¹ Sobo, Saulus, ho Tuhan Yesus o'sakola aibar ho, sa beh par, amine atubing horo sei masing, sam Imam mate abung, ² sura' bang, tahow mong a'ome bang Damsyik mi en sobarpi, honie sa taromi name Lahtal o'atino bit o'se'burho lol eh sa ahol, ob em lote, sa sipi ara sam Yerusalem mi tahang. ³ O' lame om homi, sam Damsyik abung, seh-seh he' lel mate tong burangta hel ari fading. ⁴ Mang horo, sa ol faai ta hel, name a'mang pa' ho' ara mateng, "Saulus, Saulus, naba ei sofe a' nano' sah-sah?" ⁵ Saulus a'tan, "ari anoso, tuang?" sa ara mateng, "Nariso Yesus, ba a' beh par eh. ⁶ Honi sobo, toh mid bang pali' lamid, hemomi amfe nabafe a panen ho u aramateng." ⁷ Nameba Saulus ara ham-ham samho, matengpa' ho maeh horo he'e mateng sah toh adobe, honi sobo sipi e name den ahol nene. ⁸ Saulus vaai ta sahir toh, e'fail sari during meng sobo, sa e dun na ahol nene am. Nameba araho, e puin a'tang puin ara sam Damsyik mi. ⁹ Tareng tow om mi, Saulus e dun na ahol nene, na'de seina di a'ai. ¹⁰ Sel ho a'raham, sakola ainu ani Ananias a'ra Damsyik mi. o' ahol mi Lahtal ara mateng, "Ananias!" Ananias ubang ho, "Nariba ho, Tuhan." ¹¹ No' Tuhan ara mateng, "Toh, sam se'mulang ho lol sam Yudas o bang mi, Tarsus o' name ani Saulus ho lap, fede ai ho a'ome eh, ¹² No' sa ahol mi, ainu ani Ananias ho' satang tapuin he'e, sa dun na aholam." ¹³ Sobo, Ananias ubangho, "Tuhan, aiho na name tofang abung ma eham, nasah tofang sa panen name bolang ernu Yerusalem mi ho a'raham, ¹⁴ ho'omi ho, sa Imam tofang o'parenta puin, honie nameba Ani u'lofe eh ho, sa apuin tahang." ¹⁵ Honi sobo, Tuhan aramateng, "A'sam, fede' ai ho'o Nariso ale' tara' med, a'how Nani fitlame bang ernu arian, afen ernu aramateng med Israel hinung di aramateng. ¹⁶ Fede', Na ma' u etub, sa karang lapec tofang a'laife, fede' Nani eile." ¹⁷ No, Ananias sam bang ho lemid, satang Saulus tapuin no' he'e sa ubang, "no diail Saulus, a mong sehamba ho'o leho' bit ho, Tuhan Yesus so Sari med etub, Sa nahow olap ho' honie a dun na'hol med Roh Bolangdi ara a'rimi afeng." ¹⁸ Mang horo, he'e nanu mang fede' ab ining honi ho, e'fail miher, sadun na ahol no, sa toh sei tuling tow med. BAANG KAAI ERNU FALING TIEINU SAM ERALO FALING ALO SAULUS SA YESUS ANI UMATENG LAME O'AAINANG ¹⁹ Na'de no' he'e, Saulus kufa' med. Sa sakola aibar mong Damsyik miho, sa ara tareng den-den om mi. ²⁰ No' horo, sa hano ang Yesus aniho u'mateng ta'unung a'ome eleme a'rian, sa ubang, "Yesus horo Lahtal ai." ²¹ Name tofangba o'mateng ma'eh ho, sahoir ubangho, "E sari nene, ai horoba Yerusalem mi aiba sa ani bit eh ho amine eh ho, sa foil ho'o leho' o'tanutho sipi apec ara imam-imam hinung olap sam?" ²² Honi sobo, Saulus mang o'kufa'ta, horo Yahudi hinung Damsyik miho om'upir fede' sa atel puin ubangho Yesus horofe Kristus. BAANG KAAI ERALO FALING TOW SAM ERALO FALING IFING SAULUS YAHUDI O NAME PIRDEN ANAI IL MIMUJ ²³ Tareng den ho an, Yahudi hinung sara som nu ham honie Saulus