¹ Tangada Morda, raikid tangada ka tena mona kawonango oronan yomi bam jala ka dagun mori la surga. Tangada he harayida ² Kidneho hatena bamu Kawojo katabawu, engam hatena mona mono manutaya. ³ Kawojo Kataba jalawu tut na yama tanam Maroba Allah kana bugeragu bina tut na liyo mono yama enga doda na bana ha ape habalinni hakabunyina kristus, oronan yayo bala golwa. ⁴ Kawojo Kataba mono yayo ka kole hadukid mono kahiwra aha yina yayo ba tanga ngara hanewe. ⁵ ha inyaka wum ha aten la barada tangada toyo bal hodi mono wanka kamahiggo kamaloga koha da doha. ⁶ jekaa moda hatokimu kanna enggango bonngo manawara, kameranan hatamoh, tanam yomi kam tajaya ba ahha nyina bahenehonggo ban balehaya diha toyo. Limanawara wal lai Paulus monno tangada toyo kamaronga dongani ⁷ Tikhikus, enga bana tok kohaya liyo tutug yayo, iyo idokala olebego ole hatenagu ida hama nawara, kahayil doha, mono ole hahilligu noley mori. ⁸ Yayo pahawedewa labaram nohado aromu tanam yomi katajaya mono yama tanam iyo kana kolengo kulha la atemu. ⁹ Iyo engana mayo monoi onesimus, olebeyo ida hawu hatena idango kamanono monno hamanawara, diha wu toyo wal jongam yomi. he iyo engada tokguni la baramu tangana nena kadadi yiyo. ¹⁰ Olegu la gollu, Aristarkhus, naha ngodigu liyo manawara tutumu, kahejalango Markus, anakabinena Barnabas, la tut na iyo yomi kole hibamoya liha tujja; tobokaya iyo banemen la baram. ¹¹ Nejalan lima nawara wallai Maroba Yesus, pakamakona Yustus. nela jonga olebeyo hayiligu tutna hadona Maroba Allah, he iyo inehela kawalla oleda toyo ka wahilla, monno ha iyo mana dadiy magebora labaragu. ¹² Efafras, olebeyo ole hatenamu, atanai Kristus Yesus, naha ngod alango la tutum. iyo kahawungo kangote monno da kawojo kataba tutum yomi tanam yomi kam kolengo dede didara monno kahatena kabonngo nolla tangana hakab atena Maroba Allah. ¹³ Yayo gu hatingo juwani hatajagu ba anyina kole hadangana mayilla tutum yomi monno tutda he iyo kanengo la Laodikia monno Hierapolis. ¹⁴ Lukas, Dokter hamanawara, monno Demas naha ngodngo lima manawara la baram. ¹⁵ hadukinla lima nawaragu labarada tangada olebeyo hatenamu la Laodakia, monno la barana Nimfa monno toha tena kanengo la umana. ¹⁶ koleda bacaya yina hurata la baram yomi, baha alaganni la bara toha tena Leodakia. hejalana, baha alaya na hurata la toha tena Laodikia. ¹⁷ tok nani labarana Arkhipus, " hamatarakinni tanam yomi kam pojaya pahayilim yomi hahibam wallai Mori." ¹⁸ Yayo, Paulus, tulhaya nama nawarami yiyo monna lima dagumi. Apeya nakogagu kanyuruna Maroba Allah na maringimi yomi.