RASUL HINUNG O SURA' ASEL MATE ERALO FALING IFING
1
Alai mi tareng tow, Festus sam pali' homi, sa Kaisarea misam Yerusalem leam.
2
Dor bu'ang o'kapal ernu med Yahudi o' parenta aneng taany ernu arafa puin Paulus o' a'hal lap, sipi Paulus a'bang a'titino',
3
honie sa om bala ara, honi name a'how Paulus a'ra Yerusalem leam, sipi u gahain tining, sipi Paulus a'rasam seham he'e sipi amine.
4
Festus ubangho, Paulus sei Kaisarea mi tahang mieh, solo sobo sa uil hanoang hemo leam.
5
"Sa ubangho, "Sei hairta sa i aneng ernuso nara hel hemomi, honie mang fede' sari ai ho a'hal den araso, honi he'e sipi ham-ham sona u mateng."
6
Festus sipi a'ra homi tareng ernu, sa sabor Kaisarea leam. Midilel sa abur lang a'lang o' kadera ho tamih, sa parenta Paulus ara apong adang mi.
7
Paulus mang a'ra horo he'e, Yahudi hinung tong Yerusalem mihel toh a'ri fading, taany tofang fa Paulus a'raham sobo, o pilang dume a'ai.
8
Mang horo Paulus mateng sari ebang, "Nasah den na e panen dai, fa Yahudi o'salang sura' so em, fa Lahtal o' Bang Bolang soem fa Mate a'ra ham so."
9
Honi sobo, Yahudi tofang om a'no sanangfe horoba, Festus Paulus a'ramateng, "A' inung Yerusalem lemid sa name o'abul ahal ho u'hu' u timba nadang mi?"
10
Sobo Paulus ubangho, "Eleme mi no a'hal no a'bul a'holfe ho, mong parenta areng abung. Na nasah den panen Yahudi hinung a'raham dai, sariho iridi a'hol.
11
Honife, mang fede' na a'hal sariho na nasah panen o' om mi na umin utabangfesa, hodi na e' te'eng nene. Honi sobo, sipi no a'hal lap ho, e a'bul nene, honi he'e mang ano horodi, nari med sipi en sah. Honi he'e, na foil sipi abor kala' tong mate mi lafining o' de' o' kadere ta."
12
No' he'e, Festus sa bengfal a'ra tanut to tiling, sa ubangho, "A' kala' tong mate nemota abungfe a heto leam."
BAANG KAAI ERNU FALING TOW SAM ERALO FALING ITITO MIMENG
FESTUS AFEN MATE AGRIPA ATAN PAULUS UTAAIN
13
Alai tareng den-den he, Afen Agripa med Bernike ho' Kaisareami, ada mahen med Festus a'raham.
14
Sipi hemomi tareng den-den om mi, Festus Paulus o' parakara u' afen a'ramateng ubangho, "Ainu ho Feliks med tahang bang mi so a'mihing meng.
15
Ho araham na Yerusalem mi he'e, Yahudi o' tumo'bar med dor buang o' name o' se'bur lap ara parakara, sipi bang honie aiho med sapirimi.
16
Na sipi a'ramateng ubang, e sano' Roma hinung o' asalanu honie, puin name a'halnu a'lorang med nameba aiho lafang eh ho ara sahol sapong to ade, sel luling med en honie parakara ho sa u sari ebang panenfe.
17
Sipi ho' ta'unung ho' mi ho, parakara na e a'luil nene, midilel na parakara umateng o' kadera tamih, na name parenta honie, aiho ara nolap ho.
18
Nameba o' a'hal lapeh sahirtoh, sipi mateng ernu ubang sobo ari'ing fail puin nene, mang fede' no tanut mi honi nene.
19
Honi sobo, seilalho, nabaang den sipi e u inung nene fa ai ho a'raham, sariho, sipi ei lubung o' a'tino' ubang ei araham, med aini ani Yesusho minam, sobo Paulus o' atino' bit ubangho Sa sofetang.
20
Osel nom upir naho'o paresa, na'itan, sa inung sam mong Yerusalem hemo mi eh name a'fom a'pahang.
21
Sobo, Paulus mid utah med tahang Kaiser sama pa' amuj u'alepang, na parenta puin na so tahang sam na so tahow med Kaiser en."
22
No' horo, Agripa sa Festus a'ra mateng, "Nandi nom aiho u alepang uma." Festus ubangho, "Dilel fe a ma eh alepang."
23
Midilel, Festus med Bernike, sofen karang puin honiamfe ho' bang om mi parakara ei ho lemadong, mali fen puin ernu med pali' ho o lafung ernu barpi ara. No' horo he'e, Festus parenta Paulus ara bang om lamadong.
24
Festus mateng, "Afen mate Agripa med piriba ara ho' mi ho so barpi. Aiho' edun, Yahudi hinung u nabang, oba mong Yerusalem mi, oba ara ho'mi sobarpi, sipi taba' tale ang ubangho, ai ho'o ha'ai ho'mi fetang lufang e.
25
Honi sobo, na a'hol ho, ai ho, e naden panen o hukung ba minfe ho a'ai. Med sa foil parakara tong ari mi mate abung ho na o pol amuj, tahow mong Kaiser en.
26
Sobo, na o atino' e a'ra nabung nene honife na e hul med en nene, nomate. Honife, aiho'o na a'ra ho' ibung mitata ari Afen Agripa. Honie, i paresa no'am he'e, o lel nu a'ra nahul.
27
E no tanut araham nene, sariho, name tahang om mi tahow sobo, se'bur lap ernu fa a'raham ho e lel nene."