Paulus monoi Silas ta harona Tesalonika ¹ Hadaka rahi, kole Paulus monooi Silas bada haipawe Amfipolis mono Apolonia, yida da diki ta Tesalonikka, neda dage wuyo Sinagoge ata Yahudi. ² LOho, dokuge kadamma Paulus nyi natama tajongada yida, mono kataudana lado rahi ngahu hanewe dangadi yida wali tajurata biha. ³ Hagapege halarawe mono hadedalage nai Kristus bana mayila mono kade wali ta jonga ata mate, waige balinna."Yesus nade, hatamrag talarag tabarami, Nyiknai Kristus." ⁴ Lodoge, wahokadi wali ta yida dahatena mono hakaha wikna tas Paulus monoi Silas, oledi waidi katauna butana ata Yunani kamadautani Allah mono wale hodik jalakma Lawai pahaaka kahadoku. ⁵ Tabolo, ata Yahudi da kawiyo atege mono dalekoyi kapirana ata japata kakako mamaiyi tahadauwu jabara, yida da kaha ata buta mono darayige makabora taharona, loho da dukage umai Yason hagapege mayegani Paulus monoi Silas tutu kangidiyi yida huna wali ta ata buta ⁶ Kole yida aida tabokayi Paulus monoi Silas yida da yoriyi Yason mono kapirana ata hatena ta aro paama taharona, waige bada kawula"Ata rade, kahakabora bege panu tana, ammi walidi tahadauwu inne. ⁷ Mono, Yason na hibbayi yida, mono yida tangada baige gabbage uku pareha Kaisar waige bada takiwe dani Raja heka, halinawei Yesus." ⁸ Ata buta mono paama ta harona karingaka dangage kolle bada rangewe inna. ⁹ Mono, kole yida bada hibawe kama manne wali tai Yason mono rada wadeka, ata rade da pahalayi. ¹⁰ OLe bai ta hatena da be halewayi Paulus monoi Silas, gadi mema neda, ta Berea, mono kole yida bada diki yida da kako ta Sinagoge ata Yahudi. ¹¹ Ata Yahudi neda bali narehi dahayi ateda wali ta ata Tesalonika oro yida hibawe Linai Mori waige ateda kahayarta, hagapege bada hatamage jurata biha diha lado-diha lado tutu katada takawe hada inna ba tautakage bana tenawe. ¹² Oro batauda dage buta wali ta yida kadadi hatena, yapu gauwudi Lawai mono kabani Yunani pa haakka loho butada wale hok kelma. ¹³ Tanyiduwe, kole ata Yahudi ta Tesalonika tadawe inna linai Allah dumo da talarage Paulus ta Berea, yida dumo amidi ta Berea tutu hada mahegara mono kada karingaka ata buta. ¹⁴ Loho, waige kageha, ole bai ta hatena halewai Paulus kako ta hupu banu, tabolo Silas monoi Timotius enga dauda taha dauwu neda. ¹⁵ Ata kaoleni Paulus kaha ta Atena, mono kole hibawe wuyo li hanuwu wali tai Paulus tutui Silas monoi Timotius ka piku geha maida tabarana, yida dumo da kako. ¹⁶ Tamranai Paulus bana remadi yida ta Atena, dewana mera mayila hingnage ta tauna oro nyi etawe harona inna banuge hala katauwu. ¹⁷ Oro batauda dage, nyi dahanonekana hatakki ta Sinagoge oleda ata Yahudi mono ata wali ta kabihu wadeka kamadautani Allah, loho tahadawu ata buta nahiyi lado, oledi ata ka dana tahadawu nedo. ¹⁸ Kapirrana Ahli pahangada wali ta kalibo Epikuros mono Stoa dumo hanewe danga jalani.Mono, kapirakina hanewe, "Agawe hakabu atena takki ata kabohka nade?"rada wadeka hanewe"Tujadawe, nyi nade wuyo ata takkiyi dewa ata li palaka, "oro nyi talarani Yesus mono kadena. ¹⁹ Loho yida dulkayi mono da ngidiyi ta Areopagus, "hagapege bada hanewe dadi kakwe nami bama rangewe hanuwa beru agawe yauwu hatalaramu inna? ²⁰ Oro yauwu bamu ngidiyi kapirana hada pahangatara dangadi katiluma nami.Nami ma kabu atege tadawe agawe hada rada!" ²¹ ( Neda mema, tangana ata Atena mono ata li palaka kaengana taha dawu neda da dama beyo mahigoda yida waige ai dayo haraiada dokuge takiwe waleka rangewe kaberu.) ²² Nyiwe, Paulus nadede ta tilu Areopagus mono linage, "Ta ata Atena, nauwa bagu hamataragimi lari tangage kamahada miyo hada hamadi mige. ²³ Oro, kole nauwa tamragu kilorage mono hamataradi hala katauwu paka wojomi, nauwa ug dikige wu natara waige kamatolha inna, 'TABARAI ALLAH AI HATADA.'orogr inna ge, agayi ha kawojomi ai hatadami, nyikna hatakima tabarami. ²⁴ Allah kahadadige panu tana mono tangage kadana lari, oro Nyi nyikna Mori Langata mono tana, walna engakmana larai tahaduwu halakatauwu harayi waiyi limma kadadi ata, ²⁵ Wale hanuku jalakmayi Nyi lededi limana kadadi ata, mera Nyi nakabu atena wuaki oro Nyi dauwu na yini langka iya hingkayi kamorha, mono ngahu, mono tangadumoge. ²⁶ Mono Nyi nahadadi di, wali wu ata tangana kabihu kadadi ata tutu engana ta panu tana inne, kole bana hanukuwe rahi ura mono martana mono duka-dukage hadauwu morhada yida, ²⁷ Dajalage yida kada mayegani Allah, mono ragga dadikage yida dadiwe bada jojayi mono tabokayi lokoNyi aina marauna wali tayita diha-diha. ²⁸ Oro, nedo lari ta Nyiyo, yita morha, kagoyaka, mono da'ni.katauda dumona daika wiki dauwumi kahanewe, 'oro yita ine dumo yitakna ana Suhu-Na. ²⁹ Nyidawe, oro yita ana suhui Allah, yita doku dage waleda hangada dakmage tutu hada hadanai Allahnada katujaiyi amaha rara, ai waleka amaha kaka, ai waleka watu, wu hada pahadadi wali angta mono pahangada ata. ³⁰ Oro innage, kole batamadi rahi kabanga, bataugei Allah natakiwe tangana ata langka gini tanamu kana jarra, ³¹ Oro Nyi na hainyaka beyi wu laddo kole Nyi bana yidi rakkage panu tana lari ta tijana ledeni wuyo ata pahainyaka bena, kole Nyi yidi tada tabara tangana ata waige bana kade ata nada wali ta jonga ata mate." ³² Mono, kole yida rangewe tutu kade wali ta jonga ata mate, kapirana ata halege dage terekayi tabolo wadeka lidage, "Nami kamakolege range wali wu tutuge inna." ³³ Nyiwe, Paulus kako wali ta tiluda yida. ³⁴ Tanyiduwe, kapirana ata hawuyo ole dangani mono dadiwe hatena, tajongada dajalani Dionsius, ole Areopagus, mono wuyo lawaiyi kangaranai Damaris, loho ka[irana ata wadeka ka oledi yida.