YESUS NAMI O BANG O PLI'I DU UULOLO ¹ Yesus med o skoleyknewe ara hama-hama yo bang yo pli'i la yang. ² Sabat o yele mi, Yesus Ey nami no'o towong arskolo ey me'ehe, ey aalepeng we nami yahoyr empiri. Ompo'o ata peteng nami uuta'ayn aanayo med ene? ³ Ey du tukung, Maria o ey yo? Ey du Yakobus, Yoses, Yudas, Simson o uding yo? O uding obo di tara hama-hama do mi? Duru we nami e eri'ing, nami oddouw. ⁴ No'ohi Yesus Ey yuwunun ara mating toro-toromi du nami awen uuwada? ⁵ Yesus Ey tahoyr dopo arleng du nami modi Ey ano'o tbiring. YESUS SKOLOEYKNEWE AHOWO ⁶ Ey yahoyr du nami o atino'o ahol dang we Ey yang bang pli'i wading lami nami arskol. ⁷ Yesus yoskolo pir ayrnu welingolo ahowo pirolo yarlami no'ohi Ey homi yaha du Ey ebeng elete eleheng. ⁸ Yesus woy uubang ii ye'ebulu lami yo bo ii tang oho ii dopong we puyn, roti di puyn ey.seng di med ii sap uyl mi puyn dang. ⁹ Alahayn puyn bo wene po'olo puyn ey. ¹⁰ Yesus woyl yuwunun ara mating, ii yang toro mi nami nu o bang la midi ii nami dopo ara hama-hama weseng, yel nu mihi ii bang du mi hele. ¹¹ Bo iiyang toro mi nami iiara o lahamidi bo miyebeng nami iiey aalepeng dang hi, yang ji ar mi ii ye aw o mol atoti. Aaring duru we ii uusaka. ¹² No'ohi yuwunun woyl yang Lahatala ampa'a du umating. ¹³ Nami seteng alolo no'ohi, yiping puyn ano'o tbiring. HERODES EY YESUS O MATING ME'EHANG ¹⁴ Aawen Herodes me'ehang uubang Yesus Eni lillang. Nami den uubang Yohanes Pembaptis duru yeteltohang, duruwe Ey na uutahoyr du uupanene. ¹⁵ Nami den uubang Ey du Elia, bo nami beng uubang, Ey du bomo yo. ¹⁶ Ohowe, Aawen Herodes ey me'ehang. We ey uubang, "Nani, Yohanis duru we na o long med duru we woy yano'o wesengang. ¹⁷ Atino'o Herodes nami ahowo, Yohanes apuyn, apese, spirbang om mi amihing Herodias duru eyle. Herodias du Herodes o di ayl Pelipus o obo. ¹⁸ Herodes ey Herodias med du, Yohanes Pembaptis e hapang yo. Wede'e abuldang, obo o di ayl o obo. ¹⁹ Tro'oyn we Herodes obo du we med Yohanes woyl uubang. Herodias, ey hom puyn ata'ay om amini uuma bo yaha. ²⁰ Herodes ey Yohanes elmala wede'e Yohanes du nami abulu, mdulung, duru we Herodes ey bu'ung. Yel du Herodes Yohanes eey maehe ey baros, bo ey Yohanes eyalepeng. ²¹ Yel Herodes adanang he du miang. O tun awan mi nami lobong lo'olo, yoteneng el olowi, nami ba pangka puyn du olowi, yang Galilea mi didi. ²² Lobong lo'olo du mi du Herodias o'oy obka'ay sabeye, Herodes omino'o. Yuwunun hama-hama mihiang we Herodes ey ka'ay obo du atana, "naba we om uuma aa uubang na eene. ²³ Herodes yoki, "naba we om uuma aa uubang na med ene yang noleng oyndo bo'oden hu'u we eene di no'o." ²⁴ No'ohi ey obka'ay yang y'owo along. Ey y'owo atana, "na naba we bang?" Owo uubang, "Yohanes Pembaptis o long." ²⁵ Ohowe, eyka'ay obo du hano'ong-hano'ong ho'o aawen uubang, "wed doro Yohanes Pembaptis med piying mi nene". ²⁶ Duru we aawen susu empiri, bo ya yokiang. ²⁷ Aawen ey algojo ahowo yang Yohanes amini, o long witi ho'o. ²⁸ No'ohi nami Yohanes o long med piying mi witi ho'o eyka'ay obo ene, no'ohi ya med y'owo ene. ²⁹ Ohowe Yohanes o skoleyknewe me'ehe nami ho'o Yohanes o bo'o med witi yang a'pot. YESUS NAMI PIR RIBWEHENG ALEHENG A'HA ³⁰ Ohowe, Yesus o skoleyknewe Yesus ara t'loyl. ³¹ Yesus yuwunun ara mating, "ma pi pli'i teni leyang, iidey, iiar. Wuna'ay nami no'o towong den ho'o den yaboro yuwunun na'adi di yaha. ³² Ohowe, Yesus O skoleyknewe epuyn leng du e lete, pli'i teni la wa. ³³ Bo namino'o towong ahol uubang yuwunun lami na ahol. Ohowe, yuwunun te'eng ata'ay ta'at lolo bang aring ana. Nami yoturu yang leng Yesus leyang du mi. ³⁴ Yesus yang tut t'poro ta hi, Ey dunu hi nami no'o towong, we Om yuwunun e yaha. Wede yuwunun du mong wede nubu ba o ani ardang du'uyn, duru we Yesus mulai yuwunun ara skolo. ³⁵ Ohowe, pli'i mong paranghi skoleyknewe Yesus armating uubang, "Pli'i oyndo, pli'i oho. No'ohi dil'uang. ³⁶ We yuwunun ahowo yaboro oyn wann do mi du'uyn e, nami na wel adi no'o." ³⁷ Yesus o skoleyknewe uuboro uubang, "ii yow yuwunun a'ha!" Skoleyknewe Ey aaboro uubang, "adihi ni yang roti dinar ratolo ey med puyn yuwunun a'ha?" ³⁸ Yesus O skoleyknewe atana, "Roti pir den iilong yang edunu?" Yesus O skoleyknewe nun yang ahol hi nami uubang, "Roti pirrweheng, aab pirolo" ³⁹ Yesus yuwunun ahowo hele luy uutamihi. ⁴⁰ Nami towong hele mi leleng aring aana den ratnu, den ayrweheng. ⁴¹ Ohowe, Yesu roti pirweheng ee aab pirolomed bulung uudunu mid no'ohi Lahatala om no'o uubang no'ohi, Ey roti ahi'i no'ohi med skoleyknewe ene. No'ohi med nami towong mi d'lam adi. Woy med aab po'olo didi d'lam med nami no'o towong ene adi. ⁴² Nami no'o barpi adiang a'to'o a'bi'ing. ⁴³ Ohowe nami la'atang ayrnu welingolo med roti e aab o aama med. ⁴⁴ Nami no'o pir ribweheng roti adi. YESUS EY YI JAWA LALA MIHI TA LAMI ⁴⁵ No'ohe we Yesus Ey yoskoleyknewe p'rente ahowo ey tale midi. Yuwunun yoturu moyn tandenn la wa. Betsaida mi. O om mi du, Ey nami no'o towong a'howo yang. ⁴⁶ Yaboro du uunami aramating no'ohi Ey biynn ta midi sembayng. ⁴⁷ Dil dey uwu ano'o du Yesus o skoleyknewe du ara ji jawa lala hama mi bo Yesus yoll eli ta'ata ta. ⁴⁸ No'o. Ohowe dunuhi O skoleyknewe eey du wa'a yang uumarukiang wede'e homi du ho'o mi yaring putung ma yuwun ara hama du mi. Yuwunun tepe du dil'u ey bu'ung o mi uut mi. Yesus yuwunun mi eli. ⁴⁹ Bo mong yehe-yehe hi, yuwunun edunn hi Yesus yo ji ta lami he. Yuwunun om bang hi ey du wo'o-wo'o. Ohowe yuwunun aahew. ⁵⁰ Yuwunun dunu Yesus duru we yuwunun b'ros. Bo Yesus Ey hano'ong yuwunun ara kdada. No'ohi yuwunun ara mating, "Tening! Naring uru ba oyndo. Bros ey!" ⁵¹ No'ohi Ey yuwun ara hama-hama eey tamidi no'ang layl we homi didi tening ohowe yuwunun uuyahoyr. ⁵² Wede'e yuwunun ahol no'o dey na nauutahoyr ba roti pa'aiweheng wede'e yuwunun om du dey p'luhu. YESUS EY NAMINO'O TOWONG ANO'O T'BIRING ⁵³ No'ohi Yesus woy med oskoleyknewe ara yang moyn ji jiawa lala mihi e deng la wa. No'ohi yuwunun yang ta'ata mi moyn Genesaret. No'ang we yuwunun ey a'tede. ⁵⁴ No'ohi yuwunun eey ta hele. Ohowe nami no'o towong hano'ong Yesus o'pong ahol. ⁵⁵ No'ohowe yuwunun mong t'te'eng yang yo pli'i aring ana. No'ohi nami modi nun du ara ho'o med buhu ta'atarang. Yesus ara leng toro mi woy ta me'ehe. ⁵⁶ Leng toro yo Yesus leyang nami nami modi ara ho'o o ye mi a'danang no'ohi ewana ni masih oo kondo du ni a'toll didi ni t'biringang.