RASUL HINUNG O' SURA' ASEL MATE ERALO FALING NU
1
Ni mang sipi ad horo he'e lame, ni so a'bul tang lol mong Kos leam, foil mi dilel nimong Rodos leam, hemomi ni sam Patara leam,
2
hemomi ni kapala mong Fenisia leam ho ahol, ni mid ta horo he'e ni lame.
3
Seh-seh he'e, Siprus ni udun, nifiing lol lame a'lai, ni a'bul puin mong Siria mi, no' he'e ni sam Tirus mihel, fede' na an an ba kapala om mi ho, homi a'rahel.
4
Sakola aibar homi ni a'hol, ni homi tareng itito. Roh om mi, sipi Paulus a'fom sa ha ai Yerusalem lemid e.
5
Ni hemomi sam sel oh horo he'e, ni nilame ho u hamow. Sipi sobarpi ob ai ara nirasam pong luling lehel. Mang sam tut ta, homi faur uding a'ome,
6
ni ada mahen ubang fa nu a'raham ma nu a'raham. No' horo he'e ni kapala hil, sipi sabor bang leam.
7
Lame o' a'muj mi, nimong Tirus mi sam mong Ptolemais mi, diailbar o'udume ara ho, ni ada mahen ubang a'raham, ni sipi ara homi fednu om mi.
8
Mi dilel, ni mong Kaisarea leam, nisam ai sura' bolang u mateng ei ani Filipus, ni o' bag om lemid, sariho, sanang itito homi ho o'nu, ni a'ra homi mih homi tar.
9
Sariho, o'ai lafat pirut, na tel tafuningdi sipi o'lel ubang no'.
10
Nihomi tareng de-den om mi, name om hul nu ani Agabus tong Yudea mihel.
11
Sa ho' nihol, sa Paulus o' sapi uil med, so bobom se apec satang apec, no' he'e sa ubang ho, "Ho'oro Roh Bolang umateng, 'Na ho'oro Yahudi hinung Yerusalem mi ho maa panen puin naba o' sapi uil araho a'pec, med bang airnu atang mi."
12
Ni mang naho ma eh horo he'e, niri med name tofang ba a'ra homi ho, Paulus a'bang honie, sa ha'ai Yerusalem lemid nene.
13
Horo, Paulus ubang ho, "nabafe i panen, na a'hain nom hei hi'? Fede' na a'dang toh, ha'ai bite name napec, mindi na inung tong Yerusalem mi, fede' Afen Yesus ani eile."
14
Fede', Paulus ho o'a'tino' a'holfe u sa'ain, horo nimang poram, ni ubangho, "Sei hairta honie sa Lahtal ei inung so a'ra."
15
Sari sel om ho, mang no' ni niri taping Yerusalem leam.
16
Sakola pirden mong Kaisarea mi ho' hodi nira ham-ham sam, nisam Siprus o'namenu ani Menason o'bang mi, sari hodi sakola ainu ni ara so lufang.
O BAANG KAAI ERNU FALING ITITO SAM ERALO FALING IFING
PAULUS SAM YAKOBUS E'DUN
17
Nimang sam Yerusalem mi he'e di ailbar Lahtal om mifetang nun ho, niri med, apano' empir.
18
Sel o' a'taain, ni Paulus ara ham-ham sam Yakobus e'dun, med Penatua barpi ho'.
19
Ada mahen bit sipi a'raham, no' he'e, Paulus sa alomang lol nunu umateng, naba Lahtal panen med bang tofang a'nai meng o'karesang o'baleta om mi ho, sa ubang.
20
Sipi mang ma'eh horo he'e, sipi Lahtal u'tarain. No' horo, sipi Paulus a'ramateng, "Edun nodi ail name no' rib den Yahudi tofang a'nai, hemomi sipi o'atino' bit, sipi barpi hap mateng sara' ubaleta,
21
med ariho sipi en ma' eham, sariho, a Yahudi tofang a'no' na' hol dil ma'eh bang pali' beng anai homi, honie sipi Musa o hap maring ho el uling, sipi a'ramateng, honie, so aibar ho, o'hor o'tato' nene, med lame toh pi hada damuhuin a'ta ain e.
