¹ Tangana ata kahatena nadai Yesus Nyi Kristus dadi wali tai Aallah, Nonno tangana ata kamanawarani Ama, tauja lage manawarani ana kadadi wali tai ama. ² Waige inne yitta datada bewe bada manawaradi Ananai Allah, Bakolle Yitta Manawarani Allah Monno dakudi ukparehana. ³ Oroge inne nyiwe manawarai Allah, nyi yitta bada dokukadi uk parehaNa, Monno uk parehaNa wali biktamayi. ⁴ Oroge, agahingkai kadadi wali tai Allah habakkewe panutana, inne nyiwe tailo kaha bakkebewe panu tana; hatenada yitta. ⁵ Iya dudikahabakebe we panu tana ai nyika kaha tenai nai Yesus Nyikna ananai Allah. Hidup Kekal Ada dalam Yesus ⁶ Nyiknala kamai waina weyo mono Rayo: Yesus Kristus wale Duka kelukmage weyo, tabolo waina weyo mono rayo. Wadna Nyiyo kapadeladage oroge waddi nyin katengna. ⁷ Oroge, dadi tauda hada kapadelage ta Surga: ⁸ Waddi, weyo, mono Rayo; Mono kataudana rada weati. ⁹ Nyiwe yitta bada hibawe patallara kadadi ata, patakki Allah rehina kulhawe. Oroge, patakki hanyinai Allah patakki tubana Ana-Na. ¹⁰ Ata kahatena tabara Anai Allah padelaka patau takana lar tatauna. Ata aika hatena tabarai Aallah nyi kapahadayi Nyiyo ata kama tipu oroge ata nada walena hatenakmawe hatakki Allah bana yiwe tubana Ana-Na. ¹¹ Mono, inne paha delaka inna: Allah na yibewe tabarada yitta Morha aika dukka, monno Morha inna dage tabara anana. ¹² Tangana ata kadauni anana daunage Morha; Tangana ata aika dauni anai Allahwale nadaumage Morha. ¹³ Nauwa gu tolhamige tangage inna tabarami miyo kahatena tabarana Ana Allah dajalage miyo kamu tadawe monno miyo kamu dauge Morha aika dukka. ¹⁴ Monno, inne nyiwe hatena hadau danga dage ta orona Nyiyo, nyi baaga hingkawe haraida duku ge ha kabu atena, nyiyo narange dage yitta. ¹⁵ Nyiwe titta tadawe nyi narange dage yitta, aga hingkawe yitta haraida, yitta tadawe inna yitta dadaubege maraino habebeda yitta karaiwali tabarana. ¹⁶ Nyi badaka ata kaeta yi angwuna raina Jala aika harodani tamate, dahawege ata nada kana karaiwe, monno Allah enga yidani Morha tabarana ata karayina, jala aika kaarohani jamate Inna. Tabolo, dage wuyo jala kaarodada tamate; Nauwa walegutakki mamigge tabolo ka engage bana kanukawe tubage jala inna. ¹⁷ Tangage aika tena nyiduwe jala. Tabolo dage jala aika paarodana ta mate. ¹⁸ Yitta datadawe tangawa ata kadadi wali tai Allah Walena rayikmana jala, tabolo nyiyo kadadi wali tai Allah naha mawoni mono kajapata walena jojakmai. ¹⁹ Yitta tadawe yita bawalida tai Allah, mono tangane panu yana dage takabu kaha rehana ka japata. ²⁰ Monno yitto datadawe Anai Allah na maibe monno na yibedage paha ngada tabarada yitta dajalage yitta kanadaweta dai nyiyo katena; Monno Yitta dada tabarana nyiyo katena, car ta anana, Yesus Kristus. Nyiknai Allah katena monno Morha aika dukana. ²¹ Anagu, hamarauge taumu wali hada bara marapu.