(Caramah Yesus Dibukit {Ucapan Berkat}) ¹ Pas manengok orang banyak tu, Yesus naik ka atas bukit. Dan, sasudah Dio duduk, murid-murid-Nyo datang samo Dio. ² Dan, Dio mambuko mulut-Nyo dan mangajar orang tu, katonyo, ³ "Diborkahilah orang nan miskin dalam roh, korno orang tu nan mampunyoi Karajoan Surgo. ⁴ Diborkahilah orang tu nan badukocito, korno orang akan dihibur. ⁵ Diborkahilah orang nan lombut atinyo, korno orang tu akan mawarisi bumi. ⁶ Diborkahilah orang nan lapar dan haus akan kabonaran, korno orang tu akan dikonyangkan. ⁷ Diborkahilah orang nan mudah mangkasihani, korno orang tu akan dikasihani. ⁸ Diborkahilah orang nan murni atinyo, korno orang tu akan manengok Allah. ⁹ Diborkahilah orang nan suko badame, korno orang tu akan disobut anak-anak Allah. ¹⁰ Diborkahilah orang nan dianiayo korno kabonaran, korno orang tu nan mamiliki Karajaan Surgo. ¹¹ Diborkahilah kamu, kolok ado orang nan mangejekmu dan manganiayo kamu, dan mancakapkan samuo macam cakap nan jahat samo kamu, dengan fitnah, karono Aku. ¹² Basukocito dan bagambiralah, korno upahmu bosar disurgo, karono, kek gitulah orang tu nan manganiayo para nabi nan sabolum kamu." ¹³ "Kamu tu adolah garam dunio, tatapi kolok garam tu dah manjadi hambar, pake apo lagi lah dio ondak diasinkan balek? dio tak baguno lagi samo sakali, salain dibuang dan dipijak-pijak samo orang." ¹⁴ "Kamu tu adolah torang dunio, kota nan talotak diatas bukit, tak biso di rondokkan. ¹⁵ Orang-orang jugo tak mangidupkan api lampu dan malotakkannyo di bawah gantang, pastinyo malotakkannyo diatas tompat lampu dan dio manorangi samuo nan ado di dalam rumah. ¹⁶ Bak biarlah torangmu jugo bacahayo macam cara kek gitu jugo, bak supayo orang tu dapat manengok parbuatan-parbuatan nan elok dan mamuliokan Bapamu nan di Surgo." ¹⁷ "Jangan kalian pikir kolok Aku datang ondak maniadokan Hukum Taurat ato Kitab paro Nabi, Aku ni datang ondak manggonapinyo. ¹⁸ Aku bacakap ni nan sabotulnyo samo kamu, sampe langit dan bumi balalu, tak ado satu iota ato satu coretan pun nan akan hilang dari Hukum Taurat sampe samuonyo digonapi. ¹⁹ karono tu, siapo nan maniadokan salah satu dari parintah-parintah nan kocik ni, dan mangajarkan orang lain ondak malakukan hal nan samo, dio akan disobut nan takocik dalam Karajoan Allah. Namun, siapo nan malakukan parintah-parintah tu dan mangajarkannyo, akan disobut bosar dalam Karajoan Allah. ²⁰ Korno, Aku bacakap samo kamu ni, koloklah perangaimu tak lobih elok dari pado perangai ahli-ahli Taurat dan orang-orang Farisi, samo sakali kamu tu tak akan masuk kadalam Karajoan Surgo. ²¹ Kamu dah mandongar nan dicakapkan samo nenek moyang kito, Jangan mambunuh, dan 'siapo nan mambunuh, cocok dibawak ka pangadilan.' ²² Akan tatapi, Aku kasihtau samo kamu, kolok siapopun nan marah samo sodaronyo, pantas barado dalam hukum, dan siapopun nan bacakap samo sodaronyo "Kamu tolol", cocoknyo ado dihadapan Mahkamah Agamo, dan siapopun nan bacakap, 'kamu bodoh' cocok ado dalam narako api. ²³ Karono tu, kolok kamu mamparsombahkan parsombahan di atas altar, dan disanan kamu taringat, kolok ado nan tak cocok dalam ati mu samo sodaromu, ²⁴ Tinggalkanlah dulu parsombahanmu itu didopan altar dan pogilah dulu dan badamelah samo sodaromu