Paulus Ta Harona Korintus ¹ Kole bataudage, Paulus tannage Atena mono kako ta Korintus. ² Mono, Paulus nagikini ata Yahudi kangaranai Akwila, ana suhui Pontus, abu amini wali ta Italia oleni ole ummana, Priskila, oroi Klaudius bana hareha beyi ata Yahudi tannage Roma. Paulus naenga jalana tabarada ³ mono ulladi haullada yida rayina mawo. ⁴ Mono,Paulus da hahepana pahangadda ta Sinagoge nahiyi lado ngahu mono daheradi tutu hatena ata Yahudi mono Yunani. ⁵ Tabolo,kolei Silas monoi Timotius maiyi wali ta Makedonia, Paulus palege nage nyiwe tauwuna kabanuna tutu takkiwe li'na, hagapege talarage waige kaha tetakana tabarada ata Yahudi nai Yesus banyiyo Kristus. ⁶ Tanyiduwe, kole yida bada gabbani mono tolani Paulus, nyi na kabahawe kalabena mono linage tabarada yida, "Ra'mi dage ta panu kataku dauwumi! Nauwa ug murahawa. Wali batauge kahha nimmila, nauwag kakowa tabarada kabihu wadeka." ⁷ Bege,nyi na tamage hadauwu neda mono kako ta ummana wuyo ata kangaranai Titus Yustus,wuyo ata aika Yahudina karajani Allah, loho ummana hagabala dangage Sinagoge. ⁸ Krispus, pa ama Sinagoge,dadiwe hatena lari ta'i Moro loho tangada ata kaengana ta ummana,mono buta ata Korintus bada kole harangeyi Paulus nahatena mono harihayi, ⁹ Lodoge, Mori na hanewe dangani Paulus ta diha wu gaddi lari ta huru balena, "Ilam madauta kawu, tabolo hakitana hanewe mono ilam kadanna kawu, ¹⁰ Oro nauwag olegu mono wale lakma wu ak ata ka rotiwu loho hamayillawu oro buta ana suhu-Gu ta harona inne." ¹¹ Nyiwe,Paulus na engana nedo bali diha dauwu anni Wulla, hagapege talarage Li'nai Allah tajongada yida. ¹² Tabolo, kole Galio nadadi Prokonsul Akhaya, Ata Yahudi hawuyi atena kadde gabbani Paulus mono ngidiyi ta kursi yi rakka, ¹³ Waige balidda, "Ata nade tamrana hakaboradi ata buta tutu kawojoni Allah kama gabba waige pareha Taurat." ¹⁴ Tanyiduwe, kolei Paulus ba hodimowe bugerage ba'na, Galio dahanewe tabarada ata Yahudi nada "Nyiwe inne ba wu dalkawe palayi dangada palata waleka kajapata katappa, ta ata Yahudi nauwag angta hoge baleha ta jongage kadadimi. ¹⁵ Tabolo, nyiwe inne ba wu dalkawe ha butu ate danga tutu hanewe, mono ngara, mono ukku daumi, orha dauwe. Nauwa waleg aumawa dadi Hakim wali tangage radda." ¹⁶ Lohho,Galio wuggayi yida wali ta koro matija. ¹⁷ Kole rada yida tangada yappayi Sostenes, pa ama sinagoge, mono paluyi ta aro koro matija. Tanyiduwe, Galio wale na hatarakmadi hada rada. ¹⁸ Kole innage, Paulus engana kapirra lado walna, lodoge da hanauwuyi ole baida tahatena mono panne ta tena ta Siria, oledi Priskila monoi Akwila. Ta Kengkrea, Paulus na kikra bewe wu'na oroge nyi narayige jajina. ¹⁹ Bege, yida da dajala ta Efesus monoi Paulus na bijakadi Priskila moni Akwila nedo bali, tabolo nyi wiki dauwu tama ta Singoge mono da pasepana hanewe dangadi ata Yahudi. ²⁰ Kole yida karaiyiyi Paulus tutu mojana engana,Paulus walena ngokmage, ²¹ tabolo hanuwunadi yida mono linage,"Nauwa hagga dahowala ta barami i Allah bana kabu atekage," mono,nyi na pannena tena wali ta Efesus. ²² Kole bana burru ta Kaisarea, nyi na panne mono na yiyo maringna ta barada ata hatena, lodoge kakoknage ta Antiokhia. ²³ Mono, kole bana bewe kapirana mahigo nedo bali, nyiyo na bijakage hadauwu neda mono na kako tahadauwu wuyo kahha ta hadauwu wadeka ta kalingora Galatia mono Frigia, hagapege hakulhayi tangada ana halolena. ²⁴ Hadakka rahi, da'ni ata Yahudi kangaranai Apolos, ana suhui Aleksandria, maiyi ta Efesus. Nyi wu ata kahakola mono tada lari ta Jurata Bihha. ²⁵ Ata nade paha nuwa beyi tutu Laranai Mori mono na hayarta lari ta ngahu. Nyi na hanewe mono hanuwana kanujji rewa hadanai Yesus, tabollo nyi hatadana tutu harihanai Yohanes. ²⁶ Nyi na kapuge hanewe waige bani ate lari ta Sinagoge, tabollo kolei Priskila monoi Akwila rangewe, yida da tingiyi ta tidi mono da halaranage tabarana Larai Allah karehi tuba. ²⁷ Mono, Kolei Apolos baige pala ta Akhaya, olebaida ta hatena naha didarayi mono tulhayi ta ana halolena dajalage kada maiyi tabokayi bana maiyo, kole nyi bna dajala, nyi na butayi ata hatulluna yida waige manawara kole bada hatena, ²⁸ Oro nyi waige kawatona na gabbadai ata Yahudi ta aro ata buta,hagapege hatingoge wali ta Jurata Bihha nadai Kristus ba nyiknai Yesus.