(Ajaran Tontang Mambori) ¹ "Waspadolah dalam malakukan kawajiban agamamu di dopan manusio, kolok ondak di tengok manusio, Kolok kek gitu, kamu takkan kamu tarimo upah dari Bapa-mu nan di Surgo. ² Karono tu, pas kamu mangasih sadokah, tak usah mambunyikan tarompet di dopan mu, macam nan dibikin orang-orang munafik di sinagoge-sinagoge dan di jalan-jalan bak supayo dipuji orang tu samo nan laen. Aku kasihtaukan samo kalian nan sabotulnyo, kolok orang tu sabonarnyo dah manarimo upahnyo. ³ Sabaiknyo, pas kamu mambori sadokah, tak usah pala tangan kirimu jugo tau, antah apopun nan dibuek tangan kananmu. ⁴ Bak supayo sadokahmu tu tasambunyi, dan Bapamu nan manengok nan tasambunyi tu, akan mangasihkan upah samo kau." ⁵ "Dan, pas kamu bado'a, jangan pulak kamu macam orang-orang munafik, karono orang tu suko badiri dan bado'a di sinagoge-sinagoge dan disudut-sudut jalan, bak supayo ditengok orang laen. Aku kasihtaukan samo kalian nan sabotulnyo, sabonarnyo orang tu dah manarimo upahnyo. ⁶ Lobih eloklah, pas kalian bado'a, masuklah kalian kadalam kamarmu, dan tutuplah pintunyo, dan bado'a lah samo Bapamu nan ado ditompat tasambunyi, pasti Bapamu nan manengok nan tasambunyi tu akan mangasih upa samo kau. ⁷ Dan, Pas kamu bado'a, tak usah palah pakek kato-kato nan tak ado artinyo, macam dibuek samo orang-orang nan tak konal samo Allah, korno disangko orang tu, kolok banyaknyo kato-kato, do'a orang tu pasti didongarkan Allah. ⁸ Karono tu, janganlah kayak orang tu, karono, taunyo Bapamu apo sajo nan kamu porlukan, sabolum kamu maminta samo-Dio. ⁹ Bado'alah kayak gini, : "Ayah kami nan di Surgo, dikuduskanlah namo-Mu. ¹⁰ Datanglah Karajoan-Mu, jadilah kahondak-Mu dibumi macam di Surgo. ¹¹ Kasihkanlah samo kami, untuk hari ini, makanan kami nan sacukupnyo. ¹² Dan, ampunilah kasalahan-kasalahan kami, kayak kami jugo mangampuni orang-orang nan basalah samo kami ¹³ Dan, jangan pulak mambawak kami kadalam pancobaan, tatapi, lopaskanlah kami dari nan jahat. Karono, Engkaulah Sang pamilik Karajoan, dan Kuaso, dan Kamulioan sampek salamo-lamonyo. Amin." ¹⁴ Karono, kolok kamu mangampuni kasalahan-kasalahan orang laen, Ayah mu nan Surgo pun pasti mangampuni kamu. ¹⁵ Cilakonyo, kolok kamu tak mangampuni kasalahan-kasalahan orang laen, Ayahmu nan di Surgo pun tak akan mangampuni kasalahan-kasalahan kau jugo. ¹⁶ "Dan, kolok kamu bapuaso, usah murung macam orang munafik, karono orang tu mangubah mukonyo, bak supayo ditengok orang laen, kolok dio tongah bapuaso, Aku kasihtaukan nan sabotulnyo samo kalian, sabonarnyo dah ditarimo orang tu nyo upahnyo. ¹⁷ Eloknyo, pas kamu bapuaso, minyakilah kapalomu dan cucilah mukakmu, ¹⁸ Bak supayo puasamu tak ditengok orang, tatapi ditengok samo Ayahmu nan ado ditompat tasambunyi, dan, Ayahmu nan manengok parbuatanmu nan tasambunyi tu, akan mambalasnyo samo kau. ¹⁹ "Tak usah kau manimbun hartomu di bumi ni, dibumi ni tompat ngongat dan karat akan marusaknyo, dan tompat pancuri nan ondak mancuri hartomu. ²⁰ Nan botulnyo, kumpulkanlah hartomu di Surgo, disanan tak ado ngongat dan karat nan ondak marusaknyo, dan tak ado tompat pancuri nan ondak mancuri hartomu disurgo. ²¹ Karono, dimano hartomu barado, disitu jugolah hatimu barado. ²² "Mato adolah panorang tubuh, jadi, kolok matamu elok, torang jugolah saluruh tubuhmu, ²³ Cilakonyo, kolok matamu jahat, jadi golaplah saluruh tubuhmu. Jadi, kolok saharusnya torang nan ado samo kau tu jadi golap, kek mano lagilah golapnyo kagolapan tu. ²⁴ "Tak ado orang nan biso malayani duo tuan, karono dio akan mambonci tuan nan satu dan mangasihi nan laen, ato, dio akan satio samo tuan nan satu dan maremehkan nan laen. Kamu tak biso malayani Allah dan mamon. ²⁵ "Korno tu Aku bacakap samo kalian, "Tak usah khawatir samo hidupmu, antah apo nan ondak kamu makan ato antah apo nan ondak kamu minum. Kekgitu jugo tontang tubuhmu, antah apo nan ondak kamu pakek. Bukannyo hidup tu lobih ponting dari pado makanan, dan tubuh tu lobih ponting dari pado pakean.? ²⁶ Tengoklah burung-burung di langit nan tak manabur, tak mamanen, dan tak mangumpulkan kadalam lumbung, tatapi Ayahmu nan di Surgo mangasih mereka makan. Bukannyo kamu tu lobih bahargo dari pado burung-burung tu? ²⁷ Siaponyo diantaro kalian nan karono khawatir biso manambah sahasta samo umurnyo? ²⁸ Dan, tontang pakean, mangapo pulak kamu khawatir? tengokilah bungo bakung di padang, kek mano mereka tumbuh, mereka tak bakorjo dan jugo tak mamintal. ²⁹ Tatapi, Aku katokan samo kamo, kolok si Salomo dalam samuo kamulioanyo pun tak bapakean saelok macam bungo-bungo tu. ³⁰ Jadi, kolok Allah manyoleki rumput dipadang sampek kek gitu, nan hari ni ado tapi besok dah di campakkan kadalam parapian, pastilah Dio, lobih lagi akan manyolek'i kamu, kamu sakalian nan kurang iman? ³¹ Karono tu, tak usah kamu khawatir sambil bacakap, "Apo nan ondak kami makan?, ato, Apo nan ondak kami minum?, ato apo nan ondak kami pakek? ³² Karono, bangso-bangso laen pun mancari-cari samuo ni dan Ayah mu nan di Surgo tau, kolok kamu mamorlukan samuo ni. ³³ Eloknyo, Carilah dulu Karajoan Allah dan Kabonaran-Nyo, dan samuonyo tu akan ditambahkan samo kamu. ³⁴ Jadi, tak usah pala khawatir tontang hari besok, karono kasusahan hari besok, cukuplah besok, kolok hari ni, cukuplah hari ni ajo.