22
No he'e, nabafe pi panen? Sipi uil-uil ma'eh bite a ho'am.
23
Honife, nabafe ni u'aramatengam, horo a panen. Name pirut ninai homi, sipi ara ham-ham paha' efar.
24
Sipi a'ra sam, ino' bolang no' he'e sipi o seng med en, honie sipi selafung ta oin. Honie name tofang a'hol, sariho, ladimang labor tofang sipi a'ramateng ma araham, sobo, aridiba hap maring ho a'tain fetang.
25
Sobo, bang tofang bengba o'atino' ubangam ho, ni o'sura'hul, inung ham sariho sipi uil-uil,
'hir med foiba fisam mong ti ah foi ahamho el uling,
med nabafe adu amatang,
foil med a'hal panen fa ob bar a'raham ho e'let.' "
O' BAANG KAAI ERALO FALING TALANG SAM ERUT MIMENG
PAULUS NAME APUIN
26
O' a'taain, Paulus namenun ho arasam, midilel sa name ho ara ham-ham sipi sano' bolang, Paulus Lahtal o bang om lemid, bolang manep o'sel a'lai eham ho umateng selho a'raham lelang ernuba puin Lahtal o' no' ubang ho med sipi e'dalam.
27
E'dai tareng itito ho an, Yahudi hinung Asia miho dun he'e, Paulus Lahtal o'bang om mieh, sipi name tofang om lehel Paulus a'puin,
28
sipi lofe id ubang ho, "O.... Israel hinung, nieita! Ai ho'orofe nameno' taro taromi ho, au a'tangta honie pibang pipali' ho'o lafang, med hap maring Yahudi o'sura' mi ong eleme ho' mi. Med o' mitata ho, sa Yunani hinung ara Lahtal o' bang om lemid, bang om bolang ho a'no' komeam!"
29
Fede' dai ehta sipi a'hol he'e, Trofimus ba Efesus o' name ho, a'ra ham-ham bang pali' homi, sipi tanat he'e, Paulus ai hodi a'ra Lahtal o' bang om lemidam.
30
Horo he'e pali' ho mitanobah mate, name no' ernu ho' pali' ho afeng. Sipi Paulus a'puin Lahtal o' bang om homi baring luling lehel, no' he'e se ar ernu sipi utel.
31
Paulus aminefe ho, sipi dai o' tanut lap eh he'e, samoi te'eng mong bel lamuil Roma miho, o' kapal abung ubang ho, Yerusalem pali' ho, ara loil amain mate om mi.
32
Mang homi, sa so sefar nun ara te'eng hel name ho olap hel. Sipi mang dun bel lamuil ernu med o' kapal ho a'hol horo he'e, sipi Paulus beh par ho sono.
33
Mang no' he'e bel lamuil o kapal fa Paulus apuin, sa so sefar nun a'how rante hei alo puin Paulus nod. No' sa Paulus a'tan, Paulus ho ano, nabafe sa panenam.
34
Honi sobo, name tofang nanu u lofe u id med o' beng foil ta... Sobo, naba ei a'raham sofe, loil a'main a'ra ho, sa e a'hol nene, sa name a how Paulus a'ra sam bel lamuil ernu o' lubung ta' unung emele leam.
35
Mang sam afe ta he'e, Paulus ho bel lamuil bung ho e'puin a'tang puin fede' name tofang se'de satang de,
36
name a'taain solame lofe id ubangho, "Mang amine!"
37
Paulus name a'ra bu'ang bang om lemid bit he'e, Paulus lamuil o' kapal aramateng ubang ho' ni, "Na nanu u aramateng noem e'nene?" Horo lamuil o' kapal a'tan, "A Yunani o mateng a' hol?
38
Mang fede' honiso, ari e Mesir hinung ba sel talaian om mi dil a'sahain bang a'sahain med name ba name amine rib ut ho o' kapal nene?"
39
Sobo Paulus ubang ho, "Nari ho'o Yahudi hinung mong Tarsus mi ho' bang asel o' name. Na abang a inung, na name tofamg ho a'ra mateng."
40
Lamuil o' kapal inung, Paulus afe tatoh satang a'fefa'. Pali' tining rameng, horo he'e, sa Ibrani o' mateng o lurung puin sipi a'ra mateng