¹ Ohowe Yesus lengdopo atain noohi woi moin Yudea palii lawa Yordan mol tadoo nami noo towong hoo olobong, we Yesus woi yu ulung ara Skol. ² Du aramaha du. Farisi hini di hoo yanoo Yesus atana,"Atinoo nami loti hini yoobo atainnoo manani." ³ Yesus yuulung Ei aboro, " Musa naba parente we u i aramating yuulung Ei aboro ubang." ⁴ Musa Ni howo surunitaain araleng duuin we ninitainnoo. ⁵ Yesus woi yuulung aramating, wunai lei teteng eile suru prente oindodu Musa hulu. ⁶ Du aramaha pali mogyaten Lahatala Naminoo aten obo, loti med taatin ⁷ Duru ei lewe loti hini du yowo yommo atain. ⁸ Ho obo ara toloil pirolo yanoonu, duuin we yuulungnun du yanoo pirolo dangang de yanoo pirnu. ⁹ We nabayou Lahatala anoonu ang hi, naminoo ono hii teweteng ei. ¹⁰ Minumi yuulung Bang Omnumi, Skol Eikenewe woi atana ma nami yataain ohadana. ¹¹ Yesus yuulung ei aboro, " Anayou yoobo atain noo hi woi yang niki duin hi ya ahalapanenn obo ohadana. ¹² Duuin dee obo you loti atain ohowe woi yang niki hi obo ahala panene loti ohadana." ¹³ Yel numi nami eikanewe ana Yesus olap hoo duuin e ya yatang tameng, bo skol eikanewe nami ehapa. ¹⁴ Yesus Ei yo skol eikanewe eeriing no ohi Ei ubang, "dooindu o a buluta, eikanewe dooi doro we Nolaphoo i ehapa ei. Surga leng Madulung Lahatala obang du eikanewe doro ey ¹⁵ Na oabulu u i aramating, ana nami noo nu you Surga leng Madulung Lahatala Obang Awoho Atele eikenewe dooindang duuin he Bang Madulung Om lawadang. ¹⁶ Duuin ang we Yesus yuulung awaahoo berkat med ta e yatang tahir yuulungnun tahir. Nami Kawasa Yesus Atai U Yaay ¹⁷ Du arahamadu Yesus do lami anoo. hi nami nu Teeng hoo eawa yelemimihi nohi atana, " Tunggur, na naba we panene, duuin e weseng ene du named u nei anoo." ¹⁸ Yesus aramating ubang, " Naba eiwe anonoo ubang, naminoo den anoodang Lahatala du yolo noo. ¹⁹ Hukung hele du i ahol;' nami amining ei, bu tau ei, nami o nameddang, baa kalui ei; nami adim aboro ei ada hormat med ma iwi, imi ohodana. ²⁰ Naawolota naba, A hubang hedu na mipaneng ohang, Guru. ²¹ Yesus yeng atele ei awolo dopo edunu nohi om eyaha. Noang we Ei Atana, " paanu dei apanenede dei kurung, aboroyange naba you ara-ara du wail atepeng, noohi barapi med nami Lahala Edalam, duuin we wui piri laana piri Surga midu a med noa, aring du ma Natai." ²² Mating paa dopo ei awolo mongmehi omsusu empiri ohowe toho yaboro wunai ei nami kawasa. ²³ Ohowe Yesus yeng atele skol eikenewe nun du e dunu Ei ubang dooin du, " karaka empiri nami kawasa surga Bang lawa." ²⁴ Aringmating dopo mongmehi skol eikenewe me yeu udu bo Yesus woi yuulung aramating, " oo No oikanewe karaka empiri Lahatala Obang Madulung mohorong du pi lawa. ²⁵ Unta batang boy miholowa du miweleng, nami kawasa Bang Madulung Surga lawa du karaka empiri. ²⁶ Skol eikenewe miyeedu nohi yuulungnun miyatana adihi ananyou selamat med. ²⁷ Yesus yeng atele skol eikenewe edunu noohi Ei aramating, " Naminoo Omupiri empiri de Lahatala Ohadana du Omupiri dang. Yesus Atai Ei Untu ²⁸ Petrus Yesus aramating, " Dooin du ni nalelengarnu du nimed mengang ohowe ni ataiang!" ²⁹ Na naatinoo u i aramating naminoonu ohowe yobang atindang, yodi yamot atain, yoho yomo atain, yo eikenewe atain, dil butu atai wedee nerenge Suru Madulung erenge, ³⁰ Yel du arahama duuin hi oholong, oaboro woimed dang, mo oou i lotimi, ooiobomi, owomi, ma eikanewemi, dilbutumi, mayaha karaka mitede, yang yelnu mi duuin hi wesengmu med u yei anoo. ³¹ Minumi duuin hi Nami nami turu du yowe, nami we du yoturu. Yesus Ei YominiDu Woi Ubang ³² Yuulung nun ara yehamami Yerusalem bang layang anoo, Yesus you yuulung apangpuin, nami yahoir empiri nami ba ara hama-hama lami hedu bros empir, Yesus woi yaboro skol eikenewe aramating naba you woi arang. ³³ I edunu pi do Yerusalem lemidi naminoo Ei nami do med, imam-imam kepala woi med, ahli Taurat ene, nami hukung yang yo umini nohi nami med a nami ba Yahudi hini dang du eni, ³⁴ Nami anooyaha-yaha, nami parang opahur, ang we nami bihio noo hi nami amini duuin de mitaring towo hi woi yatele toho. Yohanis e Yakobus Ebang ³⁵ Du arahama du Zebedeus o eikenewe pirolo Yakobus, e Yohanis Yesus olapho. Nami ubang dooindo; Guru, Ni ei ni om du ni naba we ni ubang hi araleng. ³⁶ Yesus yuulungnun atana, " Naba we i om uma i Nahowo araleng nami aramating dooindu. ³⁷ No duuin hi Niring Oindu Pirnu wa atang teninle mimihi. woimed nu wa atang weengle mimihi, ara oin okuasa ommi. ³⁸ Yesus yuulung aramating dooindo, nab i ubang du i aholdang, yaha karaka airnu ba, tuei ommi du? ³⁹ I nanoo manani nani hi nami iring babtis ma babtis ba babtis med Nohadana duuin noo manani. ⁴⁰ Duuin dee mihi ba imbang e du ma natang weengle mihi you ma, Natang tenenle mimihi aringdu. A Nei ha med i ene dang bo leng ba i ubang hedu med nami Na utarong du ene." ⁴¹ Mating paa do mong mehi skol eikenewe piri airnu du nami Yakobus e Yohanis eeriing. ⁴² Yesus yuulungnun olowiu noh Ei aramating," I ahol ubang nami parente puin ba Yahudi hin dangdu panene aten du mongwede nami iring parente hi duuin. ⁴³ We aring na du panene ma i arahama ei, duuin we ana you om mati puin oma hi ya yanoo i mangsing. ⁴⁴ Ana you yanoo yano nami u ainyanta duuin hi ya yanoo i barapi o mangsing. ⁴⁵ Wunai namino oei ho du a i edunu i ewail dang de ho i e dun i ewala. Hoo yo eny med nami towong ohadana. Yesus Bartimeus Engyaha Anoo Tabiring ⁴⁶ Yel nu mi yuulungnun yang Yerikho mi. Du arahama Yesus skol eikenewe ara Yerikho mi yaboro woi med namino towong ara, nami yaha-yahanu du eng woi yaha eni Barthimeus Timeus o ei yetaporo mimihi. ⁴⁷ Du arahama du ei mehe ubang Yesus ba moin Nazareth mihoo du dumi, we ei olowe, Yesus Daud o ei Om ne yaha ma nani! /v 48 Nami noo towong e hapa a howo poru, bo Ei lowi terus," Daud O ei aniyah manani!" ⁴⁹ Yesus yo air no hi Ei nami ahowo Olowi, yuulungnun nami engyaha du olowi nohi nami ubang. Om ano dumi e toho, Ei olowi he. ⁵⁰ Yatohu yo jubah hing noo hi ya lami Yesus olapwa. ⁵¹ Yesus atana ubang, " Naba we omoma Napanene ohadana? Rabi, nano dil ahol. ⁵² Yesus aramating ubang, " aboro o atinooahol anootabiringang. Mongyebeng ya mongdunu naahol ei yadimi Yesus atai ye ara yehe yang.