Pasemon bab wong nabur ¹ Gusti Yesus mulang maning nang bengawan Galilea akeh banget wong pada ngrubung. ² Terus Yesus mulang akeh kae karo nganggo perumpamaan kaya wulangane Gusti. ³ Rungokna anane wong tani nandus winih. ⁴ Wektu kue agi nyebar ana winih sing tiba nang ndalan terus manuk-manuk pada teka lan winih kue dipangan entek. ⁵ Ana bae sing tiba nang watuan sing lemahe semending winih winih kue cepet tukul merga kurang lemah. ⁶ Tapi wektu kue srengenge munggah tukulan tukulan kue molahi pada alum terus garing lan mati mergane oyode ora jero mlebune. ⁷ Ana bae winih sing tiba nang suketan akeh erine kue tukul lan njepit tukulan kue ngati ora woh. ⁸ Tapi ana bae winih sing tiba nang lemah sing sebut, winih kue tukul terus dadi gede terus ganti, ana sing telung puluh ana sing sewidak lan ana sing ping satus. ⁹ Sawise nyritakna perumpamaan kue Yesus ngomong “Kowe ndue kuping, rungokna.” Pitakon Gusti Yesus nganggo pasemon ¹⁰ Wektu Yesus dewekan, wong-wong sing krungu wulangane bareng-bareng karo wong rolas penderek-Ke njaluk di terangna tegese pasemon kae. ¹¹ Terus Yesus ngomong aring kae kowe wis di wei kekeran kanggo ngerteni kraton Allah nanging wong-wong njaba di wulangi nganggo pasemon. ¹² Ben kowe arep terus nggatekna nanging ora ngerti sing dadi kowe arep terus krungu nanging ora ngerti, supaya pada tobat lan oleh pangapuran. Gusti Yesus nerangeken pasemon wong nabur ¹³ Terus Yesus maring wong wong kue nek kowe ora ngerti pasemon kue keprie kowe bisa ngerti pasemon sing liane? ¹⁴ Penabur kue wong sing nerangna kabar sekang Gusti Yesus. ¹⁵ Bibit sing tiba nang ndalan ibarat wong wong sing krungu kabar keslametan sekang Gusti sawise setan krungu banyur teka njiot Sabda Allah sing wis nang njero atine wong kae. ¹⁶ Bibit sing tiba nang nggon watu watu ibarat wong wong sing krungu kabar kue lan terus nampa kanthi seneng atine. ¹⁷ Nanging kabar kue ora bisa ngoyod nang njero atine wong kue, kaya kue deweke, sengsara lan penyiksaan mulane deweke terus murtad. ¹⁸ Winih sing tiba nang tegal suketan kue ibarat wong wong sing krungu kabar kue, ¹⁹ nanging kewatir soal uripe mewah karepe kepengin nang atine dewek sawise kabar sekang Gusti Allah mlebu nang njero atine deweke banjur ora bisa ngasilke woh. ²⁰ Winih sing tiba nang tanah subur kue ibarat wong wong sing krungu kabar kue nampani who-wohe akeh ana sing 30, ana sing 60, lan ana sing ping100. Lampu sing ditutup karo tempayan ²¹ Terus Yesus ngomong, “Apa ana wong sing nggawa damar terus ditutupi kranjang utawa ngletakna ning ngisor amben? Apa ora numpangna nang padamaran? ²² Ora ana sing di umpetna sing ora arep keton, lan ora ana sing dirahasikna, sing ora arep dibongkar. ²³ Sebab kue nek due kuping ngrungokna. ²⁴ Terus Yesus ngomong maning, gatekna apa sing koe krungu kie, cara sing koe enggo. Kanggo wong lia arep dienggo maning nang Gusti Allah lan dienggo wong lewih akeh. ²⁵ Sebab wong sing wis due arep diwei lewih akeh maning, nanging wong sing ora ndue, sing esih ana ning deweke arep dijiot kebeh. Pasemon bab wiji sing thukul ²⁶ Yesus nerusna omonganNe maning, Kraton Allah kue kaya kiye: nek Allah kongkon dadi Raja, umpamane kaya wong sing nyebar winih nang kebon. ²⁷ Nek mbengi deweke turu, nek awan deweke tangi lan sementara kue, winih-winih kue pada tukul nganti duwur, nanging keprie carane winih-winih kue bisa thukul lan dadi duwur, wong kue ora ngerti. ²⁸ Lemah kue sing ngetokna kasih nganggo carane dewek, sampe ngetokna woh-wohan. ²⁹ Lan nek gandum kue wis mateng, wong kue mulai ngarit karo wis wektune kanggo maneni. Pasemon benih sawi ³⁰ Nek Gusti mrentah, karo apa Deweke bisa dibandingake? Takon Yesus maning “nganggo cara apa dewek bisa njelasna? ³¹ Yen Gusti mrentah kahanane kaya pasemon. Kie kaya biji sawi dijiot nang wong terus ditandur nang lemah. Wiji sawi kue sing paling cilik nang ndunya. ³² Tapi nek wis thukul kue dadi sing paling gede ning antarane tanduran-tanduran. Cawang-cawange akeh banget nganti bisa dari pangayoman manuk-manuk sing nggawe susuh nang nginsore. ³³ Kaya kue Yesus mulangi wong nganggo cara pasemonan sing bisa dingerteni. ³⁴ Yesus ora tau ngomong karo wong liyane ora nganggo pasemon. Nanging nek dewekan karo karo penderek-Ke, Deweke tansah nerangna. Gusti Yesus nyetop angin ribut ³⁵ Wektu sore kue Yesus ngomong karo penderek pendereke, “Ayo bareng bareng numpak prau ning sebelah kana.” ³⁶ Dadine Yesus lan penderek-Ke ninggalana wong akeh lan nderekake Yesus sing wis ning prahu. Prahu liane uga melu. ³⁷ Ora sue maning teka prahara karo angin, lan ombake pada nyempyok-nyempyok mlebu ning prau nganti prehune wis arep kebek banyu. ³⁸ Nang Yesus lagi sare nanggo bantal nang mburi prahu. Pendereke nggugah Yesus lan ngomong, “Guru, apa Panjenengan ora nggalih nek aku kabeh arep mati?” ³⁹ Yesus tangi banjur mbentak angin kue, lan ngomong maring telagane, "Menenga, lan dadi anteng!" Terus angine mandeg telagane dadi anteng. ⁴⁰ Terus Yesus ngomong maring penderek penderek kenang apa koe wedi, kenang apa koe esih ora pada ngandel maring Aku? ⁴¹ Terus penderek-Ke pada wedi lan pada guneman, “Sapa ya wong kie sebenere, nganti angin karo telaga bae pada manut?”