¹ Du arahama du Yesus Ei nami aramating, " Na Naabulu ubang iring piring pirden oin tohe du i dei mini dei Hi Lahatala Yo kuasa puin ho oang" Yesus Ei Musa Elia Ara Hama-hama ² Mi taring talang Hi Yesus Ei Petrus, Yakobus woi med Yohanis, ara binilawenta Yesus nami opong adangmi yano o beng nu. ³ Du ara hama du O wene lelemadala he yang uwele. nani Plidotadu nami nawele ano o yo hing du aradang. ⁴ Ohowe yaring nami opeteng, Elia med Musa nami Yesus aramating He ⁵ Ohowe Petrus ei mating Yesus, " Rabi di senang empiri om domi i mae pi hobo towo atohoing nu med Yesus Ei nimi numed Musa numed Elia ene. ⁶ Petrus naba mating we ubang wedee yu ulung barapi bros. ⁷ Ohowe lap hele yu ulung nun utele, mating paanu lab om lolo ho o ubang do oin, " Oin do po No Ei i Ei mehe!" ⁸ Mong yeb yu ulung dunuhi nami piri olo yo hingang Yesus yo lo dei. ⁹ Yu ulungnun binilaweng tahe Yesus yu ulung aramating ubang i wedee na ahol du i nani ara mating dang yang Nami Noo Ei weseng ya tele toho. ¹⁰ Duru ei lewe aring mating paa du yu ulungnun tawunin yom mi yatana mini no he wei yu weseng du o tamuyu du naba. ¹¹ Ohowe nami Yesus atana, " Toroin we ahli Taurat ubang Elia musti yo turu ho o?" ¹² Yesus yuulung aramating, " Elia uil yo turu ho o na towong a noo ubang du uin we naba. We nami hulu Nami Noo Ei oho dana du Ei maala mahip mi tede nami anoo yaha-yaha. ¹³ Du uin we Na arimating Elia ho oang yo ni nami napanene du nami ommi madang he duru we nami araleleng wedee nami o suru madulung mi hulang." Skol Ei kenewe Homi Yaha Nami Om Mi Du Nami Alolo Yaha ¹⁴ Du arahama du Yesus, Petrus, Yohanis yaboro eikenewe, along nami dunu nami ulobong towong eikenewe, along dumi nami om ara ahli Taurat nami yara teteng. ¹⁵ Nami noo towong olobong i nami dunu Yesus ahol, nami mi ye u du ohowe nami te eng O lap hoo. ¹⁶ Yesus yu ulungnun atana, " I naba we u ahli Taurat a yaramating he you?" ¹⁷ Nami lubung he du piri nu ubang, " Guru, na noei loti hini ara Olap hoo, wedee seteng tama. ¹⁸ Yeel aring ana homi yaha ei owaha ohirimi, bakang anoo olo wai ta hele atawar-war ata lolo hele, ya weheng toil langlei lolo. Na ie bang skol eikenewe ohowo homi yaha dopo alolo, bo sokol eikenewe alolo yaha." ¹⁹ Ohowe Yesus Ei omating aboro ei ubang, " wa, iring oto ho o poo ba i u dumi ardang! Yel den we Na yu ulungnun Na i ara hama-hama? Yel den we Na i ara hama-hama atuui? Ei kaai du ara No lap ma!" ²⁰ Ohowe yu ulungnun eikaai du ara Yesus olap ma. Du ara hama hami yaha Yesus e dunu eikaai du odong a wee olo yang waai ta hele ye dod yeli wewe atameil tawoil. ²¹ Du ara hama du Yesus ei omong atana, " Modi o oin du anoo taring denang yo?" ei aboro ubang, " dei kaai ta. ²² Ohowe homi yaha du ei eikaai med awail didi mi olo med ji di mi amuyu om amini omma. Du uin we Om nanu panene omma, du uin he om nieyaha woi med ani eita." ²³ Yesus aramating, " mi yebeng a u eneng leleng arnu du med? nami ba atino o ahol du ene'e." ²⁴ Ohowe eikaai ommong du morong we ubang, " naoatinoo ahol naring moling mana atinoo aholdang!" ²⁵ Du arahamadu Yesus Ei dunuhi nami noo towong