RASUL HINUNG O'SURA' ASEL MATE TALANG
1
Sel tana ap, sakola aibar mang tofang ta, sahoir sabob pa'nu ara Helenis hinung anai latel fa Ibrani hinung ba pali mi a'boco ho araham, fede' sipi o'a'lofe bar nun ukarang sel a'rian ho sipi e panen neneam.
2
Horo he'e sakola pir ernu faling alo so beng bar o'lofe ho' ubang ho, "Niraham homi e abul nene, mang fede' Lahtal o fom pa'ho e a'no'lame nene, fa omeja araham.
3
Honife, inai homi i ile' iri utara' pir itito med, o'ahol mi, no'ham, Roh Bolang, na ahol dil ma eh ara sipi afeng, ni afoh med karesang baleta ho' u ad.
4
Ma niriho, ni dume toh aome, med Fom pa' mateng pa' ho ni ano' lame.''
5
Mateng pa' ho'o, name tofang om sanang apang no' sipi name tara sari ho, Stefanus ai ba o udume kufa' Roh bolang ara, foil o'ata'ain honi he'e, Filipus, Prokhorus, Nikanor, Timon, Parmenas med Nikolaus Antiokia o'name.
6
Name sipi a'ra ho' sakola aibar abung, sipi aome sonang itito ho sakola aibar satang ta a'hir.
7
Lahtal o fom pa' u mateng pali' arian, sakola aibar Yerusalem mi mang tofang ta, Yahudi hinung o lafung sariho Imam barmate nudi ma udume ho a'lol a'taain.
BAANG KAAI TURLO SAM ERNU FALING IFING MIMENG
STEFANUS NAME A'PUIN
8
Stefanus ho, tutung kufa' afah ahir mi, na u tahoir ernu sa panen tofang anai mi.
9
Sobo, name pirden ara lubung ta unung, name ho Libertini hinung, med Kirene o'name, Kilikia med Asia o name sahirtoh Stefanus ara mateng sari lafang.
10
Honi sobo sipi Stefanus lafang sah, fede' Stefanus mateng lurung eh sobo Roh Bolang at ta afu' ta.
11
Sipi por-por name om hoc ahow mateng, "Ni ma'eh! ai ho'o mateng sah bit Musa a'raham, med Lahtal di a'raham!"
12
Sipi name tofang om hoc, tumo' bar med salang sura' o mate, sipi a'how Stefanus o lap ho' apuin arasam mate a'bung.
13
Sipi ladimang labor o'name tofang a'ra ho' sipi ubang ho, ai ho'o, mateng pa' sah mamang ubang ma emele bolang med salang sura' a'raham hi' nene a lorang nene.
14
Fede' ni abung ma eh sa ubang ho, Yesus Nazaret hinung ho, sa eleme ho' a'utung, no' he'e hada damuhuinba Musa med ten ho sa tiling.
15
No' Stefanus apongfa' edun, name tofang ba lubung homi ho, sipi apongfa' edun he'e mang fede' malaikat apongfa' honi.