¹ Hamataragila hadda madakawe manawara wali tai Ama hanyinagimi tabara yitta mana dadi we yitta bahangarada Ananai Allah, oro bataudage, panutana walena tadakmada Yitta oroge panutana aina tadai nyiyo. ² Bagu angwugii hama nawaragu, batauge yitta anadai Allah, tabolo baaga linadawe yitta hadada nimi walena dedogma howe. Nyiduwe, yitta datadawe banyioamkan nimi, yitta enga datujai nyi oroge yitta bada etaduyi nyi lartahadana katau takkana. ³ tangana ata kaengage mamannewa tai Kristus, nyiyo na mura hage tauna, tauwa Kristus bana muraha. ⁴ Tauna ata banarayige jala nyiyo layi jalanage ukpareha oro jala hige layi dadi liukpareha. ⁵ Miyo tadawe nai Kristus baha dedalani rikku mahopini jala, manno tabara na nyiyo lakma jala. ⁶ Tangana ata kaengana tabara na Nyiyo walenarayik mana jala. lahingma wuak ata kajala ka etabeyi waleka katadai Nyiyo. ⁷ Bagu anagimi, illana pahaikan langka wuak ata pajalorami miyo. Ata karayige katena yikna ata katena, katujanai Kristus banatena. ⁸ Ata karayina jala kawalidayi tai kabalka oroge kabalka najala be wali ulge. Ananai Allah namai nyiwe gauge: hamukkage tangage harayinai kabalka. ⁹ Walemlahingmana ata kadadi wali tai Allah karayina jala oroge Winni Allah engage tatauna; mono nyi walena dadikmawe rayina jala bana dadika wali tai Allah. ¹⁰ Nyi batauge, Ina duyi Ananai Allah moo iyas jalai ananai Kabalka kiki dedonage. Ata aika rayige katena walna waldakma tai Allah, Tauda jalandi ata aika manawa radi ole bai na. ¹¹ Oroge, nyiwe inne liyo habeharangem wali ulge, yitta kada hamanawara-nawara wikna. ¹² Illam tujai Kain, kawalida taka japata monno kaha matei alna. Monno, aha mana hamatei alin? Oroge, harayinai kain japatawe mono harayina alna tenawe. ¹³ Bagu angu wugimi, illam kadadakami banyi butkanagimi ate panu tana. ¹⁴ Yitta datada daubewe badda hubena wali tamate aro ta morha oroge yitta manawaradi ole baida. Ata kama nawaradi engana tatillu mate. ¹⁵ Tangana Ata kabutuni ate olebaina nyikna ata kaha mate ole atana, monno miyo umtadawe wale lakma ata kaha mate ole atana kadauwuge morha aika dukana lar tatauna. ¹⁶ Tauda dage yitta bada tadawe manawara: Yesus Kristus na Yibewe morhana tubada yitta. Nyi dawe, Yitta enga dahobe bada yiwe morhada tangada ole baida yitta. ¹⁷ Tanyiduwe, banyidaka kamangu ngawu panu tana, monno bana etai ole baina tamrana kabu atege kadaki balina, tabolo na taniwi atena tabara olebaina nada, aga lina kawe mana warai Allah dage lar ta atena? ¹⁸ bagu anamigi maida yitta kadage manawara illa hanewe kelkane walika lammada, tabolo waige haraida mono katena. ¹⁹ Waige innage, yitta engatada dage ba walda wali katengna monno yitta kada hadidari ateda taarai Allah. ²⁰ Oro inna ateda yitta bana ha jalada yitta, Allah rehina madakkahona wali ta ateda yitta mono nyiyo natadawe tangage. ²¹ bagu angu wugimi hamanawaragu, inna ateda yitta aina hajalakda yitta, yitta dahatenawe tauda ta aroi Allah. ²² Agaka hingkawe haraida, yitta dahibawe wal tai Allah. oroge yitta bada dokuge tangage paharehana mono pahadawe agawe kayanana tabarana. ²³ Monno, inne nyikwe ukparehai Allah, dajalage yitta hatena we lar tangara Anana, Yesus Kristus, monno yitta bada hamawara wikna tauna paha rehabena tabarada yitta. ²⁴ Ata kadokudi liyo ukparehai Allah engana ta Nyiyo, monno Allah enga jalana lar tabarana waige innege yitta datadawe wadai Allah engana tatauda yitta, waini ngahu wali tai Allah hayibenada tabarada yitta.