RASUL NUN O SURA' ( 11 ) ERNU FALING NU
1
Ho araham ho, rasul nun med o diail bar nun Yodea mi ba o udume ham ho, maeh bite name ba e Yahudi hinung nene di fompa' medam.
2
Horo eiy fe, ho araham Petrus mid Yerusalem mi, name ba sunat am ho otanut ara salahain.
3
o ubang ho, "I sam name ba e sunat nene ho abung am fe supi ara na'ade."
4
honi sobo, Petrus na ho nu-nu u supi ara hu'tang ubang ho,
5
"Na mong Yope bang pali' mi a'ome eh, mi ta'ahol nene, na dun na nu ahol, nanu ho mang fede' napah habu nu laiy hel, laiy ting ut burang mi hel, asari na ho ho' fanang nabung.
6
Na mang edun no' he'e, na tining-tining edun, he'e binangta e'fa ut pali' mate ta, binangta falefang, binangta hod lame nun, med hiuw lelang ernu luling ham mi.
7
Nari di maeh amang pa' nu ho' nabung ubang ho, 'Toh, petrus, doro ta'oin amine e ade ema!'
8
sobo, na ubang ho, 'a'aiy Tuhan. Asel, na osah em o u nehapam e nat om di lemid daiy.'
9
honi sobo, amang pa' ho foiy o mialo mi burang mi mateng abor hel ubang ho, 'Naba fe Lahtal u sofo am ho, ha'aiy o sah bit e'!
10
na ho' o ara mi tow, horo barpi ho sabor burang lemid.
11
Edun ema, sel ho araham horo, name pir tow name ahow ho' bang ba na mieh homi, mong Kaisarea mi.
12
Horo he'e, roh nara hu'tang hunie ha'aiy foiy u no atan e, supi ara ham-ham sam. no diaiy udume ham ho, sonang talang hodi nara sam, horo ni sam aiy ho o banh lemid.
13
horo, sa nira mateng ubang ho malaikat obang mi toh hu'tang bite, 'Name ahow Yope leam Simon ba name ani bit Petrus ho ahow ho',
14
honie sa maring pa' ho u ara hu'tang, sari maring pa' ho ari med name ba ara bang nu ho ano' il luling.'
15
Na daiy hu'tang eh honi he'e, Roh Bolang hel supi ta, mang fede' o a'aiynang mi tarupa' honi.
16
Horo, na Tuhan o mateng pa' ho u tanut ahol, ho araham Sa ubang ho, 'Yohanes seiy puin name afoy, sobo iri ma' Roh Bolang puin i foiy.'
17
Honin fe, Lahtal so ukarang med supi en ho ham orupa pi mang Tuhan Yesus kristus o atino' bit no' Sa med ten honi, nari ho'o ano so fe na Lahtal ho o se bo' no'?
18
Ho' araham, supi mang na an-an ho ma'eh, Supi tining oh, no' Lahtal ani utarain ubang ho, "Honin so he'e, Lahtal di o ukarang ara am, fa name nun ba e Yahudi nene, bo safom am ho araham, fa mong fetang ho lefa."
INJIL SAM ANTIOKHIA MI
19
Horo he'e, nameno' nun ba tari' taberang laher, asel beh par fa Stefanus arupa' ho, tabite mong Fenisia, Siprus, med Antiokhia, honie e Tuhan o fom pa u namenu di emaring nene seiy lal fa Yahudi hinung araham.
20
Sobo, name pirden ba supi ara ho, Siprus med kirene hinung, ho' Antiokhia le ho' supi di Helenis hinung ara hu'tang, honi sobo Tuhan Yesus di u maring eh.
21
Tuhan atang so supi ara eh, name lafoh sabor Tuhan o atino' bit.
22
supi o maring pa lil sam jumaat Yerusalem afel mi, horo supi Barnabas ahow Antiokhia leam.
23
Ho' araham Barnabas sam mog horo, sa Lahtal o ukarang ho edun, sa bad herang no' fom pahang med supi en barpi, honie supi som ano' dume Tuhan horo ata'ain.
24
Asel Barnabas ho name om no', Roh Bolang om afeng med o udume horo fe, name lafoh ara ma Tuhan olap.
25
Horo he'e, Barnabas Tarsus leam Saulus lap.
26
Sa mang sam ahol he'e, sa fito' Antiokhia leho'. Tun nu om mi, supi jumaat ahol med name lafoh gur pel. Mong Antiokhia mi, sakola aiybar a'aiy nang, o bit huni he'e "Sarani hinung".
27
Sari sel ho araham, nabi oin'nu Yerusalem mi hel ho' Antiokhia mi.
28
Supi o name ho nu ani Agabus, toh horo he'e, sa Roh abang seiy ta e panep bite, malihing mate musti ara pali' mate ho mi pir. Fe malihing ho ara mong Klaudius mid parenta puin osel fe mi.
29
Horo, Sakola aiy bar nun mateng amuj honi e, sarian so kufa' ata'ain satang taunung e tahow, uding bar nun ba sara udume nu eleme mong Yudea mi ho en.
30
Naba o taunung am ho, supi tahow med penatua nun di en, mong Barnabas med Saulus fe lol.