amine, ²⁴ sobo, sipi sara gahain som nu ho Saulus ahol. Sipi se ar nun ho u bu'ang dilel dilpaka honie sa sipi Saulus amine no'. ²⁵ Honi sobo, Saulus o'sakola aibar dilpaka puin a'rasam, samengfo lafining ta sipi med keranjang numi, hei puin nod no' sipi alorang pong hel. BAANG KAAI ERALO FALING TALANG SAM ERTOW FALING NU SAULUS YERUSALEM MI ²⁶ Saulus sam Yerusalem mi no' horo he'e, saridi om sakola aibar ara ta'unung uma. Honibo, sipi barpi elbaroc, fede' saridi sakola ai nuamso honiho sipi e o'atino a'hol dai. ²⁷ Sobo, Barnabas Saulus atang puin a'rasam sakola aibar a'bung, sipi aramateng, taro'nife sa seham mi dun Tuhan a'hol, Tuhan aramateng taro'ni, no' he'e taro'nife sa Damsyik mi Yesus ani umatengho sa e baroc nene. ²⁸ No' he'e, Saulus sipi a'ra ham-ham Yerusalem lemid lehel Yesus ani umateng, baroc banibung e ara sipi afah mi nene. ²⁹ Sa mateng Helenis hinung ara tetang, horo Helenis hinung se'bur lap amine bit. ³⁰ O' diail bar ba ara u'dume nuho sarinaho' ahol, sipi Saulus ara Kaisarea lehel, sipi a'how Tarsus leam. ³¹ Horofe, name o'atino' bit ba ara Yudea mi, Galilea mi, med mong Samaria mi tining talaj med a'bow. No' e'e fetang Lahtal u baroc, Roh Bolang om mi bad herang, sipi tofang lu ung mangta. BAANG KAAI ERTOW FALING ALO SAM ERUT FALING TOW PETRUS MONG LIDA BANG MED YOPE BANG MI ³² Selnu mi, Petrus lame pali'ho fading, sa sam name Yesus o'atino' bit ara Lida pali' mi ho edun o'malil sobarpi. ³³ Hemo mi, ainu ani Eneas ho, so de' tatar o'lufang tun turloam, fede' sa tu'ung. ³⁴ Horo, Petrus aramateng, "Eneas, Yesus Kristus ano' birang. Toh e, o'de' ho utaro!" Mang horo he'e Eneas toh. ³⁵ Horo, name no' nunba Lida pali' med Saron pali' miho ahol horo he'e sipi sadimang Lahtal a'taain. ³⁶ Selnu a'raham, mong Yope mi, sakola ob ainu ani Tabita, ano' lel he'e Dorkas. Sariho panen aten no' so ara afah mi, ukarang esah so ara o panen mi. ³⁷ Sel hair om homi, sa mode horo he'e min. No' he'e, name tofang a'foil, sipi aramid bang om lafining lemid a'tarang. ³⁸ Fede' Lida pali' ho Yope abung, sakola aibar, ma eh Petrus ara hemo mi, sipi name alo ahow sam Petrus abung no' aramateng, "sel a'luil e ba, nira mong ni emele leam!" ³⁹ Mang horo, Petrus toh sipi ara ham-ham sam. Mang sam mong, sipi Petrus ara bang om lafining lemid. Alofe nun Petrus atote mitoh a hain, fen duming tew ei ho u'tub, med fen beng ba Dorkas dai fetang he'e sipi ara ham-ham panen ho. ⁴⁰ Sobo, Petrus sipi ahow hel barpi, no' Petrus fa'ur muding Lahtal a'bang. No' sa Tabita o benc ho edun aramateng, "Tabita, ahirtoh!" Horo he'e ai'ob ho seng alel dun Petrus ahol sa toh mih. ⁴¹ Petrus satang arafa apuin atuhuin No' horo he'e, sa name Lahtal udume med alofebarnun sa o lofe, sa med sipi etub ubangho, Tabita fetang am. ⁴² Sari na ho'o o mateng te'eng Yope pali' ho mipir, name tofang Lahtal o'atino' ubang. ⁴³ Petrus Yope homi so lufang, o mih o tar ho sa Simon ba tifah u karesang horofe sa ara.