Garran Karreh Bok Kolla Ned Dallo La KERAJAAN Hoylo? ¹ At honna naddo kallo ngangngo, he anna hak koddo hallol lenna hemmed badda ma la arro Anna Nahha mokka kappat tangngo, "Garra nen kah hodda bok kolla ned dallo la KERAJAAN hoylo?" ² Mahha legge nan, Anna Nahha kam makko nan hawwu lak kedda mor rahha labbar ranna, manna hangngod doyya nenna la kedda nolla jong ngadda, ³ manna tokya, "Yaggu tokgun kahhe pijja-pijja hingngo lab barram, helle nen yom bam ujja kadka mabbam nad hen nengngo hella lak kedda, yom janna dadma bam tamma ned dallo la KERAJAAN Hoylo. ⁴ Garran kahha li wawwan nap polla tonna kah hengngo yin nalla kedda kah hodda bok kolla dallo la KERAJAAN Hoylo. ⁵ Ma, garran kah hibbay lak kedda mor rahha kah hengngo yin nahha wu dallo lang Ngarrag, ne iyyo hibba nagga Yayyo." Lihha Nuwwa Tutna ne Kappung nge Dadna Nenna Dok Jalla ⁶ "Tab bollo, garran kahha jol lorran nen nah hawwu wal holla lak kedda mor rahha hek kahha tenna nenna Barrag, narreh nehho dohha nenna tutna mabba nen nahhawwu naw wat KILANGAN dad terron nella kok konna madda hatta bullon lab bon kah hodda lib. ⁷ Najjol lorra nappon tanna or rongngo haj jodde- haj jodde kan nen nengngo ned dallo lajjong ngadda!Or rongngo, PENYESATAN naddad memma nehho, tab bollo namma yilla natto kahha buklon. ⁸ Manna limmam molka nawwittim nadduk dongngak dok jalla, kat tiploy manne lettod. Nad dohha nehho tuttum tamma dallo la morho wangngo limma kad duk mod dommol wit kab bekko mabba ned he dubbu limmam ma dubbu wit, tab bollo dal lettod ned dallo la ap jakka bodda. ⁹ Mabba matta kay mam duk dongngad rayngo dok jalla, kil lokkay monno manne letto ned. Nad dohha nehho yom kol lengngo morho wangngo hawwu matta, ma abnel ned dubbu mat tadda tab bollo da lettod ned dallo ap jakka bodda." ¹⁰ "Hammat tarra kin, neyyom abbum MEREMEHKAN nah hawwu wal hilla lak kedda. Or rongngo, Yaggu tokya lab barram tutngo he MALAIKAT-MALAIKAT he iyyo la Hoylo da hammat tarra juan nammat tanna Bappag nella Hoylo. ¹¹ Or rongngo, na Anna Kaddad To namma mow wakka tutngo kadda morho hetto kab bungnga.] Lit Tujja Tutda He Bebbe Kab Bungnga ¹² Ahha nyinna hang ngaddam? Nahhawwu natto ned ngah beb benna, tab bollo nahhawwu wal nella ol lenna nabbong ngorra, nenna to janna jennek madda hek kabban dihha kabbul kabban dihha la let tenna mon nahha lakko may yeggan nahhawwu nekka jol lorra? ¹³ Ma, banna tobbok kayya, kahhe pij jangngo Bag tokgun lab barram, ne iyyo narreh dohha nehho na at tenna nenna nah hawwu nekka jol lorra DARI PADA hekkabban dihha kabbul kabban dih hangngo jakka jol lorra. ¹⁴ Makka hed dommo nan, manne hakkab at tenna Bappam nekka nengngo la Hoylo man nenna hawwu natto wal hella kedda mor rahha hiyyo da matte." Han Nuwwan Natto Kaj Jalla ¹⁵ "Nenna olle bem banna jal lakka, hal lakko monno hat tingngo nan appan na jal lanna, yom monno i dag nehhe. Mab banna kat tangngaw, yo mum kolle hab ballin ka na olle bem. ¹⁶ Tab bollo id dokka, ma ba janna kat tangngaw, mar rong ngakngo hawwu mo du to pil to ka olleg tannam walla wob badda he du mo tol to kan nengngo, tang ngadda hattok kap pohtoy. ¹⁷ Manne iyyo banna tul larra kad ne rongngoy he iyyo, tokkiy he tutda nel lakka