¹ Ne yomi baha waligimi oleni yitui Kristus, mayegadila hitu kadoyo ponu, la hadoyo hado neni yitui Kristus, ngodo la tabara kawana nai Allah. ² Hangada nedi tangadi ke nengo yila kadoyo dete, abu tanga newalidi kanengo la ponu tana. ³ Oro nani, yommi mu mate mowami mono mi morho kabunyimi oleni yitui Kristus nolai Allah. ⁴ Yitui Kristuslah, hamor hamu napa huda wu-Na, yomi jala daha ole gimi nola magebora oleni Iyo. ⁵ Oro ineyaka, hamate kohayi hitu tangadi kanogomu yika kawali la ponu tana, yitu la goba olemu, hagubara, dokuni habeyo ate, dokuni kajapata, mono dadara, orona pa horoya kajala. ⁶ Kahengo hitulah ka hakodeya habani dongana na Maroba Allah. ⁷ Ulna na, nummu mu rayijalani ba enga homu la jongana. ⁸ Tabollo, ne bahenna, letto kohani tangana: bani ate, maropko ate, ja bengo ole, terliwu, mono hanewedi je kadoha wali la wobamu. ⁹ Abu hilumi hawoho - hawohaka wukango oronani yomi bojola mowaya yina pola toyo memamu oledi hitu tangadi harayimu. ¹⁰ Wani kana pola toyo bamu, pahamadi hakitango yila pewe ka mera yila tuja walikarayini. ¹¹ Yila jonganala, jahilu nekmangoka toyo Yunani ato toyo Yahudi, toyo hangeju, ato toyo jaha ngeju, toyo Barba ato toyo Skit, ata ato katolko, taboloi Kristus nekohani tangana. ¹² Bahenna, dadi toyo hapide nai Allah, ka muraha mono hamanawara, wani la baramu manawara, madngo, li wawa ate, loja ate, mono maloya. ¹³ majola neho iha toyo la aro ole tonna, kahengo yitui Mori bada hawaligu, ineya dimmi mu hawali-wali wungo. ¹⁴ La ponuna tangana, bogeni na manawara, kana ma pingngo doha wango. ¹⁵ jekana yina kanyuru kawali lai Kristus ka katanga dadi atena oro ineya ma kamako gimi dadi ha wuyo pola toyo, mono ege atemika. ¹⁶ jekanaka yiha hatoki nai Kristus kana enga wango magabora labaramu, wango moddo paha ngada yomi ajara mono hanuwa-hanuwa wungo, dolorango lawitti, woro waiya-woro waiya, mono lawiti hatena, tangana wani ege no la atemi la bara nai Allah. ¹⁷ Apa domoni harayimu, yi bamu tokiya mono bamu rayini, rayidi tangadi ledena ngara nai Maroba Yesus, hagapengo wani ege ate la baranai Allah Bap, lede na Iyo. ¹⁸ tangami ha ara weyo, hadoku kiwu la bara layimu kamera nani ba tut nani yitui Mori. ¹⁹ tangami halayi, manawara kidi ara wemmi mono abum hagagto kakiyi. ²⁰ Tangami lakeda, dokukidi toka tumi la tangana orona hadoha ate donga nani yitui Mori. ²¹ Habapa-habapa, abimu rayi kani habani dongada anamu abu na dukidi loja ate. ²² ata-ata, doki kidi hatoki morimu tangana kanengo hena la ponu tana. rayinilah abu oro bada ite wu mono ha ege ate donga da tabollo wango ate muraha oro bam kabohini maroba Allah. ²³ apa ni ha rayimu, rayi wanila bon ate ka hengo ba tutui Moriya mono je tutu kadadi toyokma, ²⁴ orona yomim tajaya kawali lai Mori mono kamu hibaya hadagumu kamu kahewa wani. Mori Kristus neyala ha manutamu. ²⁵ orona, toyo karayingo kajala na hibaya na gobana yina jalan harayina mono jenekmango hapiddena.