To FARISI monno To Saduki Kabban na Anna Nahha ¹ Mahha legge yakka, hetto FARISI monno Saduki hemmed badda mayyo tutngo ka kabban na Anna Nahha. He iyyo karre dad not tadko wal nella Hoylo. ² Tab bollo, bal lehha nan na Anna Nahha, "ba arro nan huddo, yom hat tokkim, 'Nal loddo dohhak or rongngo nal langto wel lengngo.' ³ Manne, kah huddo, 'Henna loddo engnga nennen na rer rehha bong ngatta or rongngo nal langto wellek kangngo monno kap pogto.' Yom taj jayya ahha nyinna bam ham merrad na hadda langto, tab bollo janna dadma dukkik man net tadko ka ul. ⁴ Nehha wu dodde kabbok kalla monno palta yiyyo kar rennan hawwu tadko, tab bollo hawwu tadko ak janna dadma baw won labbar rannay Yunus, hel lengngo tadko wal lay Nabi Yunus. " Ma mokka, Manna uj jakkad ma ub nahha lakko. PENJELASAN TENTANG RAGI to Farisi monno Saduki ⁵ Mahhe anna hak koddo hal lolle badda duk nel lahha bal hobba, mab bulla ngod kab babba. ⁶ Manne, na Anna Nahha hat tokna labbar radda, "Hammat tarra kin monno pahhor rakkin nella bar radda RAGI to Farisi monno he Saduki." ⁷ Mahhe, iyyo hal legge dadka dul koyya tutna nen ne nol lakka ling ngorra dagda monno hat tokda, "Yi or rok nan it tangngo ba jadda tag galla kab babba." ⁸ Tab bollo, Anna Nahha nattaj jayya tutna ne nenne mohha tokna, "He, to jakka hat tenna pi belle, ab banne yom mamdul koyya nolla jongnga dagkam tutna bajja nengngo kab babba? ⁹ Manne yom jam pewwe allak mahhon ma molka jam appek may limma kab babba tutda he limma ratta to, mappir radda hab burra karreh hak kohham? ¹⁰ Molka, pit kab babba tutda he patto ratta to, mappir radda dang ngadda hab burra karreh hehha kohham? ¹¹ Ahha nyik kanna neyyom bajjam taj jayya orro nan Ney Yayyo bajja tongrog han newwe lab barram tut kab babba? Tab bollo, hammat tarra kin nella bar radda morro to ai kahha tenna monno he Saduki." ¹² Ma mokka, he iyyo dadtaj jayya orro nan ne Iyyo janna tok kikma tutna hammat tar rangngo nella bar radda morro kab babba, tab bollo tutda he lihha nuwwa to ai kahha tenna monno he Saduki. Anna Nahha ik kanna Nemme Ma ¹³ Manne Anna Nahha banna duk nella kalling ngorra Kaisarea Filipi, Manna kappat tad nella bar radda he Anna Hak Koddo Hallol Lenna, "Nehha tok toyyo, garra nen nenna Anna Kaddad Toyyo?" ¹⁴ Madda bal lehha, "Hehha wad dekka hat tokda Yohanes Tag Pa Ihho, hawwad dekka hat tokda Elia, monno hawwad dekka wal hat tokda Yeremia, molka nahha wu wal hella anna wit lim manna." ¹⁵ Mallod dongngo, Anna Nahha kap patta nad nella bar radda, "Manne wennel gim, manno pahha ngaddam, garra negga Ney Yayyo?" ¹⁶ Simon Petrus bal lehha, "Yoyyo ikka Nemme Mayyo, Anna Mangngak Lang kam morho!" ¹⁷ Anna Nahha hat tokna labbar ranna, "Marring kangngo yoyyo, Simon annay Yunus, or rongngo ja kabbi monno rutto kat tokgun nella barram, tab bollo Bappag nella hoylo. ¹⁸ Ma, yad dommol guttok gun nella barram manne yoyyo bay Petrus suw. Ma, yilla pon wat, Yaggu hakkod deyya na Anna Prehag mahhe gol-gollu Hades janna dadma banna ohho gim. ¹⁹ May Yaggu woggim hek kuh-kuhhi KERAJAAN Hoylo. Ma, langka appa kan neyyom hap pingngom lappon tanna namma pingngo dommol la hoylo. Ma, langka appa kan neyyom pappor ham lappon tanna jam kolleg man la hoylo." ²⁰ Mammow walka, Anna Nahha nahha apped he anna hak koddo hallol lenna tannam ka abda tokya nella garra kan orro nan Ne Iyyo ba iyyo nemme kan nemmengngo. Anna Nahha Naddul Koyya tutna nenna Mat Tenna. ²¹ Wal nakka nonno, Anna Nahha banna halleg geyya hatting ngon nella bar radda he Anna Hak Koddo Hallol Lenna manne Iyyo banna hal lakko nehho la Yerusalem banna may yilla nehho ahha ah hangngo wal hella TUA-TUA, IMAM-IMAM KEPALA, mod dolmol he to pewwe Uk Patta, ma mokka dahha mat teyya molka nak kodde hab balli nel loddo hakka tol wangngo. ²² Mahha legge yakka, Petrus nat tingya Anna Nahha nella bar ranna, manna Toknan, mahha tokna, "Mori, banna dadhe Mangngak Lang kanna pahhil poggun tutna ne nenne walla Barram! Tutna ne nenne janna dad nekma banna dad nella Barram." ²³ Tab bollo, Anna Nahha kabbal nelnan mohha tokna lab barray Petrus, " Yel lagga walla Barrag, ne Mor Tanna! Yoyyo wat widda Neggug or rongngo yoyyo jam haddid darrag mayya pahha ngaddam tutda he tang ngadda walla Mangngak Lang, tab bollo het tang ngadda wal hella kaddad toyyo." ²⁴ Map poj jakka Anna Nahha hat tokna nella bar radda he Anna Hak Koddo Hallol Lenna, "Mabba nek kangngo kaw wawwa dokga Yayyo, nad letto hod magba garran hingkan, namma yilla ho, ma ubna Dokga. ²⁵ Or rongngo garra kan kakkab at tengngo mannaw warran na ngahna nappor hayya na ngahna. Tab bollo, garra kan kappor hayya nang ngahna orro Yak Kahha Orro, nak kolle hab ballin. ²⁶ Appan utna badda kolle kohhan tang nganna nappon tanna, tab bollo badda porho kayya na ngahda? Monnel, appan haddad na wo nahhawwu to jelna nang ngahna? ²⁷ Or rongngo, Anna Kaddad To nemme banna ma lamma nad dangngo Bap Panna banna olled he MALAIKAT-NYA mallod dongngo nag gobbad tang ngadda to dokngo har rayda. ²⁸ Yaggu tokya kahhe pij jangngo lab barram, ned toyyo kad dedde yiyyi jakka lin neyya nam matte kohha badda duk it teyya na Anna Kaddad To ba nemmen ma dallo la KERAJAAN-NYA."