(Jangan Manghakimi) ¹ "Jangan manghakimi, bak supayo kamu tak dihakimi, ² Karono, dengan panghakiman nan kamu gunokan ondak manghakimi, kamu akan dihakimi, dan ukuran nan kamu gunokan pndak mangukur akan diukurkan samo kamu. ³ Mangapo pulak kamu manengok dobu kayu di mato sodaromu, tatapi, kau tak tau kolok ado jugo balok dimatomu sandiri? ⁴ Ato, kek manolah kamu biso bacakap samo sodaromu, "Bak ku kaluarkan dobu kayu tu dari mato kau,' tatapi tengoklah, ado balok di mato kau sandiri? ⁵ Hei, orang munafik, kaluarkan lah dulu balok nan ado di mato kau tu, abis tu, bak jolas kau menengok dan mangaluarkan dobu kayu dari mato sodaromu. ⁶ Jangan mangasih barang nan kudus samo anjing-anjing, jangan pulak malempar mutiaro samo babi, bak supayo mereka tak manginjak-injaknyo pakek kakinyo dan babalek mancabik-cabik kamu. ⁷ "Mintaklah, dan hal tu akan dikasihkan samo kau, Carilah, dan kau akan mandapat. Godurlah, dan hal tu akan dibukokan samo kau. ⁸ Karono, satiap orang nan mamintak akan manarimo, dan orang nan mancari, akan mandapat, dan samo dio nan manggodur akan dibukokan. ⁹ Ato, siaponyo dari antaro kamu, nan kolok anaknyo mamintak roti akan dikasih batu samonyo? ¹⁰ Ato, kolok anaknyo mamintak ikan, tak mungkin dikasihkan ular samo anaknyo tu.! ¹¹ Jadi, kolok kamu nan jahat tau kek mano mangasih anak-anakmu nan elok, talobih lagi lah Ayahmu nan di Surgo nan mangasihkan nan elok samo orang tu nan maminta samo-Dio. (Hukum Nan Tarutamo) ¹² "Karono tu, sagalo sasuatu nan kamu ondak orang laen lakukan samo kamu, kek gitu jugolah kamu lakukan samo orang tu, karono inilah isi Hukum Taurat dan kitab paro Nabi." ¹³ "Masuklah lewat gorbang nan sompit, karono lebarlah gorbang dan luaslah jalan nan manuju kapado kabinasoan, dan ado banyak nan masuk lewat jalan tu. ¹⁴ Karono, nan sompitan gorbang dan sosaklah jalan nan manuju kapado kahidupan dan sadikit nan manomukannyo." ¹⁵ "Namun, waspadolah samo nabi-nabi palsu nan datang samo kamu dengan bapakean domba, tatapi sabotulnyo orang tu adolah sarigalo-sarigalo nan buas. ¹⁶ Dari buahnyolah kamu akan mangonali orang tu, dapatnyo agaknyo orang mangumpulkan buah-buah anggur dari somak-somak duri dan buah-buah ara dari tumbuh-tumbuhan baduri? ¹⁷ Kek gitu jugolah, satiap pohon nan elok manghasilkan buah nan elok, tatapi pohon nan tak elok manghasilkan buah nan tak elok jugo. ¹⁸ Pohon nan elok tak mungkin manghasilkan buah nan tak elok, ato pohon nan tak elok biso manghasilkan buah nan elok?. ¹⁹ Satiap pohon nan tak manghasilkan buah nan elok akan ditobang dan dibuang ka dalam api. ²⁰ Jadi, dari buah-buahnyolah kamu akan mangonali orang tu. ²¹ Tak samuo orang nan bakato samo-ku, "Tuhan, Tuhan, akan masuk kadalan Karajoan Surgo, salain orang nan malakukan kamauan ati Ayah-Ku nan di Sorga. ²² Pas hari tu, banyak orang akan bacakap samo-Ku, 'Tuhan, Tuhan, bukannyo kami dah banubuat dalam namo-Mu, dan mangusir ta'un dalam nao-Mu dan malakukan banyak mukjizat dalam namo-Mu jugo?, ²³ Torus, Aku akan manyatokan samo orang tu, 'Aku tak paronah mangonal kamu! Onyahlah dari-Ku, kamu samuo nan babuek palanggaran!'" ²⁴ "Karono tu, samuo orang nan mandongar cakap-Ku ini dan malakukannyo, dio akan manjadi macam orang bijaksano nan mambangun rumahnyo diatas batu. ²⁵ Torus, turunlah hujan dan datanglah banjir, dan angin batiup manghantam rumah tu, dan rumah tu tak rubuh, karono didirikan di atas batu. ²⁶ Dan, satiap nan mandongar parkatoan-Ku ni dan tak malakukannyo akan manjadi macam orang bodoh nan mambangun rumahnyo diatas pasir. ²⁷ Torus, turunlah hujan dan datanglah banjir, dan angin batiup menghantam rumah tu, dan rumah tu rubuh dan sangant bosarlah karusakannyo." ²⁸ Pas Yesus salose mangatokan hal-hal ni, orang banyak taheran-heran samo pangajaran-Nyo. ²⁹ Karono Dio mangajar orang tu sabage orang nan bakuaso, dan tak macam ahli-ahli Taurat orang tu.