Olap hoo. Wolo i toho Ei hami yaha oaraing Ei ubang, "dooin aring ba, moou yaha aring ba awel palaa. Na aring prente a eikaai domi hele awoi hoo ara hini dang." ²⁶ Ya ehew noohi ya tabibing usetenga mati ohowe hami yaha duhele eikaai du edunu mong wedee nami minang du uin we nami noo towong ubang, 'eikaai minang" ²⁷ Bo Yesus eikaai atang opuin awohotoho, ohowe eikaai dopo toho. ²⁸ We Yesus madang bang ommi, Skol Eikene we nami Atana, "toroin we ni alolo yaha." ²⁹ Ohowe Ei yu ulungnun aramating, modi oin do hele yaha oomi paa we puing a noo hele noo." Yesus Ei Yomini Woi Ubang ³⁰ Moin dopo mi ohowe Yesus Ei Skol eikenewe ara lami moin Galilea. Bo Ei yaai nami aholdang. ³¹ We Ei nami ara Skol Eikenewe Ei bang. Ei Nami Noo Ei yaring med Nami Noo atang ommi ba nami . we noang nami aminang taring towo Ei yatele toho." ³² Duuin yo bo Skol Eikenewe nami Yesus Omating paadu nami yo aholdang, yo bo taain du u bros. Ana You Yo Mi Mati Du Uyara Teteng ³³ Du aramaha Yesus med Skol Eikenewe yang Kapernaum. We Yesus Ei bang ommi, Ei nami atana, " I naba we u i aramating he ye bulu lolo lami? " ³⁴ Bo nami yateni, yee bulu lolo lami yatana nunu ana you yomi mati. ³⁵ We, Yesus mihi low Skol Eikenewe piri airnu weling olo, Ei ubang, " Ana you o ning omi numi duuin we yaring du you yanoo nami oweele." ³⁶ Ohowe Yesus Eikaai nu med yeleng Mi toho, Ei eikaai du awaakoo, ya nami aramating. ³⁷ " Ana You yang opong tele eikaai nu du yo No pong tele. ana momong you No pong tele, you ya Naring ubang." Anayou Yesus Eni Puin Seteng Alolo ³⁸ Yohanis ei Yesus aramating, " Tunggur, ni dunu nami homi yaha alolo, bo ni e hapa wedee nami A taai dang." ³⁹ Yesus woi ubang, "do oin du, yu ulung e hapa du ei, we duung nami deng Na tahor panene ma Yesus eni puin dang, yel du mi du uin hi nami No yaha ubang. ⁴⁰ Nami ba tara teteng dang du matara hama-hama you. ⁴¹ Wedee Na oabulu u i aramating ana you nomangsing du ji tu ei nu ene na. Du uin hi iring ba Kristus atai du amana yohing dang. Yaha Ahala O Yele ⁴² "Ana nami noo nu you panene ahala eikanewe-kanewe oho dana ba ma nei otinoo ahol du aring du ahala panene minoo lehi aring nami du ya noo ba nehe mati nu nami med a wa u heling nami med tang mi wewe. ⁴³ Ana you antang opanene i ahala mi muyu du uin he atang dopo ta tee monoo lehi atang pol puil weswng habara lowa. Minoo lehe atang yang ana a awal bung lawa. ⁴⁴ Leng ba oip didi mini yaha woi med o awal didi mini dang. ⁴⁵ Mi yebeng e eu you panene puin anoo ahala, e e u du tetee wewe minoo lehi a e dang le puin weseng mi lami o arahama. a e olo puin lami, ohowe nami aring med awal bung mi wewe. ⁴⁶ Leng ba oip du mini yaha o u awal du mini yaha ⁴⁷ Mi yebeng eng awal you a noo a hala eng du woo. minoo lehi eng deng le puin wa Lahatala Obang lawa me engawl yo pa olo yeng ana nami aring med awal mi wewe. ⁴⁸ Leng ba oip di mini dang o awal di mini yaha. ⁴⁹ Nami noo aring ana du nami tang e awal ara toloiil. ⁵⁰ Tang du na noo bo o atolo mi yebeng yo hingan ni woi anoo taroo ing arleng anoo atolo tang du med u ei anoo nami noo towong ara noo."