Mengenali Roh yang Berasal dari Allah ¹ Bagu angwugimi hamanawaragu, illa alpuhatena mu di tangadi wadi tabolo nyura toti rada wadi kamu tada takayi bayiddana kawalitai Allah oroge butai Nabi kapaleka kadabena ta panu tana. ² Tauda dage miyo kamu tadai waddi wali Tai Allah: Tangadi waddi kama ngaku nai Yesus Kristus inna maibe lar tahada kadadi ata nyiwo kawa ci tai Allah. ³ Tangadi wadi yika mangakuni Yesus, Walna walikma tai Allah. Nyidda nada waddi aika baini Kristus, Harengebemi ka amna monno bajauge dabeni panutana. ⁴ Anagu, Miyo walim tai Allah monno habakkebiyi nabi-nabi paleka rada oroge nyiyo dani tataumi Rehina madaka wali nyiyo ka dana tapanu tana. ⁵ Nabi-nabi paleka rada walida tapanu tana. Oroge innage, yidda dahanewe wali tapanu tana mono panutana darangeyi yidda. ⁶ Yitta walida tai Allah. Ata katadabeyi Allah karangeda yitta, tabolo ata aila wali tai Allah waleda rangekbana yitta. Waige innage, yitta datadai wadi katena mono wadi kaha jalora. Marilah Kita Saling Mengasihi ⁷ Bagu angwugimi hama nawaragu, maida yitta kada hamanawara wikna oroge manawara kawali tai Allah. mono tangana ata kamangu manawara dadi nage wali tai Allah mono Natadai Allah. ⁸ Ata aika mangu manawarai walena tadakmayi Allah oroge Allah kabanunani manawara. ⁹ Tauda dage inna manawarai Allah baha dedalage ta jonga dalarada yitta. Allah nahalewai ana nahana inne tapana tana dajalage kada morha ledeni nyiyo. ¹⁰ Tabara hena lah manawara inna; wali yitta dakma kama manawarani Allah, Tabolo Allah kamanawarada yitta monno mana halewa dani anana bamaraka hamoliyi tubadi doku jalada yitta. ¹¹ Anguwu hamanawaragu, nyi Allah bataudahingge manawarada yitta, taudajala nage yitta daha manawara wik hona. ¹² lahing mahona ata ka etai Allah. Nyi yitta bada hamanawara wikna. Allah engana tabanada mono manawarana inna wabange tabarada yitta. ¹³ Waige kataudana inne ge yita batadawe yitta bada engana tabarawai Allah monno Allah tabarada yitta oroge Allah bana nyik bedani tabarada yitta wali ngahuna. ¹⁴ Monno, Nami ma etabeyi mono hatada daumage nyi Ama bana halewai Ana-Na banyiyo Hada Hoila panu tana ¹⁵ Tangana ata kamaku nai Yesus Anai Allah nyi, Allah engana tabarana nyiyo mono nyiyo engana tabara Allah. ¹⁶ Nyidawe, yitta datada bewe monno dahatenabewe inna manawara badauwage Allah tubada yitta. Allah nyi kamanawara, monno ata kaengana ta manawara, engana tabarai Allah mono Allah tabarana nyiyo. ¹⁷ Ledegeinne, manawara nabange waige yitta dajalage yitta kana dadiwe bada dauge hatewa wali tatauda dikki ge lado nyini rakana ata oroge katauna nyiyo, tauda jalanagi yitta tapanu tana. ¹⁸ Lakmage madauta tillu mana wara, tabola manawara kabanna nawungage madauta oroge madauta naduwu dangage li hokna. Ata kama madauta, wale naban dahok mage manawara tabarana. ¹⁹ Yitta manawara oro nyiyo ulluhakna manawara da yitta. ²⁰ Nyi badaka ata kaha newe, nauwa mawawarani Allah; Tabolo buttun ate olebaina, Ata nada kama tipu. Oroge, Ata aika dadi manawarani angu wuna haetena, walena dadik mawe manawarani Allah aiha etana. ²¹ Monno, Pareha inne yitta dahibawe wali tai Allah: Tangana Ata kama nawarani Allah, enga dahoge bana manawarani angu wuna.