RASUL NUN O SURA' ( 12 ) ERNU FALING ALO
1
Sel ho araham, afen Herodes satang atel fa namde pirden ba Jumaat mi ho baeh par.
2
Neiy pun Yakobus ba Yohanes o uding ho amine.
3
Ho araham Herodes edun he'e o panen ho Yahudi hinung om tamuj, sa foiy sadimang Petrus di apuin. Na ho ara o em Haer mate Roti o ragi ha'aiy om mi.
4
Sa mang Petrus apuin no', sa aramid hukung bang mi alorang soldaj lubung ut en hunie buang, otanut ho, mang Paskah no, fitsam name lafoh apong'dang.
5
Horo, Pertrus supi tahang hukung bang mi, sobo a'ome fa Petrus araham, jumaat aome Lahtal abang o hi' o alorang ha'aiy. TUHAN O MALAIKAT HUKUNG BANG MI PETRUS ANO' IL
6
Dil pana nu mi, ho araham Herodes musti Petrus ara luling lehel, Petrus soldaj pir alo o'anaiy mi tar eh, rante hey alo puin apec, med name o buang eh ho, se'ar muka mi alol dun lame eh.
7
Mi se-seh, Tuhan o malaikat Petrus abung toh horo o lel hukung bang om ho mi lel pir, horo malaikat ho Petrus atote nemang mi beh ahow toh, ubang ho, "er toh!", horo rante heiy nun ho atang mi tup muj.
8
Horo, malaikat ho ara mateng, "A heng ho apec o sendal ho tamang." horo sa akala o rupa honi. Horo he'e, sa ara hu'tang, "O kod laiy ho mang e na ta'ain!"
9
Horo, Petrus hel malaikat ho ata'ain. sa e ahol nene bite na ba malaikat panen eh ho na atino' so, eiy om bite sa dun nanu ahol eh so.
10
Ho araham supi o buang eiy a'aiy nang med o mialo mi eiy ho a'laiy, supi sam se'ar naol mate mong bang pali' mate leam eiy ho mi. sear mate ho solo sari during supi araham, horo supi hel lame sam se ka'aiy nu mi, horo mi se-seh malaikat ho Petrus atayin.
11
Ho'araham Petrus daiy sahol naba so arupa' araham eh, sa ubang ho, "Fed ho'o, na abul-abul ahol bite Tuhan so malaikat ahow honie Herodes atang om mi nano' il med na an-an ba Yahudi hinung ukuru eh."
12
Petrus mang na ho ahol no', sa sam Maria obang mi, Yohanes ba name ubang Markus ho ofo, name lafoh o bang mi ta'unung a'ome eh.
13
Ho araham Petrus sear mate ho afauw, name baleta ob nu ani Rode ho' sear ho during.
14
Sa mang Petrus amang der ho ahol, asel apang no' bi' sa e sear ho during nene, sobo te'eng bang om lemid horo ubang bite petrus mukami sear mate araham tufeh.
15
Supi rode ara mateng, "O tanut e abul nene!" Honi sobo, Rode ubang bite ma'honi ho, supi so aramateng eh bite, "Ho o malaikat so."
16
Honi sobo, Petrus so sear afauw eh, supi mang se'ar ho during, supi edun he'e Petrus so horo supi siud.
17
Sobo, Petrus mang satang puin o utub nu akala no' he'e supi tining, horo he'e sa Tuhan ara hukung bang mi hel ho u supi ara hu'tang. Sa ubang ho, "Na ho' o fit sam, Yakobus med diay bar o udume ham nun ho ara hu'tang." Horo, sa foiy sam eleme beng leam.
18
Ho araham di lel ma eh, soldaj nun sara loiy mate, fa na ba Petrus arupa' am ho araham. HERODES O MIN MI
19
Ho araham Herodes Petrus lap bo e ahol nene, sa name o bu'ang eiy ho parasa, parenta e supi amine. Horo, Herodes Yodea mi hel Kaisarea lema hemomi seleme med.
20
Sel ho ara ham, Herodes ari'ing bi fa Tirus med Sidon hinung araham, horo supi som nu, supi ho' Herodes olap, Blastus ba Afen o bang om u baleta eiy ho, mang om bang no', supi abang honie mang sara no', asel supi o bang pali' o ade na eiy ho, mong Herodes o bang pali' fe mi tahow ho'.
21
mong sel ba supi u sofo am ho, Herodes seleme selafeng o fen mang, Kadere o abul ahal eiy ho tamih, horo he'e pe' lurung supi ara ham.
22
Serang beat bite, "Ho'o ho lahtal amang pa', e nameno' nene!"
23
So horo he'e, Tuhan o malaikat nu afel ba' asel sa e Lahtal afoh atel nene, horo kadile bung afah ahir ade sam so min.
24
Honi sobo, Tuhan o fom pa' mang abow lafoh latel ta.
25
Horo, Barnabas med Saulus mang so karesang baleta ho ano' an no', supi sabor Yerusalem mi, Supi Yohanes ba name olove Markus hodi adaiy.