Trompet Kalimo Mamule Kangarian na diluan ¹ Lalu, malaikat kalimo manghombus trompetnyo, jongon ambo maliek saincek bintang jatuh dari langit ka ate bumi, dan kapadonyo diagikan kunci lubang jurang maut. ² Inyo mambukka lubang jurang maut, mako naiklah asok dari lubang tu, sakiro asok dari tungku na gadang, jongon matohari dan angkaso manjadi kalam karano asok lubang tu. ³ Kamudian, dari dalam asok tu kalualah balalang-balalang ka ate bumi, jongon sidak di agi kuaso sakiro kuaso kalajengking di bumi. ⁴ Dan, kapado sidak dipesankan padia indak marusak rumput-rumput bumi, tumbuh-tumbuhan, atopun batang-batang, malainkan hanyo sidak na indak mampunyoi segel Allah pado dahi sidak. ⁵ Sidak indak diizinkan untuk mambunuh sidak, tatapi supayo manyikso sidak salamo 5 bulan; jongon siksaan tu samo sakiro siksaan kalajengking saat inyo manyengat manusio. ⁶ Pado maso tu, manusio akan mancari kamatian, tatapi sidak indak manjumpoinyo. Sidak ingin mati, tatapi kamatian manghindari sidak. ⁷ Wujud balalang-balalang tu sakiro kudo-kudo na disiapkan untuk perang; dan di ate kapalo sidak ado sasuatu sakiro ado sasuatu sakiro mahkota ame, mukko sidak sakiro mukko manusio. ⁸ Rambut sidak sakiro rambut padusi jongon gigi sidak sakiro gigi singo, ⁹ dan dado sidak sakiro baju basi, dan bunyi sayap sidak sakiro bunyi kreta-kreta jongon banyak kudo na bapaccu ka medan perang. ¹⁰ Dan, ikku sidak sakiro kalajengking dan ado sengatnyo, dan di dalam ikku sidaklah ado kuaso untuk manyakkiti manusio salamo 5 bulan. ¹¹ Rajo na mamarinto sidak iyolah malaikat jurang maut, na dalam bahaso Ibrani namonyo iyolah "Abadon," sadangkan dalam bahaso Yunani namonyo iyolah "Apolion". ¹² Bancano na duluan ala lewat, tatapi masih ado 2 pandaritoan lain na akan datang. Trompet Kaanam Babunyi ¹³ Lalu, malaikat na kaanam manghombus trompetnyo, dan ambo mandanga suaro dari kaampek tanduk altar ame na ado dimukko Allah, ¹⁴ mangeccek kapado malaikat kaanam na mamaccik trompet tu, "lapekanlah kaampek malaikat na dikabek di sunge Efrat na gadang tu." ¹⁵ Mako, kaampek malaikat tu, na ala dipasiapkan untuk jam jongon hari, bulan jongon tahun tu, dilapekan padia mambunuh 1/3 umat manusio. ¹⁶ Jumloh tantaro bakudo sidak iyolah 200 juta banyaknyo; ambo mandanga jumloh sidak. ¹⁷ Dan, baitulah ambo maliek dalam paliekan kudo-kudo tu jongon sidak na duduk di atenyo; paro panunggangnyo mamakke baju basi bawarno merah manyalo, biru kalam, jongon kuning sakiro belerang; dan kapalo kudo-kudo tu sakiro kapalo singo jongon dari mulut sidak kalua api, asok, jongon balerang. ¹⁸ Jongon katingonyolah 1/3 manusio dibunuh; jongon api, asok, jongon balerong na kalua dari mulut sidak. ¹⁹ Sabab, kakuatan kudo-kudo tu tadapek pado mulut jongon ikku sidak. Sabab, ikku sidak sakiro ula jongon mampunyoi kapalo, dan jongon itulah sidak manyikso. ²⁰ Namun, manusio na salamat, na indak tabunuh samo bancano tu, tatapi indak batobat dari pabuatan-pabuatan tangan sidak, bahwo sidak indak bisa manyambah roh-roh jahek jongon berhala-berhala dari ame, perak, tembaga, batu,ato kayu; na indak dapek maliek, mandanga, ato pun bajalan, ²¹ dan sidak indak batobat dari pambunuhan, sihir, pancabulan, jongon pancilokan.