¹ Bagu Anagimi, gu tolhagimige tanga ge inne tasarami illam rayina jala, Nyi, badaka karayani jala, Yitta dani perada taaronai Ama, wale inyak mai Yesus Kristus, Kahada Tena. ² Nyidalai maraka oli tubadi jalada yitta. monno, wali yida kelma jalada yitta, tabolo taudajala ge tutge jala tangage tapanu tana. ³ Nyidawe ge yitta datawe oroge yitta bada tadai Allah, Nyi yitta bada doku kadi tangadi li ukku parehana. ⁴ Ata lina dage bana hanewe, "Nauwag tadai Allah," Tabolo wage dukuk madi li ukprehana, nyikna nada ata kapaleka mono katengna lakmage lar tanyiyo. ⁵ Tanyiduwe inyayi kadokuge lina, manawarai Allah banu tetak nage lar tatauna. Tauda jalanage Yitta datadawe balarda Tanyiyo. ⁶ Ata katakwe nauwa lar ug engna tai Allah, Nyiyo na morha hameradanga honi Yesus kamorha. Mengasihi Sesama dan Melakukan Keinginan Allah ⁷ Angu wo gimi hamanawaragu, Nauwa walegu tolhakmagimi pareha beru tabarami, tabolo pareha mamai duyi hadaubemi miyo wali kapuge. Pareha mema halegna wale agak mawe lina harange bemi wali kapuge. ⁸ Tanyiduwe, Nauwa dumo tamra tolhaguge pareha beru tubamu, katena lar ta Nyiyo mono lar tamiyo oroge kapagtana talira bewe mono magakaha katena rewo nage batauge. ⁹ Ata kalinada banaha newe nauwa daga lartamakaha, tanyiduwe butuni ate olebaina, nyadane nyige enga hona larta pagtana kaha inna batauge. ¹⁰ Ata kamanawarani ole baina engana til magakaha mono wale lahing makki langka wuka karayi nage ha wida dangana. ¹¹ Tabolo nyi kabutuni Ate ole baina dani lar tapangtana mono na kako lar tapagtana. Nyiyo walenatadak mawe bagiyo daukakona oroge kapagta bana hamoro beknao matana. ¹² Nauwag tol hamige tabaramu, talakawa, oroge jalami bebe hawalgimidi waige ngara-Na. ¹³ Nauwa tol hamige tabarami, ta haama-haama oroge miyo bamu tada bedui nyiyo walipuge. Nauwag tolhamige tabarami, taata bodi oroge miyo bamu habakebewe kajapata. Nauwag tol hamige tabarami, ta lakawa oroge miyo bamu tada beduyi Ama. ¹⁴ Nauwag tolha bemige, tabaramu. Ta haama-haama, oroge miyo bamu tada beduyi nyiyo wali kapuge. Wau wag tol hamige tabarami, taata bodi orogemiyo bamu kulha, monno liwai Allah engage lar tamiyo Monno Miyo habakke beyi kajapata. ¹⁵ Illam baidage inne panutana waleka tanga ge kadana tar panutana. Nyi nada wuata bana baikage panu tana, manawarai Ama walekmage lar tanyiyo. ¹⁶ Oroge Tangage kadana lar tapanutana, duka dahege kamakge kanada, kamakdidi mata, mono baibo morha aika wali tai Ama, tabolo wali tabanu tana. ¹⁷ Panu tana inne tamrage babora hamera dangage kamakge, tabolo ata karayige hakagu atei Allah enga morhana kaha ana muri-ana muri. Jangan Mengikuti Anti-Kristus ¹⁸ Bagu Anagimi, batauge innage rahi hadukana ge, mono nahamerage habebe maharange tutge aika baini Kristus enga anudi, loho inna batauge buta aika bani Kristus Kambena. Taudajala nage yitta tadawe inna batauge aga innawe rahi bana hadukka we. ¹⁹ Yidda damai tajonga dalarada yitta, tabolo yidda tabolo wale olek madadi yitta. oroge, yida ba ole dada walita yitta, Yidda enga nyiwe bada hamera dangada Yitta. Tabolo, yidda da tanada yitta hupata dedoge yidda ai ole dadi yitta. ²⁰ Tanyiduwe, Miyo imum kolebege padi dara wali katengna, mono miyo umtada kaha bewe. ²¹ Nauwang tolhamige tabarami wale oro aitada dakmige katena, tabolo oroge miyo bamu tadawe mono oro aidage kawohoka kawali katena. ²² Iyaduige ata kapaleka nada di nyika kaballun Yesus sang Kristus? Nyikna aikabaini Kristus, Ata kaballuni Ama mono ana. ²³ Ia dahingu kai kaballini ana ana walena daumani ama. Tabolo, tangana ata kamangakuni ana, nyiyo nadauni ama. ²⁴ Pahaige Inna Harange bemi wali kawungage kana engage tabaramu. Nyiba agabe inna harangem Wali ulluge bana engage tabaramu, mi jala umengana lar tai ana mono ama. ²⁵ Monno inne nyi pajajina hayina tabarada yidda, wale agak mawe morha aika dukana. ²⁶ Tangage inna hatol hagu tabaramu, nahakaitoge tabarada yida karuhwe hajalorami miyo. ²⁷ Tanyiduwe, padidara nahiba bemige wali tanyiyo engage tabaramu, mono miyo walim baidakma ge ata wadeka bana hanua gimi. Tabolo, oro hadidara nagimi, Nyi kaha nuagimi wali tangage inna nedo nyida howe katena, walna palekmawe. Tauna bana hanua begim miyo, kapikku engam tabarana nyiyo. ²⁸ Bauge, bagu ana gimi, enagana tabarana nyiyo dajalage bana hatingo wikkana nimi, yitta kadage hatena tatauge mono wale damakkekmata arona nyiyo dikkige rahige bana mai. ²⁹ Nyidawe miyo bamu tadakwe banyiyo katena, miyo umtadaja lawe tangana ata karayi ge katena dadi nage wali tanyiyo.