¹ Aring yel du arahama, nami noo towong taloil, bo name ye adi 'ei di aradang. Yesus yo skol 'eikenewe 'o lowi 'o howe Ya aramating: ² Nom nami noo towong oin do u karang, e yaha, wede 'e yu 'u num Nara hama oin do mi, taring towo ang, bo o name ye adi ei didi aradang. ³ Bo Na yu ulung nun a howo yaboro yo bang aring ana didi. Yu num hama maleleng om mi, pa lomi om mi didi den malomi olo, wede e yu u num du den lete mi hoo. ⁴ 'o skol ei kanewe, Ei aboro: 'Anu nami nu yo pa roti puin nami noo towong oin do aha awili yang ato'o a noo in, oin leng ma amang do mi? ⁵ Duru we, Yesus yu ulung nun atana: 'I roti paa den ara yu ulung nun ei aboro : Paa utito, ⁶ Aring duru we Yesus Ei nami no'o towong du a howo wa'ai ta mihi. Ei roti paa utito de med, ya mahene yaha towong-towong u bang Lahatala ara maha, ang lawe ya roti du ahidi piti-piti, med skol Ei kenewe ene. Ahowo nami no'o towong du mi da'lam. ⁷ Skol Ei kenewe didi o ab kanewe-kanewe pi te'e ara. Ab kanewe-kanewe oin do Yesus, Ei no'o hama u bang med ta, ang la we Skol Ei kenewe med nami towong du mi dalam ⁸ Nami med oin do, na adi yang ato'o u in. Na meye roti amang yu nun taloil, o towong a tuil utito u tulu. ⁹ Nami no'o pa yo te'eng rib'ut. Yang o ho'o mi, Yesus Ei yu ulungnun a howo yaboro. ¹⁰ Noang we Yesus med Skol Eikenewe, Ey tamihi moin Dalmanuta palii leang. ¹¹ Minumi Farisi hining Yesus o lap ho'o a tana tanut uteleng. Yu ulungnun Yesus abang du uin e Yesus Ei Surga O utubu du med yu ulungnun etubu, mong wede a patinu obeng du uin. ¹² Duru we, Yesus yo Homi Madulung Ommi, Ei a' ain baling ulu luwung, ohowe Ya ubang: " Mong tarooin we nami no'o wed domi du, yu ulungnun Surga o utubu du lap? Ati no no ehe, na i ara mating. O utubu nu didi na a med i ene dang" ¹³ Du uin ohowe, Yesus Ei yu ulungnun atain, Ei wa ei om lawa yang moin tangden lawa. ¹⁴ Sakol Ei kenewe roti puin u yebung, we ei om du mi du, roti pipite'e a hai ara yu ulungnun a long ¹⁵ Yesus yu ulungnun aramating : I uma no'o-no'o! Farisi hining med Herodes o yaha-yaha o kaluwi ladiming du i uma. ¹⁶ Duru we Skol Eikenewe mitaain ipi midi med wa aring roti ba u yebungpuin du arahama ¹⁷ Yesus Ei aring na du a hol duru we Ei yu ulungnun ara mating: " Taro oin we i iom du a no'o paluhu? ¹⁸ Taro oin i eng awail ara de i aholdang, i wel ara de i meehedang? tarooin we i umadang? ¹⁹ Aring yel du mi du na roti paa iweheng ahidi piti-piti med nomi rib iweheng arahama. Pa atuil ara paaden i puin roti nameye amang taloil du med mi? Yu ulungnun aboro: Atuil airnu weling alu. ²⁰ Noang he yel ba roti paa utitopuin nami no'o rib'ut arahama du atuil paa den i puin nameye o amang du taloil med mi. Yu ulungnun, Ei aboro : "Atuil paa utito". ²¹ Duru we Ei yu ulungnun aramating : " Mong tarooin we, aring na nun du i ahol dei? YESUS BETSAIDA MI NOMI NU ENG ANOO TABIRING ²² Yel du mi Yes med o Skol Eikenewe yang moin Betsaida mi nomipririden, nomi eng yaha nu ara hoo. Yesus a howo ara puin ²³ Yesus Ei nomi eng yaha du atang apuin ara moin bang adiing lawa. Ei parang med eng mi luhu. ya ya tang med tameng ang lawe, ya atana: " A nabawe e dunu ahol. ²⁴ Aring ei du yang atele dunu, ahowe Ya ubang: " Naduru nomi noo ahol, bo mong we de e ti rei nun duru lomi he du uin. ²⁵ Aring duru we Yesus Ei woil Yatang med eng awail du tameng. Ya yeng awail du u doling he ei noang ya puin na ana-ana eduru lele rupu. ²⁶ O ohomi Yesus Ei ahowo yaboro yo bang leang bo ya aramating: " A haai bang moti lewa deiten." YESUS DURU KRISTUS ²⁷ Yang o minumi Yesus med a Skol Eikenewe ara hama-hama lomi bang aring ana moin Kaisarea Filipi mi lomi. Yang moin ye hama Yesus Ei yo skol Eikenewe du atana o howe ya ubang: " Nomi no'o towong-towong o mating he ubang: Anu wuu we Naring do. ²⁸ Yu ulungnun ubang: " Yohanis Pembabtis, den ubang Elia bo den ubang Aring du Nabi nu oin Nabi rei towong enihama du mi. ²⁹ O weelemi Yesus yu ulungnun atana: Yo bo i Om du mi du, pa i ubang : Anu wuu we Naring du? Petrus ei Yesus ei abolo: " Aring duru Kristus" ³⁰ Duru we Yesus yu ulungnun aramating ahowo uma haai Naring du nomi no'o towong ara mating ei. YESUS O SUSU MAALA O U MATING ³¹ Du uin ohowe Yesus Ei yo skol Eikenewe ara mating, wedee yaha karang towong du nil ma Nomi no'o Ei du ohadana, arahama duuin didi, Yahudi o tumaa bala imam-imam kepala med Ahli Taurat, nomi Yesus du a hiri alolo yang nami amini. yo bo Aring towo om du mi he Ei yatele toho. ³² Aring na oin du Yesus Ei ubang alele-alele Aring oin duru we, Petrus ei Yesus abiing adenetoho, no ang we ya e hapa. ³³ Duuin bo Yesus aadiming toho yo skol Eikenewe du edunu, ang lawe Ei Petrus du ehapa aramating: "Aring seteng deraha a yang ne lete we dee na ana ana ba Lahatala mi hoo aring du a utanut dang, a nami no'o mangsing na ana ana doporow we a utanut. ³⁴ Mong no'o he Yesus Ei nomi no'o towong med yo skol Eikenewe du olowi taloil, ohowe Ei aramating: " Anu nami nu yo om Na taai Na lolo uma, duuin he ya ya waha yohini ya u yebung u baa tiarapa du teweng ang lawe ma Na taai Na lolo. ³⁵ Wedee anu nomi no'o nu yo om yo lamana u karang he o lamanana du iling yo bo anu nomi nu yo Naring med Suru madulung du ei le he no'o hama du ya med yei a no'o ³⁶ Wedee nomi nu palii moti oin du med yei a no'o. yo bo yo lamana aring du iling, naba unta senang we ya med? ³⁷ Naba we nami nu puin ma yo lamana du uteleng u mana? ³⁸ Wedee nami ba Naring med namapaa du eile ohowe ya o atino'o du ubang umala oin yel taping ba nomi no'o lahunu maraain med yaha ahala duru om mi, du uin he Nomi no'o, Ei didi, aring du ya ubang umala oin yel taping ba. Yo yomong O kawasa mati lawen puin hoo med Malaikat Madulung towong didi ara hama-hama om du mi.