¹ Orongo, yahakab ateg yom kamtajaya nabuto pija haray ula mowag tutum yom, mahetutda he ika nengo la Laodikia, matut tangkohada to jaha tobo mata dongag. ² Hakab ateg tanam na ateda kada doha wango mada hawungo dalo lamanawara mada kolengo tanga ngara hapote kawal nela taja mono pewe wala habuny Kamawol Kamaray, nena Ananahadag. ³ Dalo la Iyo kabunyiy tanga ngara hapote wala taja mo pewe. ⁴ Yag tokgun tutna yiyo tanam abnengo to kahamug wat tutna hanewe neha rongoda kamera tena. ⁵ Orongo, magba polato janekmaga olegim, tabolog olegim dalo lawadteng, mayana doha na ateg iteya nate pijam mono didarana hatenam dalo la Ananaha. ⁶ Manene, orongoyom bamhiba mowaya Ananaha ba Morya, morho hakitaw dalo la Iyi, ⁷ kalartow moha kodeya napolatom dalo la Iyo, hadidaraya nahatenam kahengo pahanuwa mowadag labaram, mana bonngo nakanyur. ⁸ Hamatarakngo abnengo hawu akto kapingogimyom paha newe kawohoka kama lega, kawal lakanogo kadad to mohada pontana, maja pata Ananaha. ⁹ Orongo, nodalo la Iyo engango tangkohana bonngo marer kamorho lahada kadadto. ¹⁰ Yom bonmowangka dalo la Iyo, katagud prehay kahareha pontana. ¹¹ Dalo la Iyo, yom alla hangejhom, jangej haray lima kadadto, tabolo ngejharaynan Ananaha, neka tuploya nakabi dokjala. ¹² Nelapa iho, yomtan gim olen na Ananaha manna kode olen ne Iyo walla jonga toka mate. ¹³ Magba ulna yommatew dalo lajalam mona polatom jakangej, Kamawol Kamaray raygun namorhom olen ne Iyo pojaka ne Ibana hawaldad tangad dokjalada. ¹⁴ Ne Ina nahangahuy hurata wuta mono kanogo hakare katon ya hekamawol Kamaray mo itango. Ne Ina jeke mowayka natero wuna lapon yayhaka dalo. ¹⁵ He kapareha lakab prehanad, mana pahaday kada moke orona talona layay haka dalo. ¹⁶ Oro idoka, abum halokon hawu akto hajalam yom tut mu mona in molka lodohor hatena, hayil lawula ba mowalka lodo Rahngah. ¹⁷ Tangkohada heyo mowadad tutheme la aro, tabolo hada katepijango ikana Ananaha. ¹⁸ Abum halokod to kabengo liwawa ate kawohoka mono manuta nela anawit analimana hajalam yom. He iyo kabengo itey kahiwro kadukid ateda ele oro pahangada pontana. ¹⁹ Hetoka hengo jada didarakma nelakatoda. Katok kahadidaraya tangkohana pola toda, motangkohana pola toda kahawud kaluto mono kabi, tangkohada buklo mono matu kawalya labara Kamawol Kamaray. ²⁰ Bada olen na Ananaha bam mate mowam tut hada pontana, aba nelho yom mamera dagpontanam, liwawa hehatok kahengo: ²¹ Abum jojaya, abum mukan, abum keten"? ²² Hika nogo namolahay pojaka badokud orongo heka nogo haray dokud lipreha mono hada kadadto. ²³ Heka nogo kahengo ba itekay mera dohay neba hadedoya naka kawojo kahapunge lapolato monali wawa ate kawohoka, hamayila polato. Tabolo, tangkohada heyo janekmango goda helengo kana bon ngo habem.