Ba'angmati Uutito' LAHATALA O HUKUNG, NAMINO'O O ASALA
1
Farisi woy med Ahli Taurat moyn Yerusalem mi ho'o nami yaring t'loyl no'ohi nami yang Yesus o lap yang.
2
Nami yang lang hi Yesus o skoleyknewe iiatang kro'o-kroo puyn na'adi, nami iiatang lam dang.
3
Farisi e Yahudi hini oasala du na'adi ano'ohi iiyatang lam we.
4
Nami yang don mi y'boro didi nami yatang lam we. Nami du oasala amoyldang.
5
No'oho we Ahli Taurat e Farisi nun, nami Yesus atana, "Mi tro'oyn we ooskoleyknewe pi asala ata'ay dang?
6
Yesus, Ey yuwunun yaboro, "Yesaya yiring we yiring uubang. IIonno' iidangpayn. Pli'i ani oyndo nami iiata puyn Naring uut'ra'ayn yo bo om du Nelete.
7
Nami Naring uut'ra'ayn yo bo nami yobang yopli'i oasala puyn yauiatang ta'ana.
8
yiring du yi Lahatala o hukung, o perente ata'ay dang yo bo ii iiasala we ata'ay."
9
No'oho we Yesus Ey uubang, "Lahatala o hukung, o perente du yi miladimi, milaboro, du'uyn we ii iiasala p'nene."
10
Musa o matingpa'a du, ey uubang, "ka'ay lama pa'abala be'elele med iiwi iimi arahama" ee "aana yo yowo yomo ara baye hi hukung tamuyu du amini."
11
IIyow uubang hi iiatang uu umu med Tuhan enang hi noang;
12
no'ohe iiuubang na med Tuhan enang ba ii tama'a du woy uubang ey dopo
13
Lahatala ampa'a du iiata'ay dangang, wede'e ii hada eyle. Ii aring na oyndo pnene uulemi lolang.
14
Yesus Ey nomi towong du woy olowi, uubang do'oyn, "uualepeng med iiyom mi meng"
15
Nami na'adi, ji na om ato'o la hele du o yaha o ahala ara dang. Du'uyn yobo mating pa'a yaha, nami om mi hele du, o yaha o ahala ara.
16
IIwel ara he abulu-abulu me'ehe!!
17
No'ohe, Yesus Ey bang om lamidi. O skoleyknewe Yesus a'tana, "aadey na o ara hama du eng alele we?"
18
Yesus Ey yaboro, Ey uubang, "Iiahol dang yo? Na ba adi na du o yaha o ahala ardang.
19
Na ba adi na du, ma tato'o lahele, atom la hele dang.
20
No'ohi Yesus woy uubang, "na ba tom mi hele duru we t'no'o dosa"
21
Wede'e na tom mi du, t'nut yaha, dosa seksual, nata'au, nami amini,
22
nami o ahala, maro'o mkakang, ladim-laboro, hu'u to'ong, yompuyn nami ata'ay, nami ebit, yom lewen, kmuki.
23
Na aring duru ba na kraka tom duru mi latele. Aring duru we t'noo dosa.
SIRO FENISIA OBO NU O UUDUMI
24
Leng du mi du, Yesus Ey yang Tirus ee Sidon leang. Ey yang moyn dopmi Ey bangnu lamidi. Ey twuni yo bo nami no'o towong aholang.
25
Dopmi du, ey obo nu o ey obo-lawata homi yaha halup. Ey ho'o Yesus ewana.
26
Ey obo du Yunani hini, bo nami moyn Siro Fenisia we mi awayn. Ey ho'o Yesus ebang du'uynhe o ey obo-lawata ano'o tabiring.
27
Ohowe, Yesus ey obo du ara mating Ey uubang, Eyknewe duru na'adi yang bi'ing we. Pi eyknewe o nameye med bel ene du ahala.
28
Bo ey obo du ey Yesus Ey aboro, ey uubang, "Abulu yo, Tuwung! Bo nameye o ama didi bel adi yo"
29
Duruwe, Yesus Ey obo du ara mating, "Ey o atino'o aholdu na aholang yo ba aaboro. Oo eykaay obo t'biringang"
30
Ey obo du yaboro laha mi. Om mi no'o empiri. O eykaay obo t'biringang. Seteng hele te'engang.
YESUS NAMI AWEL PLA'A ANO'O PETENG.
31
Yesus Ey Tirus mi yaboro Sidon lolo yang moyn Galilea ji yawa lala mihi la yang. Dekapolis pli'i mi.
32
Nami ey mlodi nu ara ho'o. Ey du awel pla'a, mating didi yaha. Nami Yesus ewana aramating du'uyn ee Yesus yatang woho tameng.
33
Yesus Ey nami mlodi du ara lami nami towong du e lete. Yesus Ey yatang pa'a med aawelboy mi a'tohoyn no'ohi Ey parang yatangpa'a uupuyu no'ohi Ey med aaleb ta'meng.
34
Ohowe Yesus yopma atale dunu midi, no'ohe uubang, "Efata!" O hiri hi iiaring doling!!
35
Mong duru he, nami mlodi du t'biringang. Awel di peteng, aleb didi w'luyungang. Ey mating no'oang.
36
Yesus nami towong du ara mating, "iiyang uumating lami ey. Yesus uuhap bo nami uumating puyn-puyn.
37
Nami du yahoyr empiri, nami uubang, "Ey na no'o uupanen yo" Ey nami awel pla'a ano'o peteng,, nami awu'u bo'o didi matingang.