Anna Nahha Nadded Dongngo Olled he Musa monnoy Elia ¹ Nommo loddo la arro, Anna Nahha namma rongngan ney Petrus, Yakobus, molkay Yohanes angwunna Yakobus, madda ngoddiy he iyyo ponne la lette mad detta iwwa hengngo. ² Ma mokka, Anna Nahha haj jelngo hadda nella ar rodda. Ar Ronna maggag kahha kah hengngo matta loddo monno Kalleb Benna naddad kakka kabbil lakkad. ³ Ma it tekya, hudda dad nella bar radda Musa moy Elia, han newwe dongnga danna Anna Nahha. ⁴ Hat toknay Petrus lab barra Anna Nahha, "Mori, nad dohhak it tangngo nebba nedda he henna, yag hakkod dewwa tol bu rabbo he henna, nahha wu Tutmun, hawwu dagguy Musa, monna hawwu dagguy Elia." ⁵ Mabba tongro honnay Petrus han newwe, wu kar robba maggak kahha kap panynyid ma it tekya, nen nalli wal nod dallo lakka kar robba kaw wenne nan, "Ikka Yinna Annag Hamma Naw Warrag, Labbar Ranna Ip Pahha Ten Nag. Kattang Ngakya In Nangngo." ⁶ Mab badda rongngo yakka he anna hak koddo hal lolle, he iyyo dakka huglo kat tabba duk nang ngorra lat tanna modda kabboh mayyik tongngo. ⁷ Tab bollo, Anna Nahha nemmen ma monna jojjay he iyyo, hat tokna,"Kod dewka monno abbum kab bohkaw." ⁸ Mahhe iyyo badda kekke tay he mat tadda, he iyyo jadda it tekma appa angngo, hellen ne Anna Nahha Dag. ⁹ Mahhe iyyo badda bur walla let tenna, Anna Nahha he iyyo preha nad, hat tokna,"Abbum dulko kayya nekka du mattam langka la barra garrak kan kohha ba dukkin na Anna Kaddad toyyo banna kodde laj jongnga tokka matte." ¹⁰ Mahhe Anna Hak Koddo Hallol Lenna kap patta dad Labbar Ranna, "Ma mokka, ma ab banne he AHLI-AHLI TAURAT ma wenne hodda manney Elia namma ul nehho?" ¹¹ Anna Nahha bal lehha nan, "Elia namma ul memma nehho monna hammad koh hayya tangnga tang nganna. ¹² Tab bollo, Yaggu tokya lab barram manney Elia namma mow wakka, tab bollo he iyyo jadda tajjak mayya madda walda ray magge dokngo hakkab at tedda. Kahhe dommol nan na Anna Nahha namma yilla lalim madda." ¹³ Ma mokka, he anna hak koddo hal lolle datta jayya ne iyyo bahha newwe nan labbar radda tutney Yohanes Tagpa Ihho. Hawwu Lak Kedda Dappa Hilpon Walla Wad Jap Patta ¹⁴ Anna Nahha monno he anna hak koddo hal lolle badda bal nella to dangnga, hawwu nakka ban nemmen ma nella arro Anna Nahha banna dekke wad kud donna nella Ar Ronna manna ha newwel, ¹⁵ "Mori, tulluk ganna annag or rongngo ne iyyo kallaw warra kay yakko monna may yilla hingngo. Ne iyyo nakka nak jua ned dallo la ap mod dallol law we. ¹⁶ Yaggu mar rongnga mow wanka nella barra Anna Hak Koddo Hal Lollem, tab bollo he iyyo jadda dadma hattog gah han iyyo." ¹⁷ Anna Nahha bal lehha, "Hee, yom GENERASI jakka hat tenna pi monno jol lorro!Pirra hem mongka mad denna Yayyo Bag eng ngangngo olle gim?Pirra hem mongka Yayyo Bag tahngo har remma nella barram?Mar rongngan nenna lak kedda Lab Barrag Ya." ¹⁸ Man nenna Anna Nahha nakka yakkan nenna wad jap patta manna loh hongngo wal nella lak kedda kab ban, man nenna lak kedda tog gahha mem manne. ¹⁹ Ma mokka he anna hak koddo hal lolle hemmed ma la arro Anna Nahha, mahhe badda mehha Ollen madda kappat tangngo,"Ab banne yamma maj jamma dad wug gayya nenna wad jap patta?" ²⁰ Hat Tokna labbar radda,"Orro nahha tennam hod dik. Yaggu tokya kahhe pij jangngo lab barram, manne yom ba nek kangngo hat tennam ne bokkol lanna wat SESAWI SAJA, manne yom dad bam pre hayya nenna let tenna, Dikkiw wal yilla lahha do nehha bal!' may yinna let tenna nad dik. Jannek mangngo jakka dad net tuttum. ²¹ [Tab bollo, wad jap patta yikka hengngo nad dadhe wug gayya wan kaw wojjo monno PUASA."] Anna Nahha Han Newwe Nan tutna Na Mat Tenna ²² Manne na Anna Nahha monno he anna hak koddo hallol lenna tong rodda mak kohha lakka ling ngorra Galilea, manne Iyyo hat tokna labbar radda, "Anna Kad Dad To daw woyya ned dallo la limma kaddad to, ²³ mahhe iyyo dahha Mat Teyya, manne Iyyo nak kodde nel loddo hattol wangngo."Mahhe, Anna Hak Koddo Hallol Lenna madda may yilla hingngo. Lihha Nuwwa tutna ne Wo Wol Kat Tok ²⁴ Manne badda duk la Kapernaum, mahhe tag kohha wol kat tok du DIRHAM hemmed ma nella labbar rannay Petrus monna kappat tangngo, "Ma ab banne nenna GURUMU janna dadma wo wolka tok du DIRHAM?" ²⁵ May Petrus bal lehha nan, "Ngo." Manne banna tamma ned dallo la umma, Anna Nahha han newwe ul nella bar ranna, "Ahha nyinna pahha ngaddam, Simon?Geddo wal nedda he RAJA-RAJA yinna pon tanna badda karrey he kah hewwa monno wol kat tok?Wal nella an nadda mon nel walla to hekka? ²⁶ Manney Petrus banna bal lehha, "Walla to hekka,"Anna Nahha hat tokna labbar ranna, "Ba hek kanna, he an nanna dat tolko. ²⁷ Tab bollo, tannam ne it tangngo abda MENYINGGUNG MEREKA, hal lakkom la hobba ma wew yanna KAIL. Jekke yanna kaw wungnga iyya kah hudda manne yom bam bug gerra nan naw wob banna, yom duk nen tobbok kayya nakka wij STATER. Jek keyya nenna om mahha ma bawwed nella bar radda, Tuttug monno tuttum."