MAKAHA TA YERUSALEM ¹ Bege, kapirana ata burru walita Yudea mono hanuadi ole baida tahatena, "Nyi mi aim kabunyika dokuge kama hada tai Musa, mi wale na dadik mawe pahoilami." ² Lodoge, kole bana dadiwe pasepa halana mono hagabana aika anana i paulus mono Barnabas oled ata rada, yida da pohtawe i Paulisa monoi Barnabas, loho kapirana ata wadeka wali ta yida, da kako dahho ta Yesrusalem hatabo dangadi tangada rasul mono tangada bai ata ledege kadadi inna. ³ Nyiwe, kole bada lo tauyi ta lara tangadana ata hatena, yida dapalarawe ta fenesia mono samaria hagapege bada takkiwe kahira tutu jarrada kabihu ata wadeka, mono tangage inna nangidewe ege ate madaka tuba tanganda ole baida tahate. ⁴ Kole, nyida bada dikki ta yerusalem, nyida da tabokaiyi tangada ata hatena, tangada lede lina mono tangada bai ata, loho yida datakkiwe tangage parayi benai Allah lededi yida. ⁵ Ta yiduwe, kapira ata wali tajonga farisi kahatenabe dede mono lidage, "kabaningge tutu kabunyi yida mono tutu harehayi yida kada dokedi uku parehai musa!" ⁶ tangada lede lina mono bai ata daha tabokahana hanewe ge tutu ge kadadi inna. ⁷ Kole bana kakowe pahibata hanewe kamidiyo neda bali, Petrus nadede mono linage tabrada yida, "Bagu ole baigimi, mi um tadawe inna ulu hoge Allah narayi bege pedena ta jongam mi inna ledege bagu, kabihu ata wadeka kada rangewe li ege ate inna mono kada hatena. ⁸ Mono, Allah, katada ate ata, na hadelaka bege tabrada yida waige bana yiyi Wadi biha tabarada yida, katujabe harayi beNa tabarada yitta, ⁹ mono Nyi walena hawatek mana yitta mono yidda, kole Nyi hamurahadi ateda yida lede hatena. ¹⁰ Nyi batauge, aha mi kabani Allah waige ijalai koga koko ka bikta takokoda tangada anaha kodo, kadaha wali ta weda waikada yitta loho dumo yitta, walda kal mukak mage taguge? ¹¹ Ta nyiduwe, yita hatenawe inna yita ba pahoilada ledege kanyuru tai Mori Yesue, katuja jalawe yida." ¹² Bege, tangada ata kama ubla rada da kadana mono yida da rangeyi Barnabas monoi Paulus, tamrada kadudana rasul rada bada halarawe tangage tada mono tadka harayi benai Allah lededi yida tajonga kabihu ata wadeka. ¹³ Kole yida bada ngahu hanewe, Yakobus na balehawe, " bagu ole bai gimi, kam rangewa nauwa. ¹⁴ Simon naha lara bewe aga lina dawei Allah wali puge bana hamataradi kabihu ata wadeka, kapiku ngalayi wali ta jonga kabihu ata pa ana huhuna tuba ngaraNa. ¹⁵ Hanewe tangada Nabi da baige hada inna, katauna kama tolha, ¹⁶ 'Be innage, Nauwa enga haggag.mono enga hakade hagaguge Hadaunai Daud kata bohtabe.Nauwa enga hakade hagaguge kanyabbuge, mono Nauwa enga haberu hagaguge, ¹⁷ dajalage kadadi ata kadahona dadiwe mayegani Mori, mono tanhgana kabihu ata wadeka ha maika lede ngaraGu, karayidi tangad rade, ' linai Allah, kayaidi tangadi rade, Amos 9:11-12 ¹⁸ ug tada bewe wali puge. Yesaya 45:21 ¹⁹ Nyiwe, nauwa paha ngadagu inna yita doku dage walna kapitok mage ta ata wali taka bihu wadeka kabali be tai Allah. ²⁰ Tabolo, yita doku dage da tolha dahowe tabarada yida dajalage yida kada hamarau wikna wala ta hada ka otora oroda habara, mono wali tajala halo wikna, loho wali ha kippu ri kokona mono wali tarayo. ²¹ Oro, wali dalara ka ulluho, Musa na daubedi, nahiyi harona, ata katalarage oro ba habahawe ta sinagoge-sinagoge nahiyi lado ngahu." ²² loho, ba eyawe na dahawe tangada rasul, mono bai ata, mono tangada ata kaha tena, pedena ata wali tajongada yida kapiku halewayi ta Antokhia oledi Paulus monoi Barnabas, lohoi Silas, tangada kakododi tajonga kaha ole baina taha tena, ²³ mono yida tolhawe jurata waidi limada yida, tauda dage: "Wali ta rasul-rasul mono bai ata , ole bai taha tenam, ta bara tangada angu wu taha tena aika Yahudina ta Antokhia, mono Siria, mono Kilikia, Maringna! ²⁴ Oro nami ma range bewe tutu kapirana ata wali tajongama, loho aiha yima wuhareha, bada regami waige haneweda yida kahira bemidi urrami, ²⁵ hada inna ba etawe dahawe tubama nami, kole bama ngoge, tutu pedena ata mono halewayi yida tabaramu oledi ole baima nami hama naewarama, Barnabas monoi Paulus, ²⁶ ka yibewe morhada yida tutu ngaranai Morda yida Yesus Kristus. ²⁷ Nyi batauda ge inna, nami mahalewayi Yudas monoi Silas, mo yida wiki dau enga taki dage hada kaha tuja waige hanewe. ²⁸ Oro, hada daha dahowe tuba Ngahu Katenguna mono tubama nami tutu birakadi kabikta tabaramu aika rehi bikta wali tabara hakabu atem inna, ²⁹ inna mi kaha marau wikina agawe hamaraka bemu ta bara marapu, mono wali ta rayo, mono wali ta agayi kamate hakipu ri kokona, mono weali jala lona olemu. Nyi mi karawawe tau dau wali ta hada inna, mi um rayige kadaha.Dik wal kana lage." ³⁰ Kole yida bada hanau, yida da burru ta Antiokhia, mono kole bada kahayi ata hatena, yida da yiwe jurata inna. ³¹ Kole ata hatena bada bahawe, yida da lagahara oro agu ate inna. ³² Yudas monoi Silas, yida wiki dau nabi, hadidarayi mono hakulahayi ole baida tahatena waige buta hanewe. ³³ Mono, kole yida engana neda bali kapirana mahigo, ata hatena rada pahalayi yida haga waina moli tabara ata kaha lewayi yida. ³⁴ [Ta nyiduwe, na etawe dahawei Silas tutu enga hangatana neda bali.] ³⁵ Tabolo, Paulus monoi Barnabas engana ta Antiokhia, hagapege hanuana mono talarage linai Mori oledi rada ata buta wadeka dumo. ³⁶ Kole ba pira ladoge, Paulus linage tabarai Barnabas, "Maida yitage kada hagga mono dikidi ole baida taha tena nahi harona, yita hadau talarade linai Mori kada etayi aga lina dawe hadada yida." ³⁷ Barnabas na kabu atege kamaika dumoni Yohanes ha maikanai Markus. ³⁸ Ta nyiduwe, Paulus naha ngadage wale nyi dak mahowe kamaikana ata katana bedi yida ta Pamfilia mono aika marangadi kako oledi yida ta haulla inna. ³⁹ Nyiwe, na dadiwe hepa pahalana kama nunuha dajalage yida da pahewa diha-diha.Barnabas kako oleni Markus mono da panena tena ta kalingora Siprus, ⁴⁰ taboloi Paulus pedeyi Silas mono kako, kole bada yiyi ole bai taha tena ne lari maringnai Mori. ⁴¹ Mono, nyi palakawe Siria mono kilikia hagapege hadidarayi ata hatena.