itu, kolok dah salose, balek lah dan parsombahkanlah parsomabahanmu. ²⁵ Sacopat mungkin, badamelah samo orang nan manuduhmu salagi kamu dalam parjalanan basamonya, bak supayo jangan sampe panuduhmu itu manyorahkan kamu ka Hakim, dan Hakim tu manyorahkanmu samo pagawenyo, dan kamu dijobloskan kadalam panjaro. ²⁶ Aku cakapkan ni nan sabotulnyo samo kamu, kamu tak akan pornah kaluar dari sanan samuo kamu dah mambayar sen nan tarakhir. ²⁷ "Kamu dah mandongar kolok dikatokan, "Jangan Bazinah". ²⁸ Akan tatapi, Aku kasihtaukan samo kamu, kolok satiap orang nan manengok'i parampuan dan mangingininyo, sabotulnyo dio tu dah bazinah samo parampuan tu di dalam hatinyo. ²⁹ Kolok mato kananmu mambuek kau badoso, cungkillah mato kau tu dan campakkanlah, korno, eloklah kau tu tak punyo satu mato dari pado saluruh tubuhmu dibuang ka dalam narako. ³⁰ Dan, kolok tangan kananmu mambuek kau badoso, potong sajolah tangan kau tu, dan buang tangan kau tu, eloklah kau tak punyo satu tangan dari pado saluruh tubuh kau dibuang kadalam narako. ³¹ Dah dikatokan :Siapo nan mancorekan binik nyo, harus mambuek surat core samo biniknyo tu, ³² Akan tatapi, Aku kasihtau ka kamu, kolok siapo nan mancorekan binik nyo, kacuali karono zina, dio mambuek binik nyo bazina. dan, siapo nan kawin samo parampuam ma dah dicorekan tu, dio jugo bazinah. ³³ Sakali lagi, kamu dah mandongar nan dikatokan samo nenek moyang kito. 'Jangan basumpah palsu, tatapi topatilah sumpahmu tu di dopan Tuhan.' ³⁴ Namun, Aku bacakap samo kamu: Jangan sakali-kali kamu basumpah, antah itu domi surgo, korno surgo adolah takhto Allah. ³⁵ Atopun domi bumi, karono bumi adolah tumpuan kaki-Nyo, atopun domi Yerusalem, karono itu adolah kota sang Rajo Bosar. ³⁶ Jangan jugo kamu basumpah domi kapalamu, karono kamu tak dapat mambuek sehelai rambutpun, putih ato hitam. ³⁷ Namun, ondaknyo parkataanmu, ya kolok ya, tidak kolok tidak, karono, salain dari itu, pasti barasal dari si Jahat. ³⁸ Kamu dah mandongar apo nan dah dicakapkan, 'Mato ganti mato dan gigi ganti gigi.' ³⁹ Namun, Aku kasihtaukan ka kamu, jangan malawan nan jahat, malainkan siapo nan manampar pipi kanan mu, kasihkan jugo samo dio pipi kiri kau. ⁴⁰ Dan, kolok saorang ondak manuntun kau mangambek bajumu, kasihkanlah jugo jubah kau samo dio. ⁴¹ Dan, siapo nan mamaksamu bajalan 1 mil, bajalanlah samo dio 2 mil. ⁴² Kasihkanlah samo orang nan mamintak samo kau dan jangan manolak orang nan ondak maminjam samo kau. ⁴³ "Kamu dan mandongar nan difirmankan, "Kasihilah sasamamu, dan boncilah musuhmu." ⁴⁴ Namun, Aku kasihtau samo kamu, "Kasihilah musuh-musuhmu dan badoalah samo orang-orang nan manganiayo kamu" ⁴⁵ Dengan kek gitu, kamu dapat manjadi anak-anak Bapamu nan di Surgo, korno Dio mamunculkan matahari-Nyo samo nan jahat dan nan elok, dan manurunkan hujan samo nan elok dan nan tak elok. ⁴⁶ Korno, kolok kamu hanyo mangasihi orang-orang nan mangasihimu, apolah upah nan kau dapat? bukannyo pangumpul pajak jugo mambuek kayak gitu jugo? ⁴⁷ Dan, kolok kamu mangasih salam hanyo samo sodaro-sodaromu, apolah lobihnyo parangaimu tu? bukannyo orang nan tak mangonal Allah jugo keg gitu jugo dibueknyo? ⁴⁸ Karono tu, kamu tu harus manjadi sampurno, samo macam Bapamu sampurno, nan ado disurgo.