ling ngorra JEMAAT. Manne, iyyo banna tul larra dommol kad tut kat tangngay he JEMAAT, jek nakka tannam kanna ham merra dongngad hetto hawwad dekka monno kattag nengngo kohha wol kattok. ¹⁸ Yag tokya kahhe pij jangngo lab barram mabba appan hap pingngon lappon tanna namma pingngo dommo la Hoylo. Ma, appan hap porhom lappon tanna namma dol lahha dommo la Hoylo." ¹⁹ Nehha dakka pik, Neg tokya lab barram mahhe dut to laj jongngam badda pohto kayya lappon tanna tutna nebba ahha kan neh hakka redda, man nenne naddad net tudda orro Bappag nekka nengngo la Hoylo. ²⁰ Or rongngo, lah haddo du mot tol to mak kohha dallo la Ngarrag, Ya Negga lajjong ngadda. Lit Tujja Tutna Haw Walngo ²¹ Ma mokka, Petrus mannam lab barra Anna Nahha makka patta nan,"Mori, hap pirra nehhing pongngo ba dokkan ya bag haw wallin na olle beg kammang dok jal lanna lab barrag? Duk happit wud dangngo?" ²² Na Anna Nahha hat tokna labbar ranna,"Ya jag tokkik mayya lab barram duk happit wud dangngo tab bollo duknew pitka bul wud dangngo. ²³ Orro id dokka, KERAJAAN Hoylo nahha mer ranne kah hengngo nah hawwu RAJA kar raynen pa hadda tutda he anna la um manna. ²⁴ Manne iyyo banna halleg geyya hayyap wungngo, to kammang wut tangngo kadduk hingngo kabbul ratta happe wenna damma rongngan labbar ranna. ²⁵ Or rongngo ne iyyo baj janna duk wod wolda, nekka tod nahha rehha tannam ne iyyo kamma laj jan, olled arra we monno tang ngadda he an nanna, mod dommol tang ngadda appad heppa dagna, mahhe in nelho hawwo wangngo wol manna dad. ²⁶ Man nenna, tolla umma kaw wojjo monno kat tabba la TUANNYA, hat tokna, 'BERSABARLAH lab barrag may yag gu wok kohha kad wolda lab barram.' ²⁷ Mahha legge yakka, morna nenna lak kedda la umma namma naw warran, manna opnad manna hawwal nad he wut tanna. ²⁸ Tab bollo, man nenna anna la umma banna loh hongngo mo banna tob bokkay he anna la umma haw wad dekka kammang wut tangngo ngah DINAS labbar ranna, nawwob payyi monna pohhe lan nenna lak kedda la umma, monna wen nenna,'wohha balkad om mahha nehha rem walla barrag' ²⁹ Ma mokka, lak kedda nekka kammang wut tanna manna kaw wojjo manna ha ohha labbar ranna, hat tokna,'BERSABARLAH lab barrag mayyag gu woggud tangkoh hadda lab barram.' ³⁰ Tab bollo, ne iyyo nattul larran manna hat tamman nenna ol lenna laggol kohha ne iyyo banna pojjay tangkoh hadda wut tanna. ³¹ Mahhe lak kedda la umma haw wad dekka itteyya nekka dad, he iyyo damma yilla hingngo ma hemmed badda mayyo modda had dukkin la morda tutda tangnga kad dakka nekka dad mow wakka. ³² Ma halleg gey yakka, morda nakka makkon nenna lak kedda la umma ka ul mahha hat tokna labbar ranna, 'yo lak kedda la umma kabbok kalla. Yaggu op kohha gud tangkoh hadda wuttam or rongngo yoyyo bam ha ohhaw labbar raggu. ³³ Mabba dokkan yoyyo mom dag nehhongngo mannaw warra lab barra olle lak kedda la ummam, kahha merra nengngo yad dommol guhha tingngon namma naw warrag labbar ram yo?' ³⁴ Manna, morna, banna dukkin ban, nawwoy la arro tag PENYIKSA kohha ne iyyo banna dukkid wohha baldad tang ngadda pakka renna labbar ranna. ³⁵ Bappag nella Hoylo dommol narray dommod ne kahha merra lab barram, manne yom bajjam haw walkan na olle bem wal dallo la attem."