege takkiwe hada kajapata tutu lara nada ta aroi ata buta, Paulus na bijakadi yidda mono na lekoyi ana halolena kako, hagapege hahepana pahangadda nahiyi laddo ta hakola Tiranus. ¹⁰ Hada kataudana na hangattage kaduda dauwuna tanamu tangada ata ka engana ta Asia rangewe Linai Mori, ata Yahudi loho dumo ata Yunani. ¹¹ Allah na rayige buta harayina karehi wali kali damma lededi limmanai Paulus, ¹² Dajalage kaba hapi limma waleka kaba hopki mata ka kali jojanage kalitanai Paulus hangidi ta barada ata kalawara, tanamu kalawarada yidda bungayi mono wadi japata huna wali ta yidda. ¹³ Tabollo, kapirrana ka wugga kabalka Yahudi ka kako makilora da karahawe takkiwe Ngarai Mori Yesus ta ata ha tamana wadi japata hagapege ba lidda, "Nauwag hauragimi miyo wali tangarai Yesus hatalaranai Paulus!" ¹⁴ Kapittuna ana kabaninai Skewa, wu ata rato madaka Yahudi, karayige. ¹⁵ Tanyiduwe, wadi japata nada balehawe mono linage tabarada yida, Nauwag tadai Yesus mono nauwag tadawe tutui Paulus, tabolo iyami miyo?" ¹⁶ Loho, ata hatamana wadi japata nada talahoka ta aroda yidda, mono kawahadi yidda, loho habakkeyi yidda tangada dajalage yidda malaiyi wali ta umma inna tamra kalolu mono pota. ¹⁷ Hada inna da tada kahhawe ata Efesus, ata Yahudi, loho dumo ata Yunani.Mono, iydda tangngada ta tillu madautayi mono ngarai Mori Yesus kikihamanadawe. ¹⁸ Butayi wali ta jongada yidda kaha tenabe engada maiyo, hagapege mangakuni mono talarage tangngage harayida yidda. ¹⁹ Loho, buta wali ta yidda ka kali rayige wunnuyi oleda, kahhayi juratada yidda mono tunnuyi ta aro ata buta.mono yidda da yapudi jurratada rada koledi hi'di na dikiyi lima kabulu rata kajibi amaha kaka. ²⁰ Nyiwe, Linai Mori tummu hakitawe mono kalubudi. ²¹ Kole bewe tangngage hada inna, Paulus na kabu atege kako ta Yerusalem kole nyi palakawe Makedonia mono Akhaya, waige ba linna, "Kole ba daga neda bali, nauwa dumo enga dahoge bagu etawe Roma." ²² Mono, kole bana halewayi kadudana ata kahanukkuyi ta Makedonia, halinawe Timotius monoi Erastus, nyi dauwu engana kapirra mahiggona ta Asia. ²³ Ta mahiggo inna, neda bali na dadiwe makaura aika anana tuba lara nada. ²⁴ Oronage, da'ni ata kangaranai Demetrius, wu ata katukku amaha kaka, kaha dahha dauwu maraka amaha kaka Dewi Artemis, kayiyo hatutu dangage morha aika anana tubada tukang-tukangna. ²⁵ Tangada tukangna rada na kahhayi gauwudi pahaullana dokuge ha angtada mono linage, "Bagu ole baigmi, miyo um tadawe inna morha dahhada yita walige ta haullada inna. ²⁶ Loho, miyo um etawe mono um rangewe, wale ta Efesus kelma tabolo ta taupoge Asia, Paulus naha diddara beyi mono pahada beyi ata buta kabali waige bana takkiyi nadai Allah harayi wayi limana kadadi ata walei Allah mayi. ²⁷ Hada inne mayillawe, wale nyikelmawe haullada yida enga mono lari ta kahada li bawa, tabolo tauda jalage kuil Dewi Artemis kamanadana nada wale hilu yapu gauwu hokmani, mono nyi, ha kawojo ta Asia mono panu tana, enga bungage mandana." ²⁸ Kole yida bada rangewe hada inna, yida kiki kulha danga beni mono kawula-wula dage, "Madaka Artemis, dewi ata Efesus !" ²⁹ Loho, harona inna bannuge makawu mono yida gegera kaha dage ta uma manyanyi hagapege werakani Gayus mono Aristarkhus, ata Makedonia yida ole kako nadi Paulus. ³⁰ Tabolo, Kolei Paulus kabu atege kako tama ta jonga ata buta rada, ana halolena waleda pahai mani. ³¹ Loho, kapirana ata madaka Asia kaoleni nyi hangidige wuyo li hanawu tabarana mono hapira wudage rainoge tabarana tutu inna yi wikina ta uma hadawu manyanyi inna. ³² Nyiwe, wadeka dakaburu hawuna mono tauda jalanage wadeka, oro maublada rada dadi lari ta makaura mono wadeka yida waleda takmawe agawe kapege yida maiyi makaha. ³³ Wadeka wali ata kabuta rada da pohtawe Aleksander oro ata Yahudi da tulara beni ta aro mono kole Aleksander na yiyo tadka waidi limmana, nyi nakabu atege hagabba ta aro ata buta. ³⁴ Tabolo, kole yida bada tadawe nadai Aleksander ba ata Yahudiyi, batauge katutu duda jamge, yida tangada bada kabura waige wuhe lida, "Madakawe Artemis dewi ata Efesus!" ³⁵ Kole juru tolha bana hamadakadi ata buta rada, nyi linaage"Ta ata Efesus, iya yi ata aika tadayi inna harona Efesus nyi kajawayi hadaung dewi Artemis kama nadana mono kaburu wali ta Langta? ³⁶ Nyidawe, oro hada inna walena dadikmawe ba gabbage, miyo doku dage engada huni kadana mono wale rayidakmage kakapka. ³⁷ Oro, miyo um ngidi beyi rada ata tahadauwu inne aikarebo hadauwu waleka paddai dewi da yita. ³⁸ Oro batauda dage, nyi Demetrius mono tukang-tukang ka oleni waige ba dage hamaropo ate dangana tabara wu ata, Umma tijana mabugerawe mono dani Prokonsul haikadi yida kada hadikige pakaruhuda diha-diha. ³⁹ Tabolo, nyidawe miyo bana kabu atege wuyo hada nadeka, hada inna ba bewe lari ta makaha ata buta dokuge liyo ukku. ⁴⁰ Oro, yita ba dada lari ta mayila tutu bada karuhuda ledege kama kawura lado nehe oro lakma kappege aga hingkana kadadi bada pahirawe tutu hataboka kama kawura inne. ⁴¹ Kole nyi bana takkiwe hada inna, nyi na hewayi maubla